Tərtərin icra başçısı Müstəqim Məmmədov, ciddi şəxs olmadığını davranışları ilə nümayiş etdirir. Belə ki, “Gündəm Xəbər”ə daxil olan məlumatlara görə o, ara-sıra rayonun mərkəzindən uzaqda yerləşən kəndlərin sakinləri ilə görüşür, amma necə? Elə bu necəliyin varlığıdır ki, onun barəsində müəyyən söz-söhbətlər dolaşır və bildirilir ki, sakinlərlə görüş zamanı Müstəqim Məmmədov sosial problemlərin varlığı ilə maraqlanmaq əvəzinə, yeri gəldi-gəlmədi kimlərləsə şit zarafatlar etməyi daha üstün tutur.

Diqqəti cəlb edən hal odur ki, Tərtərin icra başçısı da ölkə rəhbərinin müvafiq sərəncamı ilə həmin vəzifəyə təyin edilib. Elə bu səbəbdən də, o, istər davranışı, istər danışığı, istərsə də problemlərin həllinə yanaşmada ciddi olduğunu ortaya qoymalı olduğu halda, əksinə addımlar atır. Belə bir halın varlığı hər kəsdə təəssüf hissi oyadır ki, axı

icra başçısı olan şəxs rayonun rəhbəridir və həmin vəzifəni daşıyan şəxs hər an məsuliyyətini hiss etməlidir.

Belə bir səbəblər üzündəndir ki, sərhəd zolağında yerləşən və sosial problemlər məngənəsində boğulan Tərtərdə, sakinlərin tam əksəriyyəti Müstəqim Məmmədovu ciddi şəxs kimi qəbul etmirlər. Hətta daxil olan məlumatlarda o da bildirilir ki, belə getsə sakinlər gələcəkdə icra başçısı ilə keçiriləcək görüşü birmənalı şəkildə qarşılamayacaqlar və onunla etdiyi şit zarafatların ahənginə uyğun davranacaqlar. Adının çəkilməsini istəməyən yerli sakinlərdən biri də bildirir ki, hələ bir müddət bundan əvvəl, edilən şit zarafatların nəticəsi olaraq, sakinlərlə müəyyən qarşıdurma da əmələ gəldi və tez də sakitləşdirildi.

Qarşı tərəfin də mövqeyini öyrənməyə hazırıq.

Anar