Söylədikləri yalanlara özləri də inanamır amma neynəməlidirlər
bütün hallarda şah sağ olsun deyib keçmək lazımdır

Bütün beynəlxalq təşkilatların işi gücü qurtarıb yalnız Azərbaycanın əksinə olan informasiyalar yaymaq, bəyanatlar verməklə məşğuldurlar. Əslində Azərbaycan tam demokratik hüquqi dövlətdi. Bəzi sahələrdə axsaqlıqlar olsa da analoqu olmayan tərzdə inkişaf edirik. Bu ölkədə prezidentindən tutmuş, nazir, millət vəkili eləcə də digər məmurlarına kimi hər bir vəzifəli şəxsin tək düşüncəsi Azərbaycanın çiçəklənməsiimiş geri qalan bütün məsələlər önəmsizimiş onlar üçün. Yüksək postlara yiyələnmiş məmurlar, onların ailələri gözlərini aylıq maaşlarına dikiblərmiş başqa heç bir yerdən gəlirləri yoximiş. Azərbaycanda yaşasam da mənim bütün bunlardan xəbərim yox imiş. Bəs mən niyə ancaq neqativ hallarrı müşahidə edirəm. Yoxsa məndəmi xarici qüvvələrə işləyirəm?! Az qalsın yuxarıda söylədiyim cəfəngiyyatlara özüm belə inanacaqdım reallıq hissimi itirmiş olsaydım əgər.
Mənim bu fikirləri söyləməyim əbəs yerə deyil. Bilindiyi kimi bu yaxınlarda Mütəşəkkil cinayətkarlıq və korrupsiya hesabatı layihəsi (OCCRP) İlham Əliyevi “İlin adamı” seçib. Xəbər verildiyi kimi, bu mükafat müxtəlif ölkələrin bir qrup KİV və QHT-ləri tərəfindən 2012-ci ildə cinayətkarlıq və korrupsiya hadisələrində görkəmli yer tutan şəxsə verilir. İlham Əliyevin adının beynəlxalq mətbuatda bu görünümlü yazılara tuş gəlməsi ilk deyil və həmişə bu tip yazılardan sonra yaptokratlar var gücləri ilə bütün dünyaya nağıllar danışmaq istəyirlər ki, bəs yalandı, şərdi, böhtandı. Bəs Azərbaycan xalqının dövlətinin, millətinin sürətli inkişafını gözü götürməyən qüvvələrin işidi və s və ilaxır. Hərçənd ki, söylədikləri yalanlara özləri də inanamır amma neynəməlidirlər bütün hallarda şah sağ olsun deyib keçmək lazımdır. Mənim diqqətimi bu dəfəki məqaləyə münasibıət bildirən AVP sədri, deputat Fəzail Ağamalının fikirləri cəlb etdi. Millət vəkili hesab edir ki: “Ölkə prezidenti cəmiyyətdə liberal dəyərlərin möhkəmlənməsi, inkişafı üçün bütün mümkün addımları atır, islahatları davam etdirir, korrupsiya ilə bağlı çox ciddi tədbirlər görür. İnzibati metodların tətbiqi ilə korrupsiya və rüşvətxorluğa qarşı mübarizə intensiv xarakter alıb. Fəzail bəy əlavə olaraq qeyd edir ki: Sözügedən təşkilat barədə araşdırmalar aparmağa ehtiyac var: “Gərək maraqlanaq ki, bu, nə təşkilatdır, onu yaradanlar kimdir, onun arxasında hansı qüvvələr dayanır. Bir sıra təşkilatlar var ki, onların təsnifatını aparmaq lazımdır. Mən düşünürəm ki, burada kifayət qədər suallar var və onların cavabı tapılmalıdır. İlham Əliyev isə Azərbaycanı müstəqil şəkildə idarə etməkdə israrlıdır deyə, tez-tez beynəlxalq səviyyədə böhtanlarla üzləşir. Bir müddət öncə Elşad Abdullayevin göndərdiyi videolara da münasibət bildirərkən bu işin arxasında xarici qüvvələr dayandığını söyləmişdi millət vəkilimiz. İndi nə deyrsən Fəzail bəy sənəmi inanaq yoxas bu bəyanatları yayan təşkilatlaramı?!
Mən “Mütəşəkkil cinayətkarlıq və korrupsiya hesabat layihəsi”nin yerinə olsaydım yeni bir layihə də hazirlayardım və adları siyahıya düşən şəxsləri müdafiə qalxanlar adlı orden hazırlayıb. “Müdafiəçilərə” təqdim edərdim. Məsələn Fəzail Ağamalını ən yaxşı müdafiəçi ünvanı ilə təltif edərdim bəlkə bundan sonra əl çəkərdi gözə görünməz xarici qüvvələrdən.
Kamal Səlimov