Adrenalin həvəsi və kino sevgisi ilə tanınan Hollivudun məşhur adı Tom Cruise ötən ay Paris Olimpiadasının bağlanış mərasimində unudulmaz şou göstərib. Məlum olub ki, Hollivudun ən çox axtarılan aktyorlarından olan Cruise bu şou üçün heç bir pul almayıb.


“The Hollywood Reporter”- ə danışan Los-Anceles 2028 Olimpiya və Paralimpiya Oyunlarının prezidenti Casey Wasserman “Bu işi görmək üçün dünyanın ən yaxşı insanını seçdim” deyib.
Gununsesi.info NTV- yə istinadən xəbər verir ki, Wasserman bəzi epizodlarda aktyora kaskadyorlardan istifadə etməyi təklif etdiyini bildirib. Ancaq filmlərində kaskadyorlardan istifadə etməməsi ilə tanınan ulduz “Mən bu şounu özüm edəcəm”,- deyə bildirib.
Aktyorun tarixə keçən bu səhnə üçün nə qədər pul alıb sualına Wasserman heç bir pul almadığını söyləyib.
62 yaşlı aktyor kəndirə bağlanaraq stadiona cəsarətli bir atlayış edib. Sonra idmançıların arasından səhnəyə doğru irəliləyib.
Amerikalı aktyor Olimpiya bayrağını Los-Anceles meri Karen Basstan alaraq, motosikletinə minib və izdihamın arasından keçib.
Olimpiadanın açılış mərasiminin başlamasına bir neçə saat qalmış Robert Redford, Martin Scorsese və Clint Eastwood kimi Şərəf ordeninə sahib məşhur sənətkarların izi ilə gedərək, Cruise Fransanın ən prestijli ordenlərindən birinə layiq görülüb.