Bakı Apelyasiya Məhkəməsinin sədrinin Səttar Mehbalıyev və Nazim İbrahimovla ortaq gizlinləri “Gündəm xəbər”də

gundemxeber.az Bakı Apelyasiya Məhkəməsində sifarişli qərarların qəbul edilməsi atrıq adi hal alıb. İman Nağıyev dəfələrlə qanunun aliliyinin və məhkəmə hakimiyyətində şəffaflığın təmin olunması, insan hüquq və əsas azadlıqlarının müdafiəsi sahəsində məhkəmələrin qarşısında duran vəzifələrdən bəh-bəhlə danışsa da, buna əksər hallarda özü əməl etmir. Məhkəmə sədri bəzi yüksək rütbəli məmurların və yaxud anlaşdığı şəxslərin tapşırığını məharətlə həyata keçirir. Bakı Apelyasiya Məhkəməsində İman Nağıyev tabeliyində olan 46 hakimi tutduğu vəzifənin imkanlarından sui-istifadə etməklə, təzyiq altında saxlayır.
Məhkəmə hakimlərindən isə heç biri sədrin tapşırığını geri çevirmək cəsarətində deyillər. Sədr istənilən iş üzrə hansı tapşırığı verirsə, 46 hakimin hər biri də həmin tapşırıq üzrə qərar çıxarırlar.
Tanınmış vəkil Əliabbas Rüstəmovun redaksiyamıza verdiyi məlumatlarda İman Nağıyevin qanunsuz hərəkətləri və məhkəmə işləri üzrə kimlərdən nə qədər rüşvət aldığı barədə bildirilirdi. Məlumat üçün bildirək ki, Bakı Apelyasiya Məhkəməsində “Gilkes”, “Emerald”, “Cohtolin” və bu kimi digər ofşor şirkətlərin işi ilə bağlı 300 min dollar, Suraxanı rayon Məhkəməsinin hakimi Mustafayev Nürəddin Yusif oğlunun 2 (010) 67/2010 saylı iş üzrə qəbul etdiyi 06 may 2010-cu il tarixli qətnaməsindən apellyasiya şikayətindən 2 (103)-3512/2010 saylı iş üzrə 08 sentyabr 2010-cu il tarixdə sözü gedən qətnaməni qüvvədə saxlanılmasına görə 50,000 min dollar və "Arif-Servis" MTK-nın işi ilə bağlı İman Nağıyevin 130,000 min ABŞ dolları rüşvət aldığı iddia edilir.
Bu gün isə "Gündəm Xəbər"ə İman Nağıyevin qanunsuzluqları ilə bağlı yeni ilginc məlumatlar daxil olub. Korrupsiyaya Qarşı Mübarizə üzrə Qeyri Hökümət Təşkilatlarının Məlumat və Əməkdaşlıq Şəbəkəsinin yaydığı məlumatlara görə, İman Nağıyev Həmkarlar İttifaqı Konfederasiyasının rəhbəri, deputat Səttar Mehbalıyevlə bir müddət əvvəl anlaşma müqabilində Xanlar Hüseynov adlı sahibkarın Bibiheybət bələdiyyəsindən aldığı torpaq sahəsini ələ keçiriblər. Əslində Xanlar Hüseynov həmin ərazidə kafe tikdirib. Lakin əraziyə və kafeyə gözü düşən deputat Səttar Mehbalıyev butün qüvvəsini Xanlar Hüseynova qarşı səfərbər edib. İlk öncə sahibkara şəriklik və müxtəlif təkliflər verən Səttar Mehbalıyev sonda rədd cavabı alıb. Bundan sonra məsələ Bakı Apelyasiya Məhkəməsinə gedib çıxıb. Konfederasiya rəhbəri İman Nağıyevin köməkliyi ilə məhkəmə işini öz xeyrinə həll edib. Məlumatlara görə, hal hazırda qeyri-qanuni yolla sahibkarın əlindən alınan həmin ərazidə Səttar Mehbalıyevlə İman Nağıyevin möhtəşəm restoranı fəaliyyət göstərir. Bundan isə hər iki şəxs hal hazırda şərikli qazanc əldə edirlər.
Bundan əlavə İman Nağıyevin digər özbaşınalıqlarından söz açılır. Məlumatlara görə, Bakının Nəsimi rayonunda yerləşən "Təzə Bazar"ın qanuni mülkiyyətçisi Vaqif Şıxəliyev Bakı Apelyasiya Məhkəməsinin ədalətsiz qərarlarından sonra obyektini itirmək təhlükəsi ilə üzləşib. Baxmayaraq ki, bazarın gerçək sahibi Vaqif Şıxəliyevin bütün səhm və təsisçilik sənədlərinin əlində olmasına sözü gedən bazarı ələ keçirmək istəyən Məmmədağa İbrahimov müxtəlif vasitələrdən istifadə edərək İman Nağıyevə "xod" tapa bilib. Bu işdə isə Məmmədağa İbrahimova qardaşı Diasporla İş üzrə Dövlət Komitəsinin sədri Nazim İbrahimov köməklik göstərib. Bazarın ələ keçirilməsi üzərində qurulan plana görə, İman Nağıyevə 500 min dollar təklif edilib. Məlumatlarda həmçinin bildirilir ki, İman Nağıyev öz növbəsində məsələnin Məmmədağa İbrahimovun xeyrinə həlli yolunu Bakı Apelyasiya Məhkəməsinin hakimi Mirpaşa Hüseynova tapşırıb. Amma hakim Mirpaşa Hüseynov indi çıxılmaz vəziyyətdə qalıb. Qətnamənin hansı tərəfin xeyrinə çıxartmaq üçün hakim əməlli başlı problemə düşüb.
Qeyd edək ki, "Təzə Bazar" MMC-nin mülkiyyətində olan Nəsimi rayon, S.Vurğun küçəsi 73 ünvanında 15707 ha torpaq sahəsində 6259,9 kvadratmetr ümumi kompleks sahəsindən ibarətdir. Kifayyət qədər sahəsi olan bu ərazi uğurunda uzun müddətdir ki, mübarizə gedir. Hətta bir müddət əvvəl dövlət başçısının əmisi Cəlal Əliyevlə Nazim İbrahimov qardaşları həmin ərazi yaxınlığında bir çox obyektlərin ələ keçirilməsində üz-üzə gəlmişdilər.
Yeri gəlmişkən İman Nağıyevin 49 saylı Yevlax-Mingəçevir seçki dairəsindən millət vəkil seçilən, Parlamentin Hüquq Siyasəti və Dövlət Quruculuğu Komissiyasının sədri Əli Heseynovla bacanaq olduğu bildirilir. Məlumatlarda həmçinin qeyd edilir ki, İman Nağıyev üzərində cinayət işi olan bir şəxsi Bakıda rayon məhkəməsidə hakimlərinin birinə katib vəzifəsinə təyin etməkdə köməklik göstərib.
Bu barədə araşdırmalarımız davam edir. Buna baxmayaraq məsələ ilə bağlı adları çəkilən şəxslərin mövqeyini dərc etməyə hazırıq.

Fuad