Həyat yoldaşı tərəfindən bıçaqlanan kişi onu bağışlayır, amma prokurorluq bağışlamır

Salyan rayon sakini, 2 uşaq anası, üçüncü övladını cinayət törədəndən sonra həbsdə dünyaya gətirən Ramilə Əhmədovanın məhkəməsi davam edir. İttiham görə, Ramilə Əhmədova həyat yoldaşı İbrahim Əhmədov arasında münaqişə baş verib.

Nəticədə, Ramilə həyat yoldaşını bıçaqlayaraq öldürmək istəyib. Hadisə baş verən gün əri Ramilənin həmkəndliləri Namiq Pənahovla telefonda danışdığını eşidib. Bundan sonra Ramilə ilə İbrahim dalaşıblar. İbrahim Ramiləyə “Sənin başqa kişi ilə əlaqənin olmasını hamıya deyib, səni biabır edəcəyəm” deyib. Buna görə Ramilə ərini öldürmək qərarına gəlib.

Bu məqsədlə o, əvvəlcədən hazırlıq görərək, jurnal masasının üstündən mətbəx bıçağını götürüb, yatdığı döşəyin altında gizlədib. Həmin gün səhər tezdən yataq otağında çarpayıda uzanıb söhbət edən zaman qəflətən həmin bıçağı götürən Ramilə ərinə 5 dəfə zərbə vurub. İbrahim cəld tərpənib, otaqdan çıxıb. Hadisə yerinə gələn qohum və qonşuları onu vaxtında xəstəxanaya apardıqlarından, onun həyatını xilas etmək mümkün olub.

Bu əməli ilə Ramilə Əhmədova Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə

ittiham edilib və onun cinayət işinə Lənkəran Ağır Cinayətlər Məhkəməsində baxılıb. Məhkəmənin hökmü ilə Ramilə 7 il 6 ay müddətinə azadlıqdan məhrum edilib.

Lakin məhkəmənin hökmü ilə razılaşmayan Ramilə və onun həyat yoldaşı apelyasiya şikayəti verərək, onun barəsində olan cəzanın yüngülləşdirilməsini istəyiblər. Ramilə şikayətində göstərib ki, onun əməli 126-cı (qəsdən sağlamlığa xəsarət yetirmə) maddəsi ilə tövsif edilməlidir. Çünki onun məqsədi ərini öldürmək olmayıb. Həmçinin azyaşlı uşaqlarının olması da nəzərə alınmalıdır. Bundan başqa o, zərərçəkmiş Seymurla barışıb.

Qadını danışmağa nə vadar etdi?

Bir müddət əvvəl Ramilənin şikayətinə Şirvan Apellyasiya Məhkəməsində baxılıb və qərar qəbul edilib. Onun barəsində 5 il müddətə azadlıqdan məhrum etmə cəzası təyin edilib. Cinayət Məcəlləsinin 79.1-ci maddəsi tətbiq edilərək, cəzasının qalan 4 il 29 gün hissəsini çəkməsi uşağı səkkiz yaşına çatanadək təxirə salınıb. Qeyd edək ki, cinayət törədən zaman hamilə olan Ramilə həbsxanada uşaq dünyaya gətirib. İşə baxan hakimlər də Ramilənin ana olmasını nəzərə alıblar.

Amma məhkəmənin qərarından Baş Prokurorluq narazı qalaraq Ali Məhkəməyə kassasiya şikayəti ünvanlayıb. Məhkəmənin qərarından həm Samirə, həm də onun həyat yoldaşı narazı qalıb. Onlar cəzanın bir az da

yüngülləşdirilməsi ilə bağlı Ali Məhkəməyə kassasiya şikayəti veriblər.

Ali Məhkəmənin hakimləri apelyasiya instansiyası məhkəməsinin qərarını ləğv ediblər və işə yenidən apelyasiya instansiyasında baxılması barədə qərar qəbul ediblər.

Bu səbəbdən də Ramilənin cinayət işi yenidən baxılması üçün Şirvan Apellyasiya Məhkəməsinə göndərilib. Onun apelyasiya şikayəti üzrə məhkəmə baxışı hakim Ələsgər Novruzovun sədrlik etdiyi kollegiyada araşdırılıb.

