Sumqayıt Dövlət Universitetində təhsil biznesi

Sumqayıt Dövlət Universitetinin tələbələri və müəllimləri təşkil etdikləri rüşvətsiz təhsil hərəkatı və korrupsiyaya qarşı mübarizə qrupu tərəfindən redaksiyamızın elektron poçtuna məktub daxil olub. Həmin məktubu olduğu kimi diqqətinizə çatdırırıq:

Pullu vəzifələr

“Sumqayıt Dövlət Universitetində dövlət büdcəsi talan edilir. Rüşvətlə biliyi olmayan adamlar işə götürülür Texniki işçilər 3000-5000 manata, müəllim və dosentlər 5000-1000 manata. Dekanlar 20-25 min manata.Kafedra müdirləri 5-15 min manata. Və buna rəğmən Süni kafedralar yaradılır, laboratoriyalar yaradılır. Elə götürək guya Təhsil Nazirliyinin 1646 sayli 2010 tarixli əmri ilə 2010-cu ildə yaradılmış tətbiqi kimya üzrə elmi tədqiqat laboratoriyasını. Hansı zərurətdən yaranıb. 5 nəfər işçi buraya necə götürülüb. Orada hansı problem həll edilib və ya edilir? Laboratoriya müdiri pullu adamdir, xaricdə işləyib ,yaşına görə işdən çıxarılıb gəlib indin də Nadir Qəhrəmanovun yardımı ilə təzə laboratoriya açdırıb .
Götürək kafedraları: ştatlar əsassız şişirdilərək kafedralar yaradılır , pul yığıb müdir və işçilər təyin edilir. Riyaziyyatın tədrisi metodikası kafedrasında 4 müəllim (birinin elmi dərəcəsi var) 2 köməkçı heyət, coğrafiya kafedrasında 5 müəllim, 4 köməkçi heyət var. Burada professor Ş.Göyçaylı ümumiyyətlə işə gəlmir, adı burda olsada dərslərini laborantlar keçır. Azərbaycan tarixi kafedrasında 4 nəfər müəllim 2 tədris köməkçisi var. Mühasibat uşotu və audit kafedrasında 6 nəfər var 1 professorun isə adı var özü yox . Zoologiya kafedrasında 5 nəfər calışır və bu kafedra botanika kafedrası ilə birgə fəaliyyət gostrə bilər. Tibb hazırlığı kafedrasında 4 müəllim çalışır 2 köməkşi heyət. Kafedra müdirinin elmi dərəcəsi belə yoxdur. Bu kafedrada tələbələrə xəstəxanalarda təcrubə yazılır və bura tələbələrdən ən çox pul yığilan kafedralardan biridir.
Dünya iqtisadiyyatı kafedrasnda 7 müəllimdən ikisi kənardan olsada burada bu sahəni bilən 1 mütəxəssis belə yoxdür. 4 köməkçi heyət burda neyləyir. Menecment kafedrasında1 professor ( adı var özü yox) 7 müəllim 4 tədris köməkcisi var və s. burda bir nəfər belə mütəxəssis demək olar ki yoxdur. Niyə belədir? Çünki tanışlıqla 5000 manatdan aşağı kafedra müdiri yoxdur savadlı mütəxəssis pulla gəlmir pulla gələn isə savadsızdır. 49 kafedradan 80 % -i belədir. Sünii yaradılmış kafedralardır.

Qardaş monopoliyası və Səməd Seyidovun qohumu

Nadir Qəhrəmanov SDU-ya rektor gələndən sonra kimya kafedrasını bölüb ümumi və qeyri üzvü kimya kafedrası yaradıb. Qardaşı Rəşid Qəhrəmanovu kafedra müdiri təyin etdi. Bu adam dərs kecə bilmir, onun dərslərini ya kafedranın müəllimləri ya da laborantlar keçir. Kafedrada 10 müəllim olsa da onların 4- ü yarım ştatdir. Məsələn 75 yaşli Telman müəllim Universitetin Həmkatlar ittifaqının sədridir, Əntiqə Seyidova ( Səməd Seyidovun qohumudur) tələbə şöbəsinin müdiridir, Kamal müəllim Aspirantura şöbəsinin müdiridir, Suleyman müəllim Kimya-biologiya dekanının müavinidir. Bunlarin hamısının rektorun qardaşı Rəşidin kafedrasında işləmələri təsadüfi deyil. Rəşid müəllim həm də fəxri rektordur.

