Etibar Pirverdiyevlə Fazil Məmmədovun biznes ziddiyyətinin şok təfərrüatları

Azərbaycanda dövlət məmurları vəzifəsindən istifadə edərək rüşvət yığaraq öz büdcələrini artırmaqla yanaşı, bölgələrdə də özləri üçün torpaq sahələri alaraq orada obyektlər tikdirib qazanc əldə edirlər. Bundan əlavə ölkədə rayonlar məmurlar arasında bölünərək özünküləşdirilib. Bütün rayonlar kimi Şimal bölgəsi də ayrı ayrı məmurlar arasında bölünərək onların kurasiyasına verilib.
Xaçmaz rayonu Azərenerji Səhmdar Cəmiyyətinin prezidenti Etibar Pirverdiyevin kurasiyasındadır. Xaçmaz rayonu Azerenerjinin kurasiyasına veriləndən sonra rayonda demək olar ki, kəndbəkənd torpaq sahələrini zəbt edən Etibar Pirverdiyev həmin sahələrdə fermalar və bağ sahələri salaraq rayon sakinlərini torpaqsız qoyub. Bununla kifayətlənməyən Etibar Pirverdiyev rayon ərazisində restoran otel biznesini də ələ keçirməklə məşğuldur. Rayonun Nabran ərazisində bir neçə istirahət mərkəzinə əl qoyan Azərenerji şefi növbəti bir otel və restoran şəbəkəsini ələ keçirmək istəyib. Lakin bu dəfə onun ələ keçirmək istədiyi restoranın arxasından vergilər naziri Fazil Məmmmədov çıxıb. Belə ki, Etibar Pirverdiyin ələ keçirmək istədiyi Nabranda "Çoban”adlı restoran və oteldir ki, bu restoranın da sahibi kimi həmişə Xaçmazda "bank Məhəmməd” kimi tanınan hazırda Vergilər nazirliyinin Maliyyə- təsərüffat idarəsinin rəisi Məhəmməd Balaqadaşovdur. Bu arada qeyd edək ki, uzun müddət Xaçmazda müxtəlif bankların müdri olan Məhəmməd Balaqadaşov Vergilər Naziliyi təsis ediləndə Xaçmaz vergilər idarəsinin rəisi daha sonra Quba 3 saylı ərazi vergilər idarəsinin rəisi vəzifəsində çalışan "Bank Məhəmməd” qısa bir vaxt ərzində Xaçmazda geniş biznes sahəsinə sahib ola bilir. 3 saylı Ərazi Vergilər İdarəsinin rəisi olanda Məhəmməd Xaçmaz rayonun ən səfalı yerlərində otel və restoranlar tikdirir. Bir müddət rəis olan Məhəmməd Vergilər Nazirinin qara siyahısına düşür və vəzifəsindən azad olunur. Xaçmazda olan mənbəmizin bildirdiyinə görə əslində Vergilər naziri Fazil Məmmədov 3 saylı Ərazi Vergilər İdarəsinin rəisini heçdə işindəki nöqsanlara görə işindən uzaqlaşdırmır əslində isə Məhəmməd Balaqadaşovun sahib olduğu Xaçmazdakı məşhur "Çoban” restoranına əl qoymaq olur və beləliklə həmin məşhur "Çoban”restoran və otel vergilər nazirinin əlinə keçir. Həmin obyektən gələn gəlirin 70 faizi nazirə 30 faizi isə Məhəmməd Balaqadaşova çatmaqla razılıq olur. Bundan sonra işindən qovulan Məhəmməd Balaqdaşov Nabranda olan digər iki obyektini nazirə bəxşiş etdikdən sonra 4 saylı Şamaxı Ərzazi Vergilər İdarəsinə rəis təyin olunur. Orada da işləyən Məhhəmməd Balaqadaşov Şamaxının Pirqulu ərazisində möhtəşəm bir restoran tikdirərək nazir Fazil Məmmədova bağışlayır. Eyni vaxtda da özünə də bir istirahət mərkəzi inşa etdirə bilir. Məhəmməd Balaqadaşovun hədiyyə kampaniyasından razılıq edən nazir Fazil Məmmədov Məhəmməd Balaqdaşovun irəli çəkilməsinə razılıq verir və beləliklə Məhəmməd Balaqdaşov vergilər nazirliyinin Maliyyə - Təsərrüfat İdarəsinin rəisi vəzifəsinə irəli çəkilir.