“Namiq mənə telefon bağışlayıb”

Bundan əvvəl barəsində bir neçə dəfə məhkəmə qurulsa da, hadisə ilə bağlı Ramilə danışmaq istəməyib. Hər dəfə susmağı üstün tutan Ramilə nədənsə sonuncu məhkəmə iclasında danışmaq qərarına gəlib. O, məhkəmə iclasında hadisənin hansı səbəbdən baş verməsi barədə ətraflı ifadə verib.

Ramilənin sözlərinə görə, əri İbrahim onu əsassız yerə qısqanıb: “Son iki ildə isə ərinin qısqanclıq hissləri daha da artıb. 2010-cu ilin təxminən yanvar ayında həmkəndlimiz Namiq ilə tanış olmuşam. Namiq mənə bir-birimiz ilə danışmaq üçün telefon bağışlayıb”.

Təqsirləndirilən şəxsin sözlərinə görə, 11 noyabr 2012-ci ildə Namiqin ona zəng edib-etməməsini yoxlayan zaman qəflətən İbrahim onun arxasınca otağa girib: “Həmin vaxt

telefonu gizlədə bilmədim. Telefonu evə qayıdanda qızım Sevdanın küçədən tapdığını dedim. İbrahim səhər açılan kimi nömrənin kimə məxsus olduğunu və hansı kişilərlə əlaqəmin olduğunu araşdıracağını bildirdi. Bundan sonra o, paltarlarını soyunaraq yataq otağındakı çarpayıya uzandı. Bundan sonra uşaqlarını həmin yataq otağında yatırtdım və yataq paltarlarımı geyinərək Seymurun yanında çarpayıya uzandım. İbrahim yataqda olsa da, yatmamışdı”.

“Ərimi öldürmək istəməmişəm”

Ramilə Əhmədova deyib ki, həmin vaxt İbrahim ona başqa kişilərlə əlaqəsi olduğu barədə böhtan atmağa başlayıb: “Həmin telefona zəng edən adamla əlaqəmin olduğunu Şorsulu kəndinin sakinlərinə, hamıya yayacağını dedi. Gecə ayaqyolundan qayıdanda evdə jurnal stolunun üstündə olan bıçağı götürdüm və yataq otağına qayıtdım. Səhərə yaxın İbrahimin yenə də yatmadığını gördüm. İbrahim yenə də məni xəyanət etməkdə günahlandırdı. Bu vaxt güclü ruhi həyəcan vəziyyətində bıçaqla onun kürək nahiyəsinə iki dəfə ard-arda zərbə endirdim. İbrahim “ay Allah” deyə-deyə ucadan qışqırdı. İkinci zərbədən sonra üzü üstə çarpayıdan döşəməyə düşdü. Dərhal onun kürək nahiyəsinə üçüncü bıçaq zərbəsini vurdum. Bu zaman İbrahim otaqdan qaçdı. Onun arxasınca çıxdım. İbrahimin salonda olan divanın yanında dayandığını və qayınanamın

ona tərəf gəldiyini gördüm. Bu səbəbdən dərhal yataq otağına qayıtdım. Həmin vaxt uşaqları səsə yuxudan oyanaraq ağlaşdılar. Bıçağı kamodun üstünə qoydum və uşaqları sakitləşdirdim. Təxminən 5 dəqiqədən sonra qayınanam otağa girərək bıçağı apardı. Bir neçə dəqiqədən sonra Seymuru xəstəxanaya apardılar. Ərimi öldürmək istəməmişəm. Sadəcə, ərimin mənə qarşı təhqiramiz sözlərindən sonra güclü ruhi həyəcan vəziyyətində nə etdiyini bilməmişəm və ona xəsarət yetirmişəm”.

Məhkəmə sonda qərar açıqlayıb. Qərara görə, Ramilə Əhməovanın cəzası daha da yüngülləşdirilib. Onun barəsində təyin edilmiş cəza şərti hesab edilib. Bu qərardan Baş Prokurorluq yenə də narazı qalıb. Baş Prokurorun müavini Namiq Əsgərovun imzası ilə Ali Məhkəməyə göndərilən kassasiya protestinə hakim İmran Hacıqayıbov baxıb. Hakim kollegiyası prokurorluğun protestini təmin edib və Şirvan Apellyasiya Məhkəməsinin qərarını ləğv edib. İşə yenidən apelyasiya instansiyasında baxılması barədə qərar qəbul edilib.