“Ramiz Zeynalov hazırda həyat yoldaşımın müdafiəsini
bir kənara ataraq, ailəmizin əmlaklarını ələ keçirməyə çalışır”

“Avesta “konsreninin vitse-prezidenti Əflatun Piriyevin qətlində təqsirləndirilən Hümbət Məmmədovun həyat yoldaşı Manana Məmmədova Bakı Ağır Cinayətlərə dair Məhkəmənin hakimi Eldar Mikayılova məktub ünvanlayıb. Həmin məktubun bir nüsxəsi də
elektron poçtumuza göndərib. Manana xanımla bir neçə dəfə əlaqə saxlayıb məktubun həqiqətən onun tərəfindən göndərilib-göndərilmədiyini öyrənmək cəhdlərimiz heç bir səmərə vermədi. Məktubda yazılanlar maraqlı olduğu üçün yayımlamaq qərarına gəldik.
Qeyd edək ki, Əflatun Piriyevin qətlinə görə həbsdə olan Hümbət Məmmədov və başqa 5 nəfərin məhkəməsi hazırda Bakı Ağır Cinayətlərə dair Məhkəməsində keçirilir.
Manana xanım yazır ki, həyat yoldaşı həbs olunandan sonra maddi imkanı zəifləyib: “Hümbət Məmmədovun borcları mənim vəziyyətimi bir qədər də çətinləşib. Bir ara qohumlardan borc alıb, həyat yoldaşımın borclarını qaytarmaq istədim. Ancaq pulun miqdarı çox yüksək olduğundan fikrimdən vaz keçməli oldum. Mən bu borcu min ildə işləsəm qayatara bilməyəcəm. Bütün bunlar azmış kimi dərdlərimin üstünə bir dərd də gəlib. Həyat yoldaşımla həbsxanada yatmış, hazırda Hümbət Məmmədovun hüquqlarını qoruyan vəkil Ramiz Zeynalova hər ay 2 min manat pul ödəyirəm. İndiyə qədər ona 10 min manata yaxın pul ödəmişəm. Bu pulları borca götürmüşəm və bunları necə qaytaracağımı bilmirəm. Belə getsə evimi satıb küçədə yaşamalı olacağam”.
Manana Məmmədova yazır ki, bütün bu məhrumiyyətlərə dözməyə hazır imiş: “Əgər vəkil Ramiz Zeynalovun əsl niyyətini bilməsəydi. Vəkil hazırda həyat yoldaşımın müdafiəsini bir kənara ataraq, ailəmizin əmlaklarını ələ keçirməyə çalışır. Buna qarşı olduğum üçün, Hümbət Məmmədova məxsus olan tüfəngləri vermir. Belə ki, prokurorluq tərəfindən ona təhvil verilmiş, həyat yoldaşıma məxsus olan tüfəngləri qaytarmır. Bu işdən çox narahatam. Ona görə ki, o silahla bir iş törədər və günah mənim üzərimdə qalar. Çünki o silahları istintaqa mən təhvil vermişəm. Mən o silahları rəsmi qayda da dövlətə qaytarmaq istəyirəm, mənə tüfəng lazım deyil”.
Manana Məmmədova yazır ki, Ramiz Zeynalovun planlarını alt-üst etdiyi üçün həyat yoldaşını onun üzərinə qaldırır: “Hümbət Məmmədovu elə başa salıb ki, mən ona heç cürə bunun oyun olduğunu deyə bilmirəm. Yoldaşım da tələb edir ki, əmlakları vəkilin adına keçirim. İmtina edəndə isə Hümbət məni prokurorluqla, məhkəməylə hədələyir”. Manana xanım məhkəmənin hakimindən xahiş edir ki, bütün bu məsələləri həll etsin, əks halda özünə qıymalı olacaq.
Xatırladaq ki, martın 15-də Bakı Ağır Cinayətlər Məhkəməsində hakim Eldar Mikayılovun sədrliyi ilə iş adamı Əflatun Piriyevin sifarişli qətli ilə bağlı proses davam edir. Məhkəmə qarşısında qətlin sifarişçisi Hümbət Məmmədov və digərləri - Tofiq Bəkirov, Fərman Hacıyev, Ramil Hacıyev, Vüsal Qurbanov, Sahil Şamilov və Şamil Şamilov çıxarılıblar.
İttihama görə, 2011-ci il iyulun 11-də, saat 13 radələrində paytaxtın Nərimanov rayonu ərazisində yerləşən “Azər-Ross” mənzil-tikinti kooperativində qurumun təsisçisi Əflatun Piriyev odlu silahdan açılan atəşlə qətlə yetirilib, baş mühasib Əmiraslan Əhmədov ağır yaralanıb. İstintaq araşdırmaları zamanı cinayət işi üzrə dələduzluq faktları da üzə çıxıb. Məlum olub ki, şirkətin rəhbər şəxsləri – Hümbət Məmmədov və Fərman Hacıyev vətəndaşları aldadıb bir mənzili bir neçə nəfərə satmaqla dələduzluq ediblər. Cinayət işi üzrə dələduzluqla üzləşmiş 26 vətəndaş zərərçəkmiş qismində tanınıb.
