Milli Bank rəhbərinə yaxın şəxslərin şok əməlləri üzə çıxır; Briliant daş-qaşların qaçaqmalçılığı, kontur biznesi ilə "depozit silmələri” və "obnaliçka”...

Milli Bankın sədri Elman Rüstəmovun müşaviri Abdulla Məlik-Aslanov barəsində redaksiyamıza ilginc məlumatdaxil olub. Bizi məlumatlandıran mənbənin sözlərinə görə Abdulla Məlik-Aslanovunyaxını Dəmir Bankın "Mərkəz” filialının müdiri Müşfiq Tükanov öz şəriki, Dəmir Bankın "Mərkəz” filialının keçmiş kassiri olan İlqar Usubovun vasitəsi ilə respublikaya briliant daş-qaşların qaçaqmalçılıq yolu ilə gətirilməsinə yardımçı olur. Məlumatlı mənbə cumhuriyyet.az-a bildirib ki, bu iki şərikin briliant alverindən başqa kontur biznesi edərək "depozit silmələri” və "obnaliçka” ilə də məşğul olmaqları aşkar olunub. Qeyd edək ki, aldığımız məlumata görə Abdulla Məlik-Aslanov "Loqofon” şirkətinin sahibidir, bu şirkət mobil telefonların satışını və "Nar Mobile"-ın kontur satışını regionlarda və ölkə paytaxtında təşkil edir. Həmçinin mənbəmiz bildirib ki, İlqar Usubov "Dəmir Bank”da kassir vəzifəsində işləyərkən odlu silah gəzdirmək üçün, necə DİN-in Baş MP-in Yasamal MP-in əməkdaşı vəzifəsinə təyin olunmasına nail olub.
Eyni zamanda apardığımız araşdırma zamanı məlum oldu ki, "DəmirBank”ın "Mərkəz” filialının müdiri Müşfiq Tükanova Milli Bankın sədrinin müşaviri Abdulla Məlik-Aslanov himayədarlıq edir. Bu iki şəxs arasında qohumluq əlaqələri var. Daha dəqiq desək, Abdulla Məlik-Aslanov Müşfiq Tükanovun həyat yoldaşının xalasının əridir. Məhz bu qohumluğa görə də Abdulla Məlik-Aslanov ən gəlirli işləri qohumu Müşfiq Tükanova həvalə edir. Onu da qeyd edək ki, etibarlı mənbənin bildirdiyinə görə bir neçə ay əvvəl xeyli iqtisadi cinayətlərdə əli olduğuna görə hüquq-mühafizə orqanlarının əməkdaşları Müşfiq Tükanovun "qonağı” olublar. Mənbə onu da bildirir ki, bankın kollektivi Müşfiq Tükanovdan o dərəcədə narazı olublar ki, məlumatları hüquq-mühafizə orqanlarına onlar "sızdırıblar”. Aydındır ki, Müşfiq Tükanovun "Mərkəz” filialının müdiri olması sadəcə formal xarakter daşıyır. Onun əsas qazanc yeri , Abdulla Məlik-Aslanovun verdiyi "sifariş”lərdir. Yoxsa adi filial müdiri 200 min manatlıq avtomobillərdə gəzə, Bakıda bir çox bahalı obyektlər ala bilməzdi. Biz\ə daxil olan məlumatlarda ən maraqlı məqam bu iki qohum arasında olan maxinasiyalarda Milli Bankın sədri Elman Rüstəmovun roludur. Milli Bank rəhbəri bu qruplaşmaya nə dərəcədə bağlıdır?
Elman Rüstəmovun adı bu vaxta qədər bir neçə qalmaqalda halandırılıb. Həta 2009-cu ildə MBİH sədrinin işçiləri 7 milyon manat pulu oğurluqda suçlu bilinərək mühakimə olundular. Lakin bu prosesdə Elman Rüstəmov sudan quru çıxmağa müvəffəq oldu. Hətta onun arxasında duran qüvvələr özlərini o qədər əmin hiss etdilər ki, bu işdə iştirakının olması şübhə doğurmayan MBİH sədri mətbuat qarşısına çıxaraq, bir növ ictimaiyyəti ələ salan tərzdə açıqlamaları ilə də yadda qaldı. Gəlin hadisənin təfsilatına diqqətlə yanaşaq. Oğurluq faktının üstü açılandan sonra birbaşa hədəfə bankın İdarə Heyətinin rəhbəri Elman Rüstəmov götürülür. O isə az qala yalvarıcı sözlərlə günahını boynuna almaq həddinə çatır. Hətta sədrin ən yaxın adamının- Abdulla Məlik-Aslanovun həbs olunması əməliyyatı keçirilir.
