ötən saylarımızda deyildiyi kimi Kəlbəcər incəsənət məktəbində korrupsiya faktları haqqında əldə etdiyimiz məlumatları araşdırmaq üçün ilk öncə üz tutduq Kəlbəcər rayonunun Gəncə şəhərində yerləşən incəsənət məktəbinə. Yeri gəlmişkən qeyd edək ki, adı gedən məktəbin özüdə Gəncədə iki yerdə yerləşir. Məcburi köçkünlər üçün salınan qəsəbədə elə mədəniyyət şöbəsi ilə bir binada yerləşən müasir üslubda tikilən incəsənət məktəbində əsasən musiqi məktəbinin fəaliyyət göstərir. bəs dövlətin məcburi köçkünlərə bu qədər diqqət və qayğısı qarşısında adı gedən məktəbin iş prinsipinin korrupsiyalaşmış şəkildə fəaliyyət göstərməsini necə başa düşək?

Araşdırmalarımızın aparıldığı zaman hal-hazırda Maliyyə nazirliyi tərəfindən yoxlama aparıldığı bir zamana təsadüf etməsi adı gedən məktəbdəki bir çox rüşvət olaylarından xəbər tutduq. Belə ki, hal-hazırda etibarlı mənbələrdən aldığımız məlumatlarda deyilir ki, məktəbin direktoru Ədalət Əliyev keçmiş direktor Natiq Ələkbərov və Bakı şəhəri Xırdalan şossesində yerləşən filialda Şəfiqə Quliyevanın birgə müəllimlərin bir aylıq maaşlarını tutaraq komissiyanı yola salacaqlarını heç bir məsuliyyət hiss etmədən bəyan etməsi heç də təəcüblü deyil.Ümumiyyətlə Ədalət Əliyev,Şəfiqə Quliyevanın və onun dilinlə desək Natiq "qaqa"sının bu cür iş fəaliyyəti artıq uzun illərdir ki, davam etməkdədir. Elə bu səbəbdəndə həm Gəncədə, həm də Xırdalanda yerləşən filialda korrupsiya və rüşvət içində boğulan incəsənət məktəbinin müəllimlərinin bu səbəbdən narazılıqları sengimir. Göründüyü kimi"möhtəşəm üçlüyün"artıq incəsənət məktəbində işləri öz axarından çıxıb desək yerinə düşər.



Filialda vakant dərslər olduğu halda müəllimlər arasında dərs bölgüsünün qeyri-bərabər bölünməsi, şəxsən Ədalət Əliyevin özünün daxili əmri əsasında təyin etdiyi filial direktoru Şəfiqə Quliyevanın özünə və daha bir neçə yaxınına 36 saat, digərlərinə isə yalnız maksimum 8-12 saat dərs bölgüsü artıq bu bölgünün hansı prinsiplər əsasında bölünməsindən xəbər verir. Onu da qeyd edək ki,aldığımız məlumatda deyilir ki, Gəncədə yerləşən hər iki incəsənət məktəbində

dərs bölgüsünün bu şəkildə aparılması artıq uzun illərdir ki, davam edir. Bu dərdin də əlacı, yaxud acarı ancaq " möhtəşəm üçlüyün"əlində olduğundan heç baş ağrıtmağına dəymir. Kəlbəcər incəsənət məktəbi üçün köçkünlük dövründən indiyə qədər yazılmayan qanunlarına görünür nə Kəlbəcər rayonunun deputatı , "ADY"QSC-nin sədrinin bibisi oğlu Hacı Əmrahovun, nə də yenicə incəsənət məktəbində gedən hay-küyün qarşısını almağa cəhd göstərməyə çalışan Kəlbəcər rayon İcra hakimiyyətinin başçısı Aqil gücü çatmır.

1993-cü ildən 2008-ci ilədək Kəlbəcər incəsənət məktəbinin direktoru olmuş Natıq Ələkbərovun indiyə qədər məktəbdə səlahiyyət sahibi olması görəsən nə ilə bağlıdır? Məlum olmuşdur ki, 2008-dən bu günə qədər məktəb direktoru kimi fəaliyyət göstərən Ədalət Əliyevin eks-direktordan asılılığı görəsən nə ilə bağlıdır? Görünür onun səriştəsizliyindən. Yeri gəlmişkən məktəbdəki, korrupsiya faktlarından əsası da odur ki, 1993-cü ildən bu günə qədər bir necə müəllimin diplomu olmadan fəaliyyət göstərməsi görəsən maliyyə yoxlamasının necə olub ki, gözündən yayınıb.

Saz müəllimləri Cahangirov Yaşar Əli oğlunun , Quliyev Yusif Əliş oğlunun 2002-ci ildən, fortopiano müəllimi Əmrahova Sevinc Hidayət qızının isə 1993-cü ildən diplomları olmadan işləməsi əvvəl Natiq Ələkbərovun, sonra isə davamlı olaraq Ədalət Əliyevin rəhbər vəzifədə çalışması üçün ya səriştəsizliyindən , ya da korrupsiya fəaliyyətindən xəbər verir.

Natiq Ələkbərovu deyə bilmərəm, Ədalət Əliyevə gəlincə özünün dediyi kimi onun ölkə başçısı ilə kollektiv foto şəkil çəkdirdirdiyi üçün ona" yaşıl işıq" olduğundan əminliklə istifadə etməsi təəcüb doğurur.

Ümumiyyətlə Kəlbəcər incəsənət məktəbində müəllimlərin bu şəkildə dərs aparması onların çəxəlmaz durumda olmasından xəbər verir. Onu da qeyd edək ki, həm Gəncədə , həm də xırdalandakı incəsənət məktəblərinin hər ikisisin iki korpusdan ibarət olması buradakı dərs buraxmalara yol açır. Araşdırma zamanı onu da aşkar etdik ki, Gəncədə Gülüstan qəsəbəsində yerləşən məktəbin qapıları bağlı,

Xırdalandakı məktəbin isə yaxınlığındakı beşmərtəbəli binanın üçüncü mərtəbəsində isə mövcud yeddi otaqından yeddisində də cədvəl üzrə dərs keçirilməli olduğu halda yalnız ikisində dərs keçirilirdi. Musiqi dərsinin direktorun oturduğu otaqdan bir neçə dəfə kiçik otaqda keçirilməsinə gəlincə isə daha bir maraqlı faktlada üzləşdik. Belə ki, filial direktorunun özünündə musiqi müəllimi olmasına baxmayaraq diqqətimizi onun istifadəsindəki otaqdakı musiqi alətinin deyil, iki soyuducunun olması oldu.Yeri gəlmişkən onuda qeyd edək ki, Xırdalanda yerləşən filialda cədvəllə dərslərin aparılması bir növbəli orta məktəblə eyni zaman ərəfəsində aparılması burada musiqi dərslərinin keçirilməməsindən xəbər verir. Belə bir cədvəllə əsasən dərs kecən isə elə özünə 36 saat dərs yazan Şəfiqə Quliyevanın özünün olması aşkar olundu. Təhsil prosesində rəhbər vəzifə tutan şəxslərin dərs saatlarının 12 saatı aşmaması müstəsna olmaqla fəaliyyət göstərməsini nəzərə alsaq Şəfiqə Quliyevanın hansı prinsiplərlə fəaliyyət göstəeməsi və yaxud keçmış DAM işçisinə bu qədər güzəşt olunması görəsən nəyə dayaqlanır? Bəlkədə həm üç nəfərin; incəsənət məktəbinin direktoru Ədalət Əliyevin, daxili əmrlə fəaliyyət göstərən filial direktoru Şəfiqə Quliyevanın və hər ikisinin"qaqa"sı Natiq Ələkbərovun bu əməllərindən özünün dediyi kimi ADAu-nu 2012-ci ildən bitirib, 2011-ci ildən isə Cavid Qurbanovun bibisi oğlu olduğundan mədəniyyət şöbəsinin müdiri vəzifəsini daşıyan Hacı Əmrahovun xəbəri varmı?

gundemxeber.az