"Razı olsa, onunla duet oxuyaram"


Tanınmış meyxanaçı Namiq Qaraçuxurlu xalq artisti üçün mahnı yazacaq. N.Qaraçuxurlu Brilliant xanımın özünün bu barədə xahiş etdiyini deyib. Meyxanaçı da məmnuniyyətlə razılaşıb.

“Brilliant xanım ustaddır, ona görə də onun üçün mahnı yazmaq mənim üçün şərəfdir. Razı olsa, onunla duet oxuyaram. Amma əvvəlcə onunçün mahnı yazacam, onu oxusun, sonra duet barədə fikirləşərik”, - deyə Namiq Qaraçuxurlu Space telekanalının “Plus-Minus” verilişinə deyib.

Meyxanaçı həmçinin əlavə edib ki, Aygün Kazımova ilə Brilliant Dadaşova arasındakı qalmaqal onu maraqlandırmır. Bildirib ki, həmişə qıraqda durub kiminsə işinə qarışmır.