Bəli, bir çoxlarınız tərəfindən qınaq obyektinə tuş gəlsək də, dövlətinə və xalqına xainlik edənləri ifşa etməyi özümüzə borc bildiyimizdən bu günlərdə digər icra başçılarının hallanan adı altında Mingəçevir icra başçısının səssizcə xımır-xımır milyonları tükətdiyindən yazmaq qərarına gəldik. Elə bu minvalla da “Gündəm Xəbər”in əməkdaşı bütün bu maliyyənin məqsəd və prinsiplərini araşdırarkən çox ilginc məlumatlar əldə edib.

Belə ki, sən demə, Mingəçevir icra başçısı Niyazi Bayramov son iki ildə əldə etdiyi maliyyə maxinasiyaları və dolandırıçılıqla həm böyük təcrübə toplayıb, həm də olduqca böyük kapital sahibinə çevrilib. Həmin maliyyələrin hardan gəlib, hara getdiyini açıqlamazdan əvvəl istərdik bu günlərdə Cənab Prezidentin Mingəçevir şəhərinin mənzil fondunun əsaslı təmiri işlərinin sürətləndirilməsinə və kommunal texnikanın alınmasına dair əlavə tədbirlər haqqında sərəncamı əsasında 2 milyon manat vəsaitin ayrılması ilə bağlı maliyyənin Mingəçevir icra başçısı tərəfindən nəyə sərf olunacağı ilə bağlı bir sual qoyaq. Bəli, Niyazi Bayramov 2 milyonluq mənzil fondumu inşa edəcək? Cənab Prezidentin hümanistliyindən və yenidənqurma siyasətindən istifadə edərək, bir parkın bitmək bilməyən abadlaşdırılmasına görəsən daha nə qədər maliyyə dövlət büdcəsindən oğurlanacaq?

Bu suallara cavab vermək üçün əlavə şərhə ehtiyac yoxdur. Sadəcə yaxın zamanlara qədər Niyazi Bayramovun maliyyə maxinasiyalarını araşdırsaq, yenicə ayrılmış 2 milyon manat məbləğində vəsaitin hara gedəcəyini müəyyən etmək olar. Belə ki, oran gərək kis, Niyaz Bayramov Mingəçevir İcra Hakimiyyətinin yerləşdiyi yerin arxasındakı Dostluq parkının 400 kvadrat metrdən çox ərazisini dövlət hesabına təmir etdirib. Daha sonra həmin ərazini öz şəxsi mülkiyyəti kimi sahibkarlara hansı sifətlə satıb? Parkın satılan ərazisində isə 30-dan artıq ağac məhv edilib. Bununla da Niyazi bayramovun cənab Prezidentin “Ağacları və yaşıllığı qoruyun” kimi tövsiyyəsinə sayqısızlıq edərək, ikinci kəs öz həddini aşmış olduğu da gözdən qaçmamalıdır. Əcaba prezidentin tövsiyyəsinə məhəl qoymadan.

30 ağacı məhv edərək, dövlətə məxsus parkı öz şəxsi mülkiyyəti kimi satması kimi ipə-sapa yatmayan fəaliyyətinin sonucu olaraq, sən demə 100 min manat vəsaitə görə imiş. Yəni əldə edilən məlumata görə, Niyazi Bayramov dövlət parkının 1 kvadratmetrini 250 manata sataraq, 100 min manat əldə edib. Bu hələ harasıdır? Niyazi Bayramovun gözü

doymaq bilmədiyindən Mingəçeviri səssiz-səssiz elə sovurub-süpürüb ki, geridə ancaq bizə qalan bu bir-iki boş kəlmə olacaq. Onsuz da deyilənə görə, Mingəçevir icra başçısı yerini elə bərkidib ki, onu hələm-hələm yerindən dəbərdib məsuliyyətə cəlb etməkdə prokurorlar belə acizdir... Çünki, bunca zamandır Mingəçevir İcra Hakimiyyətinin əli ilə şəhərdə guya həyata keçirilən tikinti, yaşıllaşdırma, parkların və xiyabanların salınması, təmiri və abadlaşdırılması kimi işlərin həyata keçirilməsi üçün milyonlarla manat maddi vəsait ayrılıb. Amma əslində isə həmin manatlar necə olubsa, Niyazi Bayramovun cibinə düşüb...

Misal üçün, ötən il Mingəçevirdə yerləşən “Sahil” və “Heydər” parklarının təmirinə 1 milyon yarım manat vəsait ayrılmışdısa, əldə etdiyimiz məlumata görə, həmin maliyyə vəsaitinin böyük hissəsi mənimsənilib. Puldan gözü doymayan Niyazi Bayramovun pul toplamaq məcaraları bununla bitmir. Niyazi Bayramov yeni fırıldaq səhifəsində yaxınlarının adına bir çox sayda MMC-lər açıb müxtəlif sayda maliyyə maxinasiyalarına əl ataraq, külli miqdarda vəsait əldə edirmiş. Belə ki, ütivarlı mənbənin verdiyi məlumata görə, Mingəçevirin “mələk” üzlü icra başçısı “Lider Monolit MMC” ni yaxınların adına yazdıraraq əldə etdiyi vəsaitlə belə nəfsini ört-bastır edə bilmədiyindən, “İşıqlandırma” MMC-si, eləcə də dövlət müəssisələri olan Mənzil Kommunal Təsərrüfatı İstehsalat Birliyi, Yaşıllaşdırma və Sanitar Təmizlik İdarəsi, Mənzil Kommunal Təsərrüfatı Kombinatı, Mənzil Təsərrüfatı və Abadlaşdırma İdarələrini olduqca mahir üsula əl ataraq, “Fərdi Yaşayış Məntəqələrinə Xidmət” idarəsi vasitəsi ilə, heç bir dövlət strukturunun nümayəndəsinin ruhu belə duymadan realizə edir.

Bundan əlavə, dövlət yerlərini sata-sata gedən icra başçısı kür çayı ətrafındakı əraziləri də olduqca böyük vəsaitə satdığı da bildirilir. Bu icra başçıları deyəsən “posta” təyin olunan zaman “dövlətin varı-yoxu mənim olacaq” deyib qədəm qoyurlar. Əks halda ancaq düşmən bu cür dövlətə xəyanət edər. Bir çox QHT rəhbərlərinin işlədikləri layihələr əsasında əldə etdikləri vəsaitin maliyyə hesabatında mütləq sürətdə bir nöqsanın olmadığına nə qədər and içmək olarsa, Niyazi Bayramovun da, sütdən çıxmış ağ qaşıq olduğuna o qədər and içmək olar...

Faktla bağlı araşdırmalarımız davam edir... Ümid edirik, yaxın günlərdə yenicə ayrılmış 2 milyon manatın Niyazi Bayramov tərəfindən nəyə xərcləndiyi ilə bağlı yetərli məlumat əldə edə biləcəyik...

Ülkər