Bu gün Müsavat Divanının toplantısı olub. Partiyanın mətbuat xidmətindən musavat.com-a verilən məlumata görə, başqan İsa Qəmbər namizədliyini Milli Şuranın yeni vahid namizədi Cəmil Həsənlinin xeyrinə geri götürüb.

Toplantıda İsa Qəmbər öz namizədliyini geri götürməyi Divana təklif edib. Divan təklifi müzakirə edərək partiya Məclisinin 4 yanvar tarixli qərarını qüvvədən düşmüş hesab edib.
Partiyanın bütün strukturlarına, o cümlədən seçki qərargahına tapşırılıb ki, prezident seçkilərində C.Həsənlinin namizədliyi müdafiə olunsun.