Elşad Məmmədov: “Avropa İnsan Haqları Məhkəməsinə üz tutacağam”.
Əlində maliyyə arayışı , kassa mədaxil qəbzi, iki tərəfli müqavilə bağlamış vətəndaş Elşad Məmmədov Hacı İbrahim Nehrəmliyə məxsus "AVESTA"konserninə daxil olan "Həsən - 96" MTK-nın dələduzluğundan Azərbaycanın birinci xanımı Mehriban Əliyevaya şikayət edəcək. “HƏSƏN-96” MTK ilə heç bir iş birliyi olmayan şəxsi günahlandıraraq onun 355 000 manat vəsaitini mənimsəməyənlər haqqında ölçü götürüləcəkmi? Bir daha nəzərinizə çatdırırıq ki, Elşad Məmmədov "AVESTA" konserninə daxil olan "Həsən - 96" Mənzil Tikinti Kooperativi tərəfindən Nəsimi rayonu , Abay döngəsi , 360-cı məhəllədə inşa olunmuş çoxmərtəbəli binanın 13-cü mərtəbəsində 51 və 52 saylı iki mənzilin satın alınması barədə şirkətlə müqavilə baglayıb .
"Həsən-96"MTK-nın sədri E.H.Tağıyev tərəfindən imzalanmış maliyyə arayışında qeyd olunur ki, mənzillərin dəyəri alıcı tərəfindən tam ödənilib . Bir müddət sonra Elşad Məmmədova "Avesta" konsernindən bildirilir ki , müqavilə "Həsən-96" MTK-a tərəfindən bir tərəfli qaydada ləğv olunub. Bu da müqavilənin şərtlərinə tamamilə ziddir.Sənədlərimi dələduzluq yolu ilə birini əlimdən alıb, o birisini isə məhkəmə yolu ilə ləğv elətdirib.
Onu da bildirək ki, E.Məmmədov aprel ayının 5-də Ağstafada olan Baş Prokuror Zakir Qaralovun qəbulunda olub başınaa gətirlən müsibətlərdən söz açıb. Ancaq o görüşdən sonra da işdə heç bir irəliləyiş olmayıb. E.Məmmədov bildirir ki, prokurorluq və Nəsimi Rayon Məhkəməsi Hacı İbrahimin vəkili rolunda çıxış edirlər: “Məhkəmələrdə olmadığım halda qərar çıxarırlar. Hacı İbrahim “Banditizm”də guya olduğumu, hər şeyi boynuma aldığımı və günahların məndə olması barədə məhkəmələrə sənəd təqdim edib. Halbuki, belə bir şeylər baş verməyib. “Ölkənin birinci xanımına müracət etməkdə məqsədim hüquqlarımın qorunmasıdır. Konstitisiyada “Mülkiyyət toxunulmazlığı”, “Sərbəst yaşamaq” haqda maddələr var. Bu maddələr hər bir vətəndaş kimi mənə də aiddir. Mən də öz ölkəmdə sərbəst, təhlükəsiz, aldadılmadan yaşamaq istəyirəm. Ümid edirəm ki, mənə qarşı baş vermiş bu mənəvi terrorun qarşısı alınacaq”.
Probleminin burada çözülməyəcəyi təqdirdə Avropa Məhkəməsinə üz tutacağını söyləyən vətəndaş qeyd edir ki, bu addımı atmağa məcburdur: “İstəməzdim ki, ölkəmizin adı daha bir qalmaqalda hallansın. Ancaq hala haqqımı tələb etmək də israrlıyam. Avropa Məhkəməsinə göndərmək üçün bütün sənədlərim hazırdır. Ali Məhkəmənin qərarını gözləyirəm. Ölkənin birinci xanımı Mehriban Əliyevaya etdiyim bu müraciətlərə də baxılmasa Ali Məhkəmənin qərarından sonra Avropa İnsan Haqları Məhkəməsinə üz tutacağam”.
Ələddin Kəsəmənli