Ümumiyyətlə, Kəlbəcər İncəsənət Məktəbində müəllimlərin Şəfiqə Quliyevanın qaydaları əsasında dərs keçmələri, sözün həqiqi mənasında onların çıxılmaz durumda olmasından da xəbər verir
Ötən saylarımızın birində qeyd etmişdik ki, Kəlbəcər İncəsənət Məktəbində korrupsiya halları tüğyan etməkdədir. Bu yöndə əldə etdiyimiz məlumatları araşdırmaq üçün, ilk əvvəl Kəlbəcər rayonunun Gəncə şəhərində yerləşən incəsənət məktəbinə üz tutduq. Yeri gəlmişkən qeyd edək ki, adı çəkilən məktəbin özü də, Gəncənin iki müxtəlif ünvanlarında fəaliyyət göstərir. Məcburi köçkünlər üçün inşa olunan qəsəbədə fəaliyyət göstərən mədəniyyət şöbəsi ilə bir binada yerləşən və müasir üslubda inşa olunan incəsənət məktəbində, əsasən musiqi məktəbi fəaliyyət göstərir. Bəs dövlətin məcburi köçkünlərə bu qədər diqqət və qayğısının qarşısında, adı çəkilən məktəbdə korrupsiyanın tüğyan etməsini necə başa düşək?
Apardığımız araşdırmalar zamanı Maliyyə Nazirliyi tərəfindən yoxlama aparılmasının eyni vaxta təsadüf etməsi, adı çəkilən məktəbdə rüşvət olaylarının tüğyan etməsindən də xəbər verir. Bu haqda etibarlı mənbələrdən əldə etdiyimiz məlumatlarda o da bildirilir ki, məktəbin direktoru Ədalət Əliyev, sabiq direktor Natiq Ələkbərov və Bakı şəhəri Xırdalan şossesində fəaliyyət göstərən filialın direktoru Şəfiqə Quliyeva ilə birlikdə müəllimlərin bir aylıq maaşlarını ələ keçirmələri və komissiyanı yola salacaqlarını heç bir halda məsuliyyət hiss etmədən bəyan etməsi, heç də təəcüblü deyil. Ümumiyyətlə, Ədalət Əliyev, Şəfiqə Quliyevanın və onun dili ilə desək Natiq "qaqa"sının bu cür iş fəaliyyəti, artıq uzun illərdir ki, davam etməkdədir. Elə bu səbəbdən də, həm Gəncədə, həm də Xırdalanda fəaliyyət göstərən filialda, korrupsiya və rüşvət məngənəsində boğulan incəsənət məktəbi müəllimlərinin narazılıqları hələ ki, səngimir. Göründüyü kimi "möhtəşəm üçlüyün" artıq incəsənət məktəbində işləri öz axarından çıxıb desək, yəqin ki, yerinə düşər.
Filialda vakant dərslər olduğu halda, müəllimlər arasında dərs bölgüsünün qeyri-bərabər bölünməsi, şəxsən Ədalət Əliyevin özünün daxili əmri əsasında təyin etdiyi filial direktoru Şəfiqə Quliyevanın isə özünə, bir neçə yaxınına 36 saat, digərlərinə isə maksimum 8-12 saat dərs bölgüsü, artıq bu bölgünün hansı prinsiplər əsasında bölünməsindən xəbər verir. Onu da qeyd edək ki, əldə etdiyimiz məlumatlarda o da bildirilir ki, Gəncədə yerləşən hər iki incəsənət məktəbində dərs bölgüsünün belə bir qaydada aparılması, artıq uzun illərdir ki, davam edir. Bu dərdin də əlacı, yaxud açarı ancaq və ancaq "möhtəşəm üçlüyün" ixtiyarında olduğundan, heç də bu yöndə baş ağrıtmağa dəyməz.
Kəlbəcər İncəsənət Məktəbi köçkünlük dövründən indiyə qədər, yazılmayan qanunlardan da görünür ki, nə qədər ki, Kəlbəcərin deputatı, "ADY" QSC-nin sədrinin bibisi oğlu Hacı Əmrahovun, nə də yenicə incəsənət məktəbində baş alıb gedən hay-küyün qarşısını almağa cəhd göstərməyən, Kəlbəcər rayon İcra hakimiyyətinin başçısı Aqil Məmmədovun da gücü çatmır.
1993-cü ildən 2008-ci ilədək Kəlbəcər İncəsənət Məktəbinin direktoru olmuş Natıq Ələkbərovun, indiyə qədər məktəbdə səlahiyyət sahibi olması, görəsən nə ilə bağlıdır? 2008-ci ildən bu günə qədər məktəb direktoru vəzifəsini daşıyan Ədalət Əliyevin, sabiq direktordan asılılığına bəs səbəb nədir? Yeri gəlmişkən onu da qeyd edək ki, məktəbdəki korrupsiya hallarının əsası odur ki, 1993-cü ildən bu günə qədər bir necə müəllimin diplomu olmadan fəaliyyət göstərməsi, görəsən maliyyə yoxlamasının diqqətindən necə olub ki, yayınıb.