Hazırda Vergilər Nazirliyinin Maliyyə-Təsərrüfat İdarəsinin rəisi Məhəmməd Balaqadaşov vergilər naziri Fazil Məmmədovu Azərenerjinin prezidenti ilə üz-üzə qoyub. Mənbəmiz bildirir ki, Xaçmazdakı ”Çoban” restoran və oteldə istirahət edən Etibar Pirverdiyev bu restoranı onun kurasiyasında olan rayonda kimin himayə etdiyini öyrənmək istəyib. Azərenerjinin şefinə bu restoranın sahibi kimi Vergilər nazirinin adını verməyiblər. Otel və restoranın sahibinin Məhəmməd Balaqadaşovun olduğunu bildirirlər. Etibar Pirverdiyev Məhəmmədin üstünə adam göndərir ki, restoran və oteli ya şərik, ya da ona satılmasını istəyir. Məhəmməd bu yer üçün Azərenerjinin pulunun çatmamasının və bu restoranının "gözə görünməz sahbinə” belə gücü çatmamasını bildirir. Aralarındakı görüş zamanı Etibar Pirverdiyev "gözəgörünməz”in kim olduğunu Məhəmməddən öyrənməyə çalışsa da Məhəmməd naziri Fazil Məmmədovun göstərişinə əsasən heç yerdə onun adını çəkmir. Mənbəmiz bildirir ki, Azərenerji şefi meşənin içində yerləşən bu restoran və otelinkimin olursa olsun alacağını və adını bilmədiyi "gözəgörünməz”in dalınca təhqiramiz sözlər işlədib. Məlum olayı nazir Fazil Məmmədova danışan Məhəmməd Balaqadaşov Azərenerjinin təhqiramiz ifadələrini də nazirə bildirir. Bütün bunlara baxmayaraq restoranının ona aid olmasının heç kimə bildirmək istəməyən Vergilər naziri Etibara zərbə vurmaq haqqında tapşırıq veririr. Mənəmiz bildirir ki, məhz bundan sonra Etibar Pirverdiyevin Qusar rayonundakı "Pioner” restoranlar şəbəkəsində vergi yoxlamaları aparılır. Bundan əlavə Qusar rayonunda Azərenerjinin prezidentinə məxsus istirahət mərkəzlərində də yoxlamalar aparılır. Bildirirlir ki, Qusarda ən böyük restoran və otellər Etibar Pirverdiyevə məxsusdur ki, həmin otel və restoranlardakı qonaqların 70 faizi xarici turistlər olur. Bundan əlavə rayon əraszisində "Uzun Meşə-Long forest” istirahət mərkəzi də bu yaxınlarda Etibar Pirverdiyevin əlinə keçib. Bu arda onuda bildirək ki, "Uzun Meşə-Long forest” istirahət mərkəzi rayon sakinlərinin birinin adına olasa da həmin istirahət mərkəzini ingilislər işlədirdi. Etibar Pirverdiyev 100 hektar meşə sahəsində olan bu restoranı İngiltərə sahibkarının əlindən ala bilib və hazırda bu restoran nəhəngliyinə və orada bütün fəsillərdə qonaqların sayının çox olaması ilə bölgənin birnci istirahət mərkəzi hesab olunur ki, buradakı qonaqlar məmurlar və ancaq Azərbaycandakı xarici ölkələrin nümayəndəliklərinin işçiləri istirahət edirlər. Bu istirahət mərkəzinə orta təbəqəli sadə vətəndaşalr girə bilmir. Buradakı qiymətlər həddən artıq baha olduğundan ora ancaq məmurlar xarici vətəndaşlar və məmurlar gəlib istirahət edə bilir. İstirahət mərkəzindəki məbnbəmiz bildirir ki, bu restoranın günlük gəlirir 20-30 min arası olur. Mənbəmiz bildirir ki, "Uzun Meşə-Long forest” istirahət mərkəzinin əvvəlki qurucusu olan ingiltərə vətəndaşı da burda işləyir. Beləki, həmin sahibkarla dil tapa bilən Etibar Pirverdiyev istirahət mərkəzindən gələn gəlirin 20 faizini ona veririr. Və həmin xarici vətəndaş bu istirahət mərkıəzindəki işlərə nəzart edir. Eyni zamanda Etibar Pirverdiyevin bütün Şimal bölgəsini əhatə edən "Şahdağ” mağazalar şəbəkəsində də vergi yoxlamaları aparılır. Mənbəmiz bildirir ki, Azərenerji şefinin Şimal bölgəsindəki, bütün obyektlərində vergi yoxlamalarının aparılmasının səbəbi Etibar Pirverdiyevin vergilər nazirninin Xaçmazdakı "Çoban” restoranını ələ keçirmək istəməsi olub və bundan əlavə Fazil Məmmədovun şöbə rəisini və naziri təhqir rtməsi olub ki, vergilər naziri bunun heyfini Etibar Pirverdiyevdən vergi yoxlamaları aparmaqla çıxır. Mənbəmiz