Dünənki prosesdə H.Məmmədov vəsatətlə çıxış edib. O, iş üzrə tikinti-texniki ekspertizasının keçirilməsini və iş materiallarının tanış olması üçün ona verilməsini tələb edib. Deyib ki, onu dələduzluqda ittiham ediblərsə, tikinti şirkətinin digər vəzifəli şəxslərinə də eyni ittiham verilməlidir. Çünki onlar da eyni əməlləri törədiblər.
Hakim vəsatətin birinci hissəsi ilə bağlı deyib ki, vəsatətdə ekspertlər qarşısında qoyulmalı olan suallar əksini tapmayıb. Vəsatət digər hissədə təmin olunub.
Bundan sonra hakim Ə.Piriyevin qətlini biləvasitə icra etmiş R.Hacıyevin həyat yoldaşı YuliyaQalitsinanınibtidadi istintaqa verdiyi ifadəsini elan edib. Y.QalitsinaR.Hacıyevin ona dostu Vüsalla qətl icra etdiklərini söyləyib. Bundan sonra tərəflər mübahisə ediblər və qadın övladlarını da götürərək gedib. İstintaq zamanı Y.Qalitsinaya “Avesta” konserninin yaxınlığında quraşdırılmış “Təhlükəsiz Şəhər” videokameralarının yaddaşından çıxarışlar göstərilib. Həmin çıxarışlarda o, Ə.Piriyevin qətlindən dərhal sonra konsernin binasından çıxan 2 şəxsi tanıyıb. Deyib ki, biri onun həyat yoldaşı, digəri isə onun dostu V.Qurbanovdur.
Hakim sənədləri elan edərkən məlum olub ki, qətldən sonra Milli Təhlükəsizlik Nazirliyi Ə.Piriyevin yaxın çevrəsinə daxil olan bir çox şəxslərin telefonlarını dinləyib. H.Məmmədovun vəkili Ramiz Zeynalov həmin danışıqların məhkəmədə səsləndirilməsini tələb edib.
Məhkəmədə məlum olub ki, “Avesta “konsreninin vitse-prezidenti Əflatun Piriyevin qətlində təqsirləndirilən Hümbət Məmmədovun həyat yoldaşı Manana Məmmədova-Ramazanova Bakı Ağır Cinayətlər Məhkəməsinin hakimi Eldar Mikayılova məktub ünvanlayıb. Həmin məktubunda Manana Məmmədova yazıb ki, həyat yoldaşı həbs olunandan sonra maddi imkanı zəifləyib: “Hümbət Məmmədovun borcları mənim vəziyyətimi bir qədər də çətinləşib. Bir ara qohumlardan borc alıb, həyat yoldaşımın borclarını qaytarmaq istədim. Ancaq pulun miqdarı çox yüksək olduğundan fikrimdən vaz keçməli oldum. Mən bu borcu min ildə işləsəm qayatarabilməyəcəm. Bütün bunlar azmış kimi dərdlərimin üstünə bir dərd də gəlib. Həyat yoldaşımla həbsxanada yatmış, hazırda Hümbət Məmmədovun hüquqlarını qoruyan vəkil Ramiz Zeynalova hər ay 2 min manat pul ödəyirəm. İndiyə qədər ona 10 min manata yaxın pul ödəmişəm. Bu pulları borca götürmüşəm və bunları necə qaytaracağımı bilmirəm. Belə getsə evimi satıb küçədə yaşamalı olacağam”.
M.Məmmədova yazıb ki, bütün bu məhrumiyyətlərə dözməyə hazırdır: “Əgər vəkil Ramiz Zeynalovun əsl niyyətini bilməsəydi. Vəkil hazırda həyat yoldaşımın müdafiəsini bir kənara ataraq, ailəmizin əmlaklarını ələ keçirməyə çalışırdı. Buna qarşı olduğum üçün Hümbət Məmmədova məxsus olan tüfəngləri vermir. Belə ki, prokurorluq tərəfindən ona təhvil verilmiş, həyat yoldaşıma məxsus olan tüfəngləri qaytarmır. Bu işdən çox narahatam. Ona görə ki, o silahla bir iş törədər və günah mənim üzərimdə qalar. Çünki o silahları istintaqa mən təhvil vermişəm. Mən o silahları rəsmi qayda da dövlətə qaytarmaq istəyirəm, mənə tüfəng lazım deyil”.
M.Məmmədova yazır ki, Ramiz Zeynalovun planlarını alt-üst etdiyi üçün həyat yoldaşını onun üzərinə qaldırır: “Hümbət Məmmədovu elə başa salıb ki, mən ona heç cürə bunun oyun olduğunu deyə bilmirəm. Yoldaşım da tələb edir ki, əmlakları vəkilin adına keçirim. İmtina edəndə isə Hümbət məni prokurorluqla, məhkəməylə hədələyir.. Sizdən çox xahiş edirəm ki, məni qoruyasınız, bizim ailəni bu vəkilin əlindən qurtarın. Əks halda çarəsizlikdən özümə qıymalı olacağam”. Proses aprelin 2-də davam etdiriləcək.

Ramin DEKO[b][/b]