Rusiya mətbuatı “Tülpan-İlham”dan yazdı
Sank-Peterburq mediasında dərc olunan məqaləni təqdim edirik.

Sertolovoda Sahibkarlar Şurasının sədri Leonid Kolesnikova aprel ayında edilən sui-qəsd böyük səs-küyə səbəb oldu. İndi biz bu ilin ən şanslı insanının soyadını bilirik. Deyilənlərə görə, Kolesnikov bütün yaralarını sağaldaraq (killerin gülləsini onun qara ciyərindən çıxarıblar