Rayonda ruhi xəstələrə kredit verilib

Günbəgün sayı artan bankların dövlətə, insanlara xidmət edib-etməməsindən danışmaq çox çətindir. Baş verənlərdən belə başa düşmək olar ki, artan banklar indiki hakimiyyətə “müxalifətdir”. İldə bir neçə dəfə banklar haqqında məsələlər gündəmə gəlir. Hər kəs düşünür ki, 36-40 faizə qalxan kreditlərə yəqin ki, “dur!”- deyiləcək. Bank məsələsi hər dəfə gündəmə gəldikcə bankların sayı artır. Yeni-yeni fırıldaq yuvaları yaranır. Milli bankın hansı tədbirlər görməsi, nələri üzə çıxarması hələ ki, məlum deyil.

Müzakirələrdən məlum olur ki, digər ölkələrdən cüzi faizlə kredit götürən işbazlar asan yolla milyonları yüksək faizlərlə insanlara sırıyırlar. Nəticədə, daşınmaz əmlaklarına əlvida deyirlər. Maraqlıdır, doğrudanmı xarici banklardan götürülən pulların faizindən milli bank rəhbərinin xəbəri yoxdur? Əgər olsaydı, soruşardılar ki, 27 faizlə götürdüyünüz pulları hansı əsasla 40 faizlə satırsınız? Deməli, dövlətçilik, xalq sevgisi günbəgün azalır.

Adi bir vətəndaş bankdan kredit götürmək istəyərkən günlərlə vaxtlarından keçməli və qalaq-qalaq sənədlər toplamalı olurlar. Amma, “ZaminBank”ın Qazax filialında kredit məsələsi çox adidir. Eləcə şöbə müdirinə “50-nin 50-yə “ deyilməsi kifayətdir, deyirlər. Onun nəticəsidir ki, bankdan kredit götürənlərin 30-40 faizinin yolu rayon məhkəməsinə düşməli olub. Axı, götürülən kredit müdirlə

yarıbayarı bölünürsə, ödənişi də elə olmalı deyilmi? “ZaminBank”ın Qazax filialının müdiri Məzahir Mirzəyev isə müştərilərinə deyir ki, “ağlınız var idi bölməzdiniz”. İmza atmısınız, indi canınız çıxsın ödəyin!”

Məqsədimiz Məzahir Mirzəyevə çatdırmaqdır ki, doğurdanmı kim gəldi kredit verməyi qarşına məqsəd qoymusan? Əlbəttə, kimə gəldi verilən kreditlərin qaytarılması çətin ola bilər. Axı, Məzahir Mirzəyevdən niyə soruşmursunuz ki¸ nə əcəb ruhi əsəb xəstəliyindən əziyyət çəkənlər, tamam nitqi qüsurlu insanlar kredit üçün Sizə müraciət etmişlər. Həmin insanların davranışından hər şey məlum olur.

Bank müdiri Məzahir Mirzəyev kimdir?

Sovet dönəmində M.Mirzəyev Qazaxda sabiq “Sberkassa”(hazırda Kapital bank) müdiri işləyərkən bank fırıldağı etmişdi. Fırıldağının əvəzində Mirzəyev xeyli qınağa tutuldu. Vətəndaşlardan mənimsədiyi pulları ödəməli oldu. Bank müdirliyindən uzaqlaşdırılan Mirzəyev 1 müddət rayonda görünmədi. Müstəqillik dövrü yenidən Məzahir Mirzəyevdə bank həvəsi oyatdı. Kiminsə vasitəsi ilə “Azdəmirbank”ın Qazax şöbəsinə müdir qoyuldu. Az vaxtda nüfuz qazanan “Azdəmirbank” rayonda Məzahirin vasitəsi ilə tezliklə nüfuzdan düşdü. İnamsızlıq insanları bankdan uzaq saldı. Həmin filialda baş verən fırıldaqların ört-basdır olunması üçün Mirzəyev bankın Yevlax filialına göndərildi. Məzahir orada da

əməlindən nəticə çıxarmadığı üçün işindən birdəfəlik kənarlaşdırıldı.

Maraqlıdır, “ZaminBank”ın Qazax filialını necə tapdı? Yəqin düşünənlər olub ki, M.Mirzəyevin iş üsulu daha “uğurludur”. Bizim üçün təəccüblüdür: Məzahir Mirzəyev 1-2-ci qrup əlillərin, ruhi əsəb xəstələrinin, eşitmə qabiliyyəti olmayanların adlarına 18 000 manat kredit verəndə nə düşünüb? Açıqca hiss olunur ki, Mirzəyev 15 000 manat mənimsəmişdir. Doğrudanmı, bank müdiri həmin şəxslərlə həmsöhbət olmayıb? Həmin insanlardan 5 nəfərin adlarını oxucularımıza çatdırırıq:

1. Orucov Vidadi Bayram oğlu (ruhi xəstə)

2. Omarova Gülcöhrə Allahverdi qızı (lal-kar)

3. Kosayeva Vüsalə Cavanşir qızı(ruhi xəstə)

4. Vəliyev Vahid Vəli oğlu(2-ci qrup əlil)

5. Sarıyev Həmid Məzahir oğlu (lal)

Bu siyahının daha çox olduğu söylənilir. “ZaminBank”ın şefi bu barədə ciddi düşünməlidir. Yoxsa, yüz minlərindən keçməli olacaqlar. Əlac Azərbaycan Milli Bankına qalıb.

Mövzuya qayıdacağıq...

Vahid