Hollivudun Sevilən Cütlüyü Yollarını Ayırır

Hollivudun məşhur aktrisası Jessica Alba və prodüser əri Cash Warren, 17 illik evliliklərini sonlandırmaq qərarına gəliblər.

2008-ci ildə evlənən və üç övlad sahibi olan cütlük həmişə gündəm olub. Onlar uzun illər boyunca ideal ailə modeli kimi tanınıb. Lakin, bu ilin əvvəlində Jessica Alba verdiyi açıqlamada, "Artıq ər-arvaddan çox ev yoldaşı kimiyik" sözləri ilə münasibətlərindəki soyuqluğu işarə etmişdi.

Beverly Hillsdəki Lüks Ev Satışa Çıxarıldı

Cütlüyün 2017-ci ildə 10 milyon dollara aldıqları və tanınmış memarların dəstəyi ilə yenidən dizayn etdikləri Beverly Hillsdəki lüks malikanə, hazırda 20 milyon dollara satışa çıxarılıb. Böyük ərazidə yerləşən bu evdə 8 yataq otağı, 8 vanna otağı, ailə otağı, mətbəx, rəsmi yemək otağı, idman zalı və kino salonu mövcuddur. Evin interyerində təbii və isti orqanik materiallar, nadir mərmərlər və daşlar, həmçinin təkrar emal edilmiş ağaclar istifadə olunub.

Maliyyə Bölüşdürülməsi və Uşaqların Gələcəyi

Jessica Alba və Cash Warrenın evlənməzdən əvvəl maliyyə müqaviləsi imzalamamış olmaları, evin satışından əldə olunacaq gəlirin necə bölüşdürüləcəyi sualını gündəmə gətirir. Albanın qurucusu olduğu “Honest Company”nin dəyəri 623 milyon dollar, Warrenın sahibi olduğu Pair of Thieves markasının dəyəri isə ən azı 100 milyon dollar olaraq qiymətləndirilir. Cütlüyün 16 və 13 yaşlarında iki qızı və 7 yaşında bir oğlu var.

Boşanmanın Səbəbi və Gələcək Planlar

43 yaşlı Jessica Alba, yanvar ayında məhkəməyə müraciət edərək, boşanma səbəbi kimi "şiddətli keçimsizlik" göstərib və ayrılıq tarixini 27 dekabr 2024 olaraq qeyd edib. Alba, uşaqları ilə birlikdə yeni bir həyat qurmaq üçün addımlar atmağa başlayıb, Warren isə bu müddətdə mediadan uzaq qalmağı seçib./Lent.az