Şübhələr Gülər Əhmədovaya yönəlir

gundemxeber.az Ötən həftə siyasi gündəmin əsas mövzusu daha çox Prezident Adminstrasiyasının rəhbəri Ramiz Mehdiyevlə Beynəlxalq Universitetin sabiq rektoru Elşad Abdullayev arasında gedən dialoq cəlb etdi. Öncə Elşad Abdullayev PA rəhbəri ilə görüşdüyünü, iki orta məktəb tikəcəyi təqdirdə deputat seçilə biləcəyini Ramiz Mehdiyevdən eşitdiyini bildirdi. Daha sonra isə PA rəhbəri açıqlama verdi və açıqlamasının əvvəlində Elşad Abdullayevi xəstə adlandırdı.
Lakin Ramiz Mehdiyev E.Abdullayevlə görüdyünü rəsmən təsdiqləyərək, aralarındakı görüşün cəmi 2 dəqiqə olduğunu etiraf etiraf etmiş oldu. Bu görüşün təsdiqlənməsi, tərəflərdən hansının görüş zamanı olanları daha doğru və gerçək ifadə etmələrini iddia etməyə hələ ki, heç bir imkan yoxdu.
Bununla belə Elşad Abdullayevlə Ramiz Mehdiyevin görüşü zamanı ortaya çıxan üçüncü tərəfin kimliyini araşdırmağa çalışdıq. Qəzetimizə daxil olan məlumata görə, R.Mehdiyev «yaxşı olardı ki, Elşad Abdullayev mənimlə kimin xahişindən sonra görüşə bildiyini açıqlasın» deməsi nədənsə medianın diqqətini o qədər də çəkmədi.
Ramiz Mehdiyev bununla nəyə işarə edirdi? Əslində bu üçüncü şəxs, yəni Ramiz Mehdiyevdən qəbul üçün xahiş edən şəxs kimdir ki, PA rəhbəri onun adının məhz Elşad Abdullayev tərəfindən açıqlanmasını istəyir? Təbii ki, bu R.Mehdiyev tərəfindən həm də ittiham kimi səslənən və əks-hücum kimi qiymətləndirilən bir gediş idi. Bütün cəhdlərimizə baxmayaraq Elşad Abdullayev hələ ki, kimin xahişi ilə Ramiz Mehdiyevlə görüşə bildiyini açıqlamaq istəmir. Görünür həmin üçüncü adamın adı əslində kifayət qədər böyük çapdadır və ya hakim ailəyə çox yaxındır. Mümkündür ki, Ramiz Mehdiyev ənənəvi kommunist texnalogiyasından istifadə etməklə rəqiblərini sıradan çıxmarmağa çalışır. Lakin Elşad Abdullayevin də üçüncü şəxsin adını gizli saxlaması artıq ortada böyük oyunların getdiyini, hətta hakimiyyət daxilində Elşad Abdullayev-Ramiz Mehdiyev davasının üçüncü, dördüncü, hətta 10-cu tərəfləri olan nifuzlu şəxslər də var.
Əldə etdiyimiz məlumata əsasən Ramiz Mehdiyevdən Elşad Abdullayevi qəbul etmək üçün ən yaxşı halda iki şəxs xahiş edə bilərdi.
Birinci şəxs sabiq millət vəkili, sabiq rektorun mandat məsələsini həll etməyə qalxmış Jülər Əhmədova ola bilərdi ki, indilikdə Ramiz Mehdiyevin əks arqument kimi G.Əhmədovanın adının açıqlanmasını istəməsi az inandırıcı görünür. Nədən ki, Elşad Abdullayev məhz Gülər Əhmədovanın xahişi ilə Elşad Abdullayevi qəbul edibsə və PA rəhbəri sabiq xanım deputatın adının açıqlanmasında israr edirsə, məntiqlə bu Mehdiyevin özünə ziyandır.
İkinci şəxs isə uzun illər E.Abdullayevin himayədarı olmuş, mərhum eks-prezident Heydər Əliyevin qardaşı Aqil Əliyev ola bilərdi. Bu fakt bir qədər inandırıcı görünə bilər. Məhz R.Mehdiyevin mərhum Aqil Əliyevin adının açıqlanmasını istəməsi həyatda olmayan, lakin ailəyə yaxın adamın tapşırığı ilə Elşad Abdullayevi qəbul etməsi kifayət qədər mühim əks-arqument sayıla bilər.

Çingiz