Onun müəssisəsində yol çəkilişləri və təmir-bərpa işləri ən müxtəlif fırıldaqlarla milyonlar göyə sovrulur

Biz əvvəllər də yazmışdıq ki, “Azəryolservis”ASC-nin sədri, deputat Cavid Qurbanov ölkədə başlayan antikorrupsiya tədbirlərini saya salmır. Bu adam arxayıncasına öz maxinasiyalarını həyata keçirməkdə davam edir. Bakının və ölkənin yollarının çəkilişinə və orada baş verənlərə diqqət etməklə dəhşətli faktların şahidi ola bilərik. Bu gün Cavid Qurbanov yol çəkilişlərinə nəzarətin böyük bir hissəsini əlində cəmləşdirə bilməsini hətta nəqliyyat naziri özü də sinirə bilmir, onun müəyyən imkanlarını məhdudlaşdırmağa çalışır. Faktiki olaraq adamlar dövlətçiliyə, ilham Əliyev siyasətinə xidmət etmək əvəzinə pul davası açırlar.
Lakin Cavid Qurbanov yol çəkilişi sistemini öz əlinə keçirdiyindən istədiyi mənimsəmələri edə bilir. Məsələn, hansısa ərazidə yol çəkmək üçün rəsmi şəkildə tender elan olunur. Tenderdə iştirak edən firmalar təkliflərini göndərir. ilkin seçimdən tutaq ki, 4 şirkət keçir. (Məlum olur ki, bu şirkətlərin hər birinin sahibi özgə adamdır. Amma hamısının yaxalığında Cavid Qurbanova sədaqət andı var. Hətta bəziləri iddia edir ki, bu şirkətlərin əsl sahibi elə Cavid Qurbanovun özüdür. Bunu yəqin ki, sübut etmək mümkünsüz olar. Amma lazım olsa dövlətin özü sübut edə bilər. Tenderdən keçən şirkətlər arasında iş başlayır və qaliblər yol çəkilişinə başlayır. Hər yerdə olduğu kimi burda da “şapka” əməliyyatının hansı lormada həyata keçirildiyini bil mədiyimizdən kimin nə qədər elə bu ərəfədə qazandığını deməyimiz çətin dir. Amma bildiyimiz budur ki, Cavid Qurbanovun rəhbərliyi ilə yol çəkilişi başlayır, Ən sürətli başlayan isə mənimsəmələr olur. Yeni texnikanın alınması, materialların alınması, işçilərin pullarının silinrnəsi və sair metodlarla tutaq ki, 20 milyonluq layihənin təxminən 10 milyonu mənimsənilir. Növbəti yazılarımızda şəkilən yollar zamanı yeyilən pullardan da bəhs edəcəyik. Mənimsəmələr bununla da bitmir. Daha sohra başlanır yolların yenidən təmiri, bərpası, yamanması. Bu prosesin gedişində milyonlar yox edilir.
Son vaxtlar C.Qurbanov işinı bir az da ehtiyatlı tutmağa başlayıb. Belə ki, yol çəkilişi və digər bu kimi təmir-bərpa işləri “Azərinşaatservis” MMC ilə birgə aparılır. Məsələnin mahiyyəti isə tamamilə fırıldaqdır. Bu şirkət de-fakto Ziya Məmmədova aiddir. Lakin diqqəti yayındırmaq və mənimsəmələri pərdələmək üçün “Azərinşaatservis” MMC-yə milliyətcə kürd olan Türkiyə vətəndaşı Bülənt Karani rəhbər təyin edilib. Amma bilinmir ki, başqa ölkənin vətəndaşı hansı hüquqi əsasla Azərbaycanda böyük bir şirkətə rəhbər vəzifəyə təyin olunub. Bildirilir ki, sözügedən şirkət 2003-cü ildə iki yerli şirkət tərəfindən təsis edilib. Lakin maraqlıdır ki, təsisçi şirkətlərin adına heç yerdə rast gəlinmir və bu barədə ictimaiyyətə açıqlama verilmir. Şirkətin internet saytında yazılanlardan da görünür ki, “Azərinşaatsevis” MMC əsasən avtomobil və dəmir yollarının tikintisi istiqamətində fəaliyyət göstərir və monopolist şirkətdir.
84,3 km-lik Hacıqabul-Kürdəmir avtomobil yolu və Ələt-Astara avtomobil yolunun 22 km (80-102 km) hissəsinin tikintisini “Bakı dairəvi şose yolu”nun tikintisi layihəsini də bu şirkət həyata keçirir. Bununla yanaşı, Ələt-Masallı avtomobil yolunun 0-9 km hissəsinin yenidənqurulması, Yevlax-Gəncə Avtomobil yolunun 4 hərəkət zolağına genişləndirilməsi, Axalkalaki-Kartsaxi (Türkiyə sərhəddi) dəmiryolu nun tikintisi layihələri də sözügedər şirkətə həvalə olunub.
Ən əsası isə odur ki, “Azərinşaatservis” dövlət təminatı ilə alınan xarici kreditləri və büdcə pullarını göyə sovurmaqla məşğuldur. Bu şirkət tender elan edir, tenderlərin hamısını kağız üzərində “Polat” şirkəti udur, lakin bütün işlər “Azərinşaatservis”ə verilir. Burada mənimsənilən məbləğlər də Ziya Məmmədovla Cavid Qurbanova çatır. Bu pulların hesabına da onlar Azərbaycanın ən iri oliqarxlarına çevriliblər.

Tahir