bildirir ki, artıq Etibar Pirverdiyevə məxsus obyektlərdə külli miqdarda vergidən yayınma aşkar edilib və aşkar edilən rəqəm yoxlama sonuna kimi daha böyük rəqəmlə əvəz oluna bilər. Mənbənin bildirməsinə görə vergilər naziri bunu etməklə Etibar Pirverdiyevin obyektlərini vergidən yayınma ilə borca görə əlindən almaq və Etibar Pirverdiyevə öz yerini göstərmək istəyir.. Hakimiyyət içindəki mənbə isə bildirir ki, Fazil Məmmədovla Etibar Pirverdiyevin bir restoran və otelə görə baş-başa gəlməsi artıq hakimiyyətdəkilərə də bəllidir. Buna görə vergilər nazirini hətta danlayıblar. Bildirək ki, Fazil Məmmədov Kəmaləddin Heydərovun adamı kimi tanınır. Fövqəladə Hallar nazirinin kurasiyasında hərəkət edir. Fövqəladə Hallar naziri Kəmaləddin Heydərov Fazil Məmmədovu danlanlayaraq, təcili olaraq Etibar Pirverdiyevin obyektlərində yoxlamaları dayandırmasına göstəriş verib. Artıq 20 günə yaxın bir müddətdə aparılan vergi yoxlamaları ötən gün dayandırılıb. Azərenerjinin şefinin Şimal bölgəsindəki öbyektlərində aparılan vergi yoxlamaları zamanı aşkar olunan külli miqdarda vergidən yayınma da qapadılıb. Fazil Məmmədovun bu etapda uduzması və kurasiya şefi tərəfindən təngid olunmasının səbəbini isə mənbəmiz belə izah edir ki, Etibar Pirverdiyev hazırda hakimiyyət daxili heç bir qurublaşmanın üzvi deyil. Azərenerji şefinin birbaşa prezidentə bağlı olması ilə əlaqəlidir. Etibar Pirverdiyevin birbaşa prezidentin adamı, heç bir quruplaşmaya qoşulmayan və hakimiyyət daxilində nüfuz sahibi olması vergilə nazirinin bir restorana görə atdığı "yalnış atddım”ı birbaşa prezidentə çatdırılmasından və ortada böyük problemlərin olmasından çəkinən Fazil Məmmədovun şefi öz adamını danlayıb. Mənbəmiz bildirir ki, əslində bu, Etibar Pirverdiyevdən çəkinmə məsələsi deyil, sadəcə rayonda bir restorana görə Etibar Pirverdiyevin bütün obyektlərində vergi yoxlamaları aparması və bu obyektlər haqqında hakimiyyət başçısının belə məlumatlı olduğu fövqəladə hallar nazirinə məlumdur. Və bu məsələ prezidentə və onun yaxın ətrafına çatarsa vergilər nazirinin cəzalanacağı ilə sonuclanacaqdır. Bu məsələni sülh yolu ilə bitirmək üçün hər iki məmur barışdırılır. Mənbəmiz bildirir ki, artıq Etibar Pirverdiyevlə Fazil Məmmədov arasında barışıq da olub. Hər iki məmur Şamaxının Pirqulu ərazisində "barışıq aşı” da yeyiblər. Barışıqdan sonra Etibar Pirverdiyev Fazil Məmmədovdan Vergilər Nazirliyinin Maliyyə-Təsərüffat Şöbəsi mürdinin cəzalanmasını istəyib. Fazil Məmmədov Vergilər Nazirliyinin Maliyyə-Təsərrüfat Şöbəsinin rəisi Məhhəməd Balaqadaşovun cəzalanacağını söz verib və həmin Xaçmaz rayonundakı məşhur "Çoban” restoran və oteli etibar Pirverdiyevə hədiyyə edib. Bununla da Xaçmazda ən məşhur restoran və otel olan "Çoban” Etibar Pirverdiyevin əlinə keçib. Xaçmazdakı mənbəmiz bildirir ki, Xaçmaz-Xudat yolunda yerləşən meşə massivində 50 hektar sahədə yerləşən "Çoban”restoran və otel Etibar Pirverdiyevin əlinə keçən gündən orada yenidənqurma işləri aparılır. Mənbəmiz bildirir ki, hazırda orada köhnə işçiləri çıxardaraq yeni işçi heyyəti toplayır. Mənbəmiz bildirir ki, bu restoranın gəliri günə 10 -15 min manat olur. Etibar Pirverdiyev ələ keçirdiyi "Çoban” istirahət mərkəzini də "Uzun Meşə-Long forest” istirahət mərkəzi kimi etmək haqqında düşünür və bu restorana da nəzarət edilməsini "Uzun Meşə-Long forest” istirahət mərkəzindəki xarici vətəndaşa həvalə edib. Burada da xarici səfirliklərin işçilərini cəlb etmək üçün xüusi təhlükəsiz yerlər düzəltdirir. Mənbəmiz bildirir ki, ”Çoban” restoran və otel Etibar Pirverdiyevin əlinə keçəndən sonra burada da xidmət qiymətləri artırılıb.