Ərdoğanın belə aciz qaldığı əməliyyat tədbirləri Sədərəkdən Bakıya qədər uzana bilər

Tam o zamana təsadüf etdi ki, Azərbaycanda çox əhəmiyyətli qaz sazişi imzalandı. «Şahdəniz-2» layihəsi üzrə müqavilə Avropanın Rusiyadan qaz asılılığını ortadan qaldıra bilən əsas strateji proje olaraq görüldü. Və bu projenin yürüməsində daha çox təsiri olan dövlətlərdən biri də Türkiyə, indiki AKP iqtidarı və Ərdoğan oldu.
Amma müqavilə imzalanar imzalanmaz, Türkiyədə dekabrın 17-i gecə saatlarından etibarən böyük bir skandal yaşanmağa başladı. Dövlətin təpəsindən milyonlarla rüşvət faktları fırtına kimi gündəmi zəbt etdi. Azərbaycan mediası da Türkiyədə baş verən bu hələ də davam edən «Yolsuzluq əməliyyatı» nı diqqətlə izləməkdədir. Türkiyədə bu əməliyyat sürdülərkən daha çox diqqəti çəkən məqam Ərdoğanla Gülən camaatı arasında gedən savaş olaraq təqdim edilməyə başlandı. Çünki cəmi 2 həftə öncə elə bizim yerli mediada da yazılar yazıldı ki, Bakıda belə Ərdoğana məxsus olan «Nurçu»ların dərsanələri bağlanılır. Türkiyə Milli Təhlükəsizlik Şurasının gizli bildirişlərinin Bakıya da çatdığı söylənildi.
İndi isə olduqca mötəbər olan bilgilər əldə etmişik. Bu bilgilərə görə, artıq «Cağ» Öyrətim Bakıdakı bütün təhsil ocaqlarını SOCAR-a sataraq ölkəni tərk etməyə hazırlaşır. Bu məlumatı verən mənbələr iddia edirlər ki, hətta AKP iqtidarına yaxınlığı ilə seçilən və illərdir ki, Bakıda fəaliyyət göstərən Qafqaz Universitet idə SOCAR-la müvafiq anlaşma əldə edib. Lakin hələlik hissələrin satışı barədə dolğun informasiyalar əldə etmək mümkün deyil. Bundan başqa Bakıda «nurçu»lara məxsus olduğu iddia edilən bir çox özəl səhiyyə obyektlərinin də satışa çıxarıldığı söylənilir.

Bu arada Türkiyədə başlanan əməliyyatın əsas qəhrəmanlarından biri olan iş adamı Rza Zərrabın Bakıdakı biznes şəbəkələri ilə bağlı da kifayət qədər ilginc bilgilər əldə etmişik. Məlumatlara əsasən R.Zərrab əsasən İranla əlaqədə olan mühim bir iş adamlarından biridir. Onun Azərbaycan üzərindən də çirkli pulların yuyulmasında iştirak etdiyi barədə bilgilər var. İnformasiyalar əsasən bir qədər əvvəl Azərbaycanda İranın çirkli pullarının uyulmasına dair iddiaları, «Texnikabank», «Royalbank» və hətta «Bank of Baku»nun belə adları çəkilirdi. Bu bankların məhz İrandan daşınan pulların realizə edilməsi istiqamətində çəkilirdi. Ötən ilin ortalarında isə «Vikileaks» saytında İranın Azərbaycan üzərindən, Azərbaycan bankları vasitəsilə çirkli pulları uymasına dair informasiyalar yer alırdı.
Bu prosseslərdən sonra isə ortaya kifayət qədər ilginc bilgilər çıxmağa başladı. Məlum oldu ki, əslində «Texnikabank»ın prezidenti Etibar Əliyevin həbs edilməsində, bankda hüquq-mühafizə orqanlarının əməkdaşlarının apardıqları əməliyyat nəticəsində çox ciddi pozuntular ortaya çıxmışdı. Maraqlıdır ki, «Texnikabank» olayları zamanı məlum oldu ki, əslində Etibar Əliyevin həbs edilməsində sifarişçi olanlar arasında hətta Türkiyə prezidenti Ərdoğan da var. Kifayət qədər maraqlı versiyalardan biri isə o idi ki, «Texnikabank» olayı Gürcüstanın sabiq prezidenti Mixail Saakaşvili ilə də bağlı idi.