Saz ixtisası üzrə müəllimlər Cahangirov Yaşar Əli oğlunun, Quliyev Yusif Əliş oğlunun 2002-ci ildən, fortopiano müəllimi Əmrahova Sevinc Hidayət qızının isə, 1993-cü ildən diplomları olmadan işləməsi, əvvəl Natiq Ələkbərovun, sonra isə davamlı olaraq Ədalət Əliyevin rəhbər vəzifədə çalışması, ya səriştəsizlikdən, ya da korrupsiya hallarından xəbər verir. Natiq Ələkbərovu deyə bilmərəm, Ədalət Əliyevə gəlincə isə onun özünün bildirdiyi kimi, onun ölkə başçısı ilə kollektiv fotoşəkil çəkdirdirdiyi üçün, ona "yaşıl işıq" olduğundan, əminliklə istifadə etməsi təəcüb doğurur.
Ümumiyyətlə, Kəlbəcər İncəsənət Məktəbində müəllimlərin belə bir qaydada dərs keçmələri, onların çıxılmaz durumda olmasından da xəbər verir. Onu da qeyd edək ki, həm Gəncədə, həm də Xırdalandakı incəsənət məktəblərinin hər ikisisin, iki korpusdan ibarət olması, məktəbdə dərslərdən yayınmağa yollar açır. Araşdırma zamanı onu da aşkar etdik ki, Gəncənin Gülüstan qəsəbəsində fəaliyyət göstərən məktəbin qapıları bağlı,
Xırdalandakı məktəbin isə yaxınlığındakı beşmərtəbəli binanın üçüncü mərtəbəsində, yəni yeddi otağın yeddisində də, cədvəl üzrə dərs keçirilməli olduğu halda, yalnız ikisində dərs keçirilir. Musiqi məktəbinin direktorunun oturduğu otaqdan bir neçə dəfə kiçik otaqda qrup dərslərinin keçirilməsinə gəlincə, onu deyə bilərik ki, qeyd olunan məktəbdə maraqlı faktla da üzləşdik. Belə ki, filial direktorunun özünün də musiqi müəllimi olmasına baxmayaraq, diqqətimizi onun istifadəsində olan otaqdakı musiqi alətinə deyil, iki soyuducunun olmasına yönəldi.Yeri gəlmişkən onu da qeyd edək ki, Xırdalanda fəaliyyət göstərən filialda cədvəllə dərslərin aparılması, birnövbəli orta məktəblə eyni vaxtda aparılması, əslində musiqi dərslərinin keçirilməməsindən xəbər verir. Belə bir cədvəllə dərs kecən isə, özünə 36 saat dərs yazan Şəfiqə Quliyevanın özünün olması da bəlli oldu. Təhsil prosesində rəhbər vəzifə daşıyan şəxslərin dərs saatlarının 12 saatı aşması müstəsna hallarda olduğunu nəzərə alsaq, Şəfiqə Quliyevanın hansı əsasla fəaliyyət göstərməsi, yaxud da sabiq YPX-nin işçisinə bu qədər güzəşt olunması, görəsən hansı səbəblərlə bağlıdır? Bəlkə də hər üç nəfərin, yəni incəsənət məktəbinin direktoru Ədalət Əliyevin, daxili əmrlə fəaliyyət göstərən filialın direktoru Şəfiqə Quliyevanın və hər ikisinin "qaqa"sı olan Natiq Ələkbərovun, belə bir əməllərindən özünün dediyi kimi, ADAU-nu 2012-ci ildən bitirib, 2011-ci ildən isə Cavid Qurbanovun bibisi oğlu olduğundan, mədəniyyət şöbəsinin müdiri vəzifəsini daşıyan Hacı Əmrahovun xəbəri varmı?
P.S. Kəlbəcər İncəsənət Məktəbinin Xırdalanda fəaliyyət göstərən filialında yaşananları eşidib gördükcə, sanki dəhşətə də gəldik. Çünki, filialın direktoru Şəfiqə Quliyeva məktəbin balansında elə bir ayaqyolu tikdirib ki, giriş haqqı nə az nə çox düz 40 manatdır. Ümumi görünüşü diqqəti cəlb edən ayaqyolu elə bir formada da inşa olunub ki, hər kəs baxdıqca baxmalı olur. Elə bu səbəbdən də, məktəb müəllimlərindən bir kimsə ayaqyoluna getmək istəyəndə “40 manatı ver, sonra keç” qərarını açıqlayan Şəfiqə Quliyeva, belə bir addımı ilə də diqqəti cəlb edir. Görəsən onun belə bir addımlarından cənab Əbülfəs Qarayevin xəbəri varmı?
Mehriban Əliqızı

gundemxeber.az