Keçirilən əməliyyat nəticəsində Abdulla Məlik-Aslanov həbsə alınır və qısa müddətdə azadlığa buraxılır. Bu artıq E.Rüstəmovun həbsi üçün də əsas yaradırdı. Çünki A.M.Aslanov yeganə adam idi ki, illər boyu E.Rüstəmovun fəaliyyətinin ən gizli məqamlarını bilirdi və bu işdə ki, rolu artıq ortaya çıxırdı. A.M.Aslanovun həbs edilməsi bir tərəfdən E.Rüstəmovun azadlıqda qalmaq şansını artırırdısa, digər tərfdən müəyyən gizli faktlarında aşkarlanması prosesini sürətləndirirdi. Ən vacib məsələ isə bu idi ki, E.Rüstəmovun ən azı bir neçə gün vaxtı oldu və qabaqlayıcı tədbirlər həyata keçirə bildi. Məsələn, kimləri qurban vermək, özünün prosesdə ümumiyyətlə iştirakını təkzib etmək və prosesin istiqamətini dəyişdirmək baxımından.
Bu məqamda aldığımız dəqiq məlumata görə, E.Rüstəmova Prezident Adminstrasiyasının rəhbəri, akademik Ramiz Mehdiyevdən kömək istəyir. Daha doğrusu, A.M.Aslanovun atası ilə bu şəxs dostdur və o, imkanlarını işə salaraq ilk növbədə Abdulla Məlik-Aslanovun azadlığa çıxmasını təmin etməli olur. Hansısa yolla A.M.Aslanov azadlığa çıxır. Dərhal prosesin istiqaməti dəyişir. Bu ərəfədə isə artıq təşəbbüs E. Rüstəmovun əlinə keçir və o, rəsmi şəkildə belə Mərkəzi Bankda baş verənləri təsdiqləyir. Bundan bir neçə gün sonra gözlənilmədən növbəti olay baş verir. Həbsdən müəmmalı şəkildə azadlığa çıxan A.M.Aslanov gözlənilmədən yenidən müvəqqəti olaraq saxlanılır. Bir gün təcridxanada saxlanılıb izahat alındıqdan sonra A.M.Aslanovun nələr danışdığı və nələri «etiraf etdiyi» məlum deyil. Məlum olan budur ki, A.M.Aslanov həbsdən azad olunan günü (düzdür, A.M. Aslanov mətbuat nümayəndələrinə mətbuat konfransı keçirəcəyi vədini versə də, sonra bu fikrindən daşınır-red.) E.Rüstəmov mətbuat konfransı keçirir. Baş verənlərə görə, peşmançılıq çəkdiklərini və cinayətkarların cəzalanmasını istəyir.
Ən maraqlı başqa bir məqam isə budur ki, Abdulla Məlik-Aslanovun azadlığa çıxmasından sonra iş Respublika Prokurorluğuna verilir. Prezident Adminstrasiyasının rəhbəri istintaqın ünvanı dəyişdirilməsində Elman Rüstəmova yardımçı olur. Bununla da A.M.Aslanov azadlığa buraxılır, məhkəmə işi sürətlə həyata keçirilir və bu gün də bəlli olduğu kimi, bir neçə nəfər yaşlı qadın qurban verilir. Amma məsələ bununla bitmir. Redaksiyamızı bilgiləndirən mənbə iddia edir ki, hakimiyyətin içində Elman Rüstəmova qarşı fəaliyyətdə olan qüvvələr yetərincədir və onlar bu olaydakı qaranlıq məqamlrı hələ keçən ilin fevral ayında yenidən gündəmə gətirmək istəyiblər: «Həmin ərəfədə korrupsiyaya qarşı dövlətin ciddi mübarizəsi gedirdi və MBİH sədrinin rəqiblərinin əlinə gözəl fürsət düşmüşdü. Amma yenə də Ramiz Mehdiyev faktoru Elman Rüstəmovun görəvdə qalmasına və ittihamlardan kənarda tutulmsına rəvac vermiş oldu».
Mənbəmizin məlumatlarından aydın olur ki, amma buna rəğmən yenidən 2009-cu ilin «müdhiş olaylarının» gündəmə gətirilməi planlaşdırılır: «Hətta hazırda bu işlə bağlı qolları qandallanan MBİH-in sabiq işçilərindən biri ilə gizli anlaşma da əldə olunub. Və əgər planın icrasına qərar verilərsə, ilk əvvəl həmin şəxsin «açıq məktubu» yerli mətbuatın araçılığı ilə ictimailəşəcək».
Məlumatlara görə, həmin şəxs Elman Rüstəmovun nəinki 7 milyon manatın oğurlanmasında, daha böyük məbləğdə vəsaitin mənisənilməsində iştirakçı olduğunu sübuta yetirən faktları da açıqlaya bilər: «Hələlik bütün bu işlər məxfi qaydada həyata keçirilir. Amma bu faktlar açıqlanarsa, hətta Ramiz Mehdiyev də Elman Rüstəmovu orumağa müvəffəq olmayacaq”.