İndi isə qayıdaq Türkiyədə baş verən həbslərə. Türkiyədə baş verən böhranlı durumun əslində guya Fətulla Gülən tərəfindən həyata keçirildiyi iddia olunur. Məntiqlə F.Gülənlə Ərdoğan arasında yaşanan qalmaqalın sonucu olaraq belə bir qənaətə gəlmək mümkün idi. Lakin ortada olan iddialar bir daha onu göstərir ki, əslində Ərdoğan Türkiyənin dövlət quruluşun tam dəyişmək iddiasındadır. Və bu iddialarının da bədəlini ödəyir. Məhz «Ergenekon» əməliyyatları zamanı Ərdoğan ordunun NATO ilə uzun illik bağlarını qırmaq üçün fəaliyyətə keçmşidi. Bu prosses yekunlaşdıqdan sonra Ərdoğan regionda İsrailə qarşı açıq təhdid dili ilə danışmağa başladı. İndi isə AKP-li baş nazir çalışır ki, ABŞ-la olan ilişgiləri də təmamilə ortadan qaldırsın. Əlbəttə ki, il kişi də «Gülən camaatı»nın şəbəkəsini çökdürməyə cəhd idi. Bədəlini isə kifayət qədər ağır ödəməli oldu.

Türkiyə ilə İran arasında gizli və böyük pul əlaqələrinə dair informasiyaları ortaya atan güc ABŞ-dan qaynaqlanır. Artıq bu iddia olan kifayət qədər türk mediası var. ABŞ-ın İranla münasibətlərinin yaxşılaşmaya doğru başladığı bir zamanda Türkiyənin müstəvidən çıxarılması prossesi artıq start götürüb. Türkiyə Misirdə, Livanda, Suriyada təşəbbüsü əldən verdikdən sonra indi ən yaxın qonşusu olan İranla da ilişgilərindən məhrum ediləək. Bu barədə redaksiyamıza daxil olan mötəbər bilgilərə görə, Ərdoğanın regionun hegemonluğu uğrunda başlatdığı layihəsini durdurmaq istəyənlər artıq konkret olaraq fəaliyyətə başlayıblar.

Əgər Ərdoğan iqtidarı yıxılsa, bu prosseslərdən heç şübhəsiz ki, Azərbaycan da əziyyət çəkəcək. Daha dəqiq ifadə etsək Türkiyə ilə bu və ya digər şəkildə açıq və gizli biznes əlaqələri olan məmurların da sıradan çıxacağı gözləniləndir. Yeni iqtidar olacaq siyasi qüvvənin Azərbaycanla bağlı münasibətlərində fundamental olaraq hansısa dəyişikliklər baş verməyə bilər. Lakin əsas strateji addımlarda köhnə qərarların və icranın təftişi mütləq aparılacaq. Bununla da nəticə etibarilə Azərbaycan qaranlıq əlaqələrinə görə yenidən Ərdoğan düzəltmək gücündə olmadığından əziyyət çəkəcək.

İndi Türkiyədə həm də son olayların qəhrəmanı olan Rza Zərrabı Azərbaycanda bir müğənni xanımla evli olmasına görə tanıyırlar. R.Zərrab məşhur sənətçi Ebru Gündeşdən əvvəl «Azəri qızı» Günellə yaşayırdı. Lakin gözlənilmədən bu münasibətlərə son qoyuldu. Bundan sonra isə medianın şou-biznes bölümünü məhz Rza Zərrab adlı birisi zəbt etdi. Lakin bu ilişgilərin sıradan bir ilişgi olmadığı, ayrılma və Ebru Gündeşlə əlaqələrə dair ortaya kifayət qədər mötəbər dəlillər çıxa bilər. İddialara əsasən indi əsas əməliyyat suçlusu olan Rza Zərrab əslində AKP iqtidarının mühim dayaqlarından biri olub. ABŞ-ın hədəfinə keçməsinə səbəb isə məhz onun sıradan çıxarılması ilə bağlı ola bilər. Məsələ burasındadır ki, bu gün Türkiyədə AKP iqtidarının artıq 4 mühim post sahibi olan naziri hədəfə alınıb. Nazirlər oğulları həbsə alınıb. Hətta dünən gecə saatlarında baş nazir Ərdoğanın qardaşının gizli seks görüntüləri belə sosial mediayaya çıxıb. Ardından isə türk mətbuatı «bu hələ harasıdır, daha 40 kasset var» mesajını tirajlayıb. Bu kassetlər arasında birbaşa olaraq Azərbaycana dəyə biləcək ziyanların olub-olmaması da hələlik sual doğurur.

Lakin fakt faktlığında qalır ki, bu prossesi başladan ABŞ-dır və Ərdoğanı sıradan çıxarmaq üçün böyük bir proje həyata keçirilir. Xatırlada bilərik ki, cəmi 2 həftə əvvəl Ərdoğanın əsas rəqibi olan Cümhuriyyət Xalq Partiyasının başqanı Kamal Kılıçdaroğlu ABŞ-a səfər etmişdi. O ABŞ-da çox mühim rəsmi görüşlər keçirmiş və sonuc olaraq da Fətulla Gülənlə şam yeməyi masasına oturmuşdu.
Təbii ki, burada təsadüfi heç bir məqam yoxdur. CHP başqanı durumdan xəbərdar idi. Və ona bəlliydi ki, Vaşinqton artıq Ərdoğanla yollarını ayırmaq qərarına gəlib. Məhz Türkiyəni idarə edə biləcək ikinci qüvvəni ABŞ-a dəvət etməklə bu qədər yüksək səviyyədə görüşün təşkil edilməsi ərdoğana bir siyasi xəbərdarlıq idi.

Bu məqamda isə CHP iqtidarbaşına ggələrsə, Azərbaycan iqtidarı ilə ilişgilər əvvəlki müstəvidə davam edəcəkmi sualı ortaya çıxır. Təbii ki, yuxarıda qeyd etdiyimiz kimi əsas strateji qonşuluq və qardaşlıq əlaqələri dəyişməyəcək. Lakin köhnə qaranlıq projelər, Ərdoğanın bu gün çox ağır rüşvət qalmaqalında adları keçən hökumət üzvlərinin fəaliyyəti də kifayət qədər diqqəti çəkir.

Və nəhayət ən mühimm məqam budur: Ebru Gündəşlə evlənəndən sonra bütün Türkiyədə tanınan və məşhurlaşan Rza Zərrab azərbaycanlı ailənin övladıdır. 1984-cü ildə Bakıda anadan olub. Zəngin ailənin övladı olduğu üçün kiçik yaşlarından etibarən ticarəti mənsimsəyib və öyrəndiyi qabiliyyətlərlə ailəsinin sərvətinə sərvət qatıb.Rza Zərrab daha çox qızıl alverində püxtələşib. O, neft nəqli biznesi, daş-qaş alveri kimi gəlirli sahələrə girib və qısa zamanda milyarderə çevrilib. Rza Zərrabın sürətlə varlanmasının sirlərindən biri də onun qızıl bazarını çox yaxşı bilməsi və bütün yatırımlarını qızılla etməsi ilə bağlıdır.
Bəzi məlumatlara görə, Rza Zərrabın atası hələ də Bakıda yaşayır və Azərbaycanda bizneslə məşğuldur. Lakin mətbuatla heç vaxt təmasda olmur.

Qeyd edək ki, Rza Zərrabın ailəsinin əslən İrandan olduğu məlumdur. Məlumatlara görə, Rza Zərrab və atası “Azersun Holdinq”lə neft nəqli biznesində ortaqdır, eyni zamanda Azərbaycan bazarına müxtəlif ərzaq mallarının idxalına da nəzarət edir… Bunlar türk mətbuatının təqdim etdiyi informasiyalardır.
Rza Zərrabın İstanbul Kalınca bölgəsində aparılan axtarışlar başa çatıb. Mülki geyimli polislər İran əsilli azərbaycanlı iş adamının evindən çemodanlarla dolu sənədlər aparıblar. Reza Zərrabın həmin villada həbs olunduğu bildirilir. Həmçinin Əli Ağaoğlunun sahibi olduğu “Ağaoğlu Group” şirkətinin baş ofisində də saatlarla davam edən axtarışlar yekunlaşıb. Ofisdən çantalarla dolu sənədlər, kompüterlər götürülüb.Digər məlumata görə saxlanılanlardan ətraf mühit nazirinin müşaviri Sadık Soylu AKP başqan müavini, Ərdoğanın yaxın adamlarından Süleyman Soylunun qohumudur.
Bu dosyedə «Azərsun» Holdinqin adının çəkilməsi də təsadüfi deyil. Türkiyəli iş adamlarının əslən azərbaycanlı olan R.Zərrabla əlaqələri olmamış deyil. Bu əlaqələrin də ən qısa zamanda araşdıralacağı barədə bilgilər var. Məlumatlara əsasən Ərdoğan iqtidarı ilə çox sıx əlaqələri olan «Azərsun» Holdinqin rəhbərliyi də istintaq nədəniylə sorğu-sual edilə bilər. Məsələ burasındadır ki, bu suallara artıq açar adam olaraq azərbaycanlı bir məmurun adı əlavə edilib. Söhbət Naxçıvan Muxtar Respublikasında Sədərək gömrük keçid məntəqəsinin sədrinin həbs edilməsindən gedir.Onun barəsində artıq İqdır məhkəməsi 3 aylıq həbs qəti-imkan tədbiri seçib. Deməli Türkiyəni silkələyən bu cinayət dosyesi Azərbaycana Sədərəkdən daxil olub artıq. Daha kimlərin bu istintaqa cəlb ediləcəyi isə prossesin hara qədər davam edəcəyi ilə bağlıdır. Görünən odur ki, «bu həbslərdən mənim xəbərim olmayıb» deyən Ərdoğan iqtidarı belə prossesi başladanların qarşısında acizdir. Deməli Azərbaycan iqtidarında da hətta nazirlər belə Türkiyədəki istintaqdan yayına bilməyəcəklər.

AZƏR