Hacı İbrahimə görə iş adamı intihara əl atacaq
Azərbaycanda hüququ tapdanan daha bir vətəndaş intihara əl ata bilər. Bu barədə GÜNDƏM XƏBƏR.AZ -a müraciət edən iş adamı, Qazax rayon sakini Elşad Məmmədov məlumat verib. Bildirək ki, “Avesta” konserninin prezidenti Hacı İbrahim Nehrəmli tərəfindən yarım milyon manata yaxın pulunun mənimsənildiyini iddia edən sahibkarla bağlı dəfələrlə məlumatlar vermişik. İndi isə açıqlama verən Elşad Məmmədov çıxış yolunu intiharda gördüyünü deyir.

Sahibkar deyir: “2012-ci ilin fevral ayının 1-də "Avesta" konserninin rəhbəri Hacı İbrahim Nehrəmliyə məxsus olan "Həsən-96" MTK-nın sədri Emil Tağıyevdən (Hacı İbrahimin bacanağı) Nəsimi rayonu, Abay döngəsi, 360-cı məhəllədə inşa olunmuş çoxmərtəbəli binanın 13-cü mərtəbəsində 51 və 52 saylı iki mənzilin satın alınması barədə inşaatçı şirkətlə müqavilə bağlayaraq alıb. Mənim qanuni sənədlərimi ( maliyyə arayışını və kassa mədaxil

qəbzini ) Hacı İbrahimin mühafizəçisi ölümlə hədələyərək bandotdellə tutduracağını bildirdi. Həmin gündən sonra ailəmin və üç körpə övladımın təhlükəsizliyini təmin etmək üçün Qazax rayonuna köçdüm və kirayələrdə qalmışam.

Bu günə qədər minə yaxın şikayət məktublarımın heç bir faydası yoxdur. Milyarder, ilin iş adamı, Nehrəmli, özü və anası bir milyonluq Roys-Roysda gəzən, yeddi milyona özünə yaxta alan, qardaşı oğlu Türküyədə üç milyona restoran açan, bir qardaşı Diasporanın sədri olan Nazim İbrahimov, Hacı İbrahim Nehrəmlinin sözündən hansı məhkəmənin qüdrəti və çürəti çatar ki, onun bir sözünü iki edər.

Mənim 2014-cü il fevral ayının birində saat 16-00 - da Nərimanov rayonunda yerləşən "Avesta" Konserninin qarşısında intihar edəcəyimin səbəbkarları aşağıdakı qorxaq və sifariş yerinə yetirən hakimlərdir.

Hacı İbrahimə görə iş adamı intihara əl atacaq

1. Nəsimi rayon hakimi Səyyad Qafari. Hansı ki, mənim iştirakım olmadan mənə məxsus evləri Hacı İbrahimin tapşırığı ilə ləğv edib.

2. Apelyasiya məhkəməsinin hakimi Xuraman Məhərrəmova. Hansı ki, birinci məhkəmə prosesində mənim qanuni sənədlərimi görüb Hacı İbrahimin vəkilinə lori dilnən dedi ki, bu sizin üçün bazarda bir kiloqram alma alveri deyil. Vətəndaşın əlində qanuni sənədləri var. İkinci mərhələdə bu sözləri deyən hakim bizə məlum olan səbəblərdən Hacı İbrahimin böyük gücə malik olduğundan Nəsimi rayonunun hakimi Səyyad Qafarinin saxta qərarını qüvvədə saxladı. Mən isə zalda ayağa qalxaraq, əl çalıb "Allah etdiyiniz haqsızlıqları sizin övladlarınızın başına gətirsin" dedim.Hakimlərin səsləri belə çıxmadı.

3. Ali Məhkəmənin hakimi Qəhrəman Allahverdiyev. Bu hakim də əvvəlki hakimlər kimi məhkəmə zalında başları üstündə yazılmış "Şah qanun deyil, Qanun şahdır" sözlərinə əməl etməyib, Hacı İbrahim qanundur prinsipini həyata keçirdilər”.

Qarşı tərəfi də dinləməyə hazırıq.