Orta məktəbdən Universitetə dossent

Nadir Qəhrəmanov digər qardaşı Polad qəhrəmanovu rektor olandan sonra orta məktəbdə müəllimlikdən universitetə dosent qoydu və 1 il keçməmiş 2004- cü ildə k-02-06/2 əmrlə yeni kafedra riyazi analiz və funksiyalar nəzəriyyəsi kafedrası açıb qardaşı Polad qəhrəmanovu kafedra müdiri təyin etdi. Polad müəllim də dərs keçə bilmir, onunda dərsini laborantlar və kafedranın digər əməkdaşları keçir.
Hələ bunlar azmış kimi Polad müəllimin, Rəşid müəllimin qızı , Kürəkəni Elşən, oğlu Vüqar da iqtisadiyyt fakültəsində işləyir Mühasibat uçotu və audit kafedrasında işləyir və dissertasiya müdafiəsinə hazırlaşır. Daha doğrusu ona dissertasiya yazdırırlar.
Rektof gəlini Afaq İsmayilzadəni 10 ildir Üzvi kimya kafedrasına dosent təyin edib maaşını alır, onun dərsini kafedra nin laborantlari keçir. Afaq xanım isə Baki şəhərində PERESTİJLİ AFAQ modalar evinə sahiblik edir və işlədir.

Tələbələrdən toplanan pullar

2011-ci ildə büdcə təşkilatlai sirasında ən çox dəftərxana xərci SDU-da olub: 204 000 manat. Ancaq qrup jurnallarına tələbələrdən pul yiğılır, imtahanlarda istifadə olunan kağızlara tələbələrdən pul yığılır. Burada 4012 tələbə 630 magistr oxuyur. Burada “Starost” olmaq pulladir. 600-800 manat. Qiymət ona görə belə yüksəkdir ki, “Starost”lar imtahanlara pul vermirlər. Onlar Kurs işlərində, buraxılış işlərində ancaq pul verirlər. 1 tələbə bir smestrdə azı 6 imtahan verir. 4 il ərzində 12 smestr 72 imtahan . Hər imtahana qiymətdən asılı olaraq 50 -100 manat arasında pul yığılır. Minimum 50 manatdan götürəndə 3600 manat . Ona görədə bəri başdan elə 1000 manat verib starost olmağı valideynlər üstün tuturlar. Burdakı qaydaları hamı bilir., elə hüquq mühafizə orqanlarıda. İndi minimum 4000 tələbə 6 imtahana minimum minimum 50 manatdan.

Rektorun sarayda Yetər şadlıq evi , ticarət və iaşə obyektləri, restoranlar şəbəkəsi, Yeni Saray qəsəbəsində çoxsaylı villaları və torpaq sahələri, bahalı avtobilləri, daxili işlər nazirliyində işləyən oğlu Emin Qəhrəmanovun isə maşın kolleksiyası var. 44 –dən cox obyektə sahib olan N.Qəhrəmanov bunları rektor olandan sonra əldə edib.

Seyfəddin Rəhimov faktoru

Bir məlumat da var ki, Univrsitetin yubileyinin keşirilməsinə razılıq almaq üçün icrada şöbə müdiri işləyən Seyfəddin Rəhimovla İcraya 200 min manat verib. Seyfəddin Ramiz Mehdiyevin adamıdır. Bir məlumata görə Nadirin bibisi oglu Tahirov Elxan Vladimir oğlu prezdent sarayında Fatma Abdullazədənin yanında Elm və təhsilə baxır və onun qanadı altindadır
Bizim bir yekdil fikrimiz var ki bur da yığılan pullar milyonlarla olduğundan buranın himayədarları da yüksək vəzifələrdə otururlar.

İmtahan biznesi

Bütün semestr imtahanları yalnız rüşvətlə qiymətləndirilir. Hər imtahana azı 70-80 manatdan, kurs işinə 100 manatdan, pedaqoji praktika və çöl praktikasına 100 manatdan buraxılış işinə 800-1000 manatdan rüşvət yığılır. Semestr boyu dərsə gəlməkdən azad etdiklərindən 1000 manat, qayıblara görə 1000 manat, müəyyən səbəblərə görə qovulma haqqında saxta əmr verib sonradan həmin tələbənin bərpası üçün 2000-3000 manat rüşvət alınır. Özü oxumağa çalışan tələbələri də elə günə salırlar ki, artıq o da pul verməkdən başqa çıxış yolunun olmadığını görür və rüşvət verməli olur. Bəzən saxta kəsrlər yazılır, tələbədən kredit borcu adı ilə pul yığılır. Bu minvalla rektor N.Qəhrəmanovun tək bir il ərzində yığdığı rüşvət bir neçə milyonla ölçülə bilər. Qeyd edim ki, digər şəxslər tərəfindən bir neçə ay bundan əvvəl baş prokurorluq yanında Korrupsiyaya qarşı mübarizə idarəsinə SDU-da rüşvət almaq faktı ilə əlaqəli əyani video-rolik təqdim olunub. Əksər fakültələrdə istər bu il, istərsə də əvvəlki illər imtahan qiymətlərinin vedomostları müəllimlər tərəfindən doldurulmalı və hər bir tələbənin qarşısında müəllimin imzası qoyulmalı olduğu halda, cinayətlərini ört-basdır etmək üçün dekanlar və ya onların müavinləri tərəfindən doldurulur və imzalanır. Bu isə qanuna tamamilə ziddir. Külli miqdarda əvəzetmələr, buraxılış və magistr işlərinə rəhbərliklər “ölü canlar” vasitəsilə həyata keçirilir və onların adına maaş kartları açılaraq, onlardan xəbərsiz bu pullar mənimsənilir”.

Tələbə köçürmələri

Məktub müəllifləri tələbə köçürmələri üçün alınan məbləğlərə də toxunur: “Böyük rüşvət hesabına universitetdaxili çoxlu qeyri-qanuni tələbə köçürmələri mövcuddur. Məsələn, I və IV qrup ixtisaslarına aid olan kimya və biologiya fakültələrindən, III ixtisas qrupuna aid olan tarix və filologiya fakültələrindən, II ixtisas qrupuna aid olan iqtisadiyyat və idarəetmə fakültəsinə qeyri-qanuni köçürmələr həyata keçirilib. Mədəni-kütləvi tədbirlərə, təmir işlərinə, dəftərxana ləvazimatları alınması, abadlaşdırma işlərinə, qəzet və jurnallara abunə yazılma və digər bu kimi proseslərə hər il, o cümlədən son illər külli miqdarda saxta pul köçürmələri və pul silinmələr həyata keçirilib. Bu universitetdə maliyyə fırıldaqlarının sayı-hesabı yoxdur. Mühasibatlıq işi mütləq yoxlanılmalıdır. Qohumbazlıq və yerlibazlıq universitetdə artıq əndazəni keçib. Öz qardaşlarını özü vəzifəyə keçən kimi kafedra müdiri qoyub. Düzdür, qardaşlarından biri əvvəldən burada işləyirdi, amma vəzifədə deyildi. Digər qardaşını özü işlədiyi dövrdə gətirib qısa müddətdə kafedra müdiri qoyub. Öz gəlini guya SDU-da dosentdir, hətta son Elmi Şurada onun işi dosent elmi adı almaq üçün AAK-na da tövsiyə olundu, amma onu heç bir tələbə üzdən belə tanımır. Qardaşının qızı, qardaşının kürəkənləri, bibisinin əri (o, həm BDU-da, həm də SDU-da ştatdadır) hamısı müxtəlif vəzifələr daşıyır. Bu universitetdə prorektorların və dekanların da həyat yoldaşları, gəlinləri və digər qohumları məhz onlar bu vəzifəyə keçəndən sonra burada işə götürülüblər. Amma çoxu işə gəlmir, havayı maaş alırlar. Kadrlar işə ancaq rüşvət və ya şəxsi münasibətlərə görə götürülür, hətta dərhal o şəxs layiq oldu-olmadı kafedra müdiri və s. vəzifələrə qoyulur. Əksinə, savadlı, böyük təcrübəyə malik, vicdanlı, lakin haqsızlığa dözməyən kadrlar gözümçıxdıya salınır, vəzifəsindən uzaqlaşdırılır. Elə son illər qiyabi işlər üzrə prorektor, professor, ”Tərəqqi" medallı Sevda Mikayılova işində heç nə tapmadıqları üçün saxta proqulla qovuldu. Ekologiya kafedrasının müdiri, dosent Dürdanə Şirinova və onun həyat yoldaşı Mamed müəllim işlədikləri kafedraların müəllimləri adından yazılan saxta narazılıq aktı ilə qovuldular. Eləcə də neçə-neçə vicdanlı və savadlı kadrlar beləcə uzaqlaşdırılıblar".

Son əvəzi

SDU-nun 50 illik yubileyi ilə bağlı təltif üçün dövlət başçısına təqdim olunan siyahıda bu ali məktəbin sözün əsl mənasında əməyi ilə fədaisi olan professor və müəllimlər kənarda qaldı, bir saat belə əlinə jurnal alıb auditoriyaya daxil olmayan, əksinə, rüşvət yığmaqla məşğul olan prorektor və dekanlar, şöbə müdirləri təltif olundular. O təqdimatda açıq-aşkar narazılıqlar və ironiyalar özünü büruzə verirdi".
Məktub müəllifi sonda qeyd edir ki, SDU rektorunun öz qohumları və dostları adına tikdirdiyi və aldığı mülklərin, maşınların sayı-hesabı yoxdur: “Saray qəsəbəsində ”Yetər" şadlıq evi və bu qəsəbədə geniş ərazili bahalı villası, Qusarda öz adına və övladlarının adına villalar, “Yaşma bağlar” massivində öz adına və gəlininin adına olan geniş torpaq sahəsində tikdirdiyi mülk, Bakı və Sumqayıt şəhərlərində çoxotaqlı mənzillər, SDU-nun ərazisində qanunsuz torpağı zəbt edərək şəriklərilə tikdirdiyi binalardakı özünün, valideyninin, qardaşlarının və digər yaxınlarının adına aldıqları mənzillər, burada tikdirdiyi avtomobillərə xidmət sexləri, yeməkxanalar, çoxlu qarajlar, özünün, övladlarının, gəlin və kürəkənin adına alınan növbənöv bahalı avtomobillər, antikvar avtomobillər və s. almağa, yəqin ki, halal maaşı kifayət etməz". Məktub müəllifi prezidentə müraciət edərək təcili və təxirəsalınmaz tədbirlər görülməsinə sərəncam verməsini xahiş edir.

Elçin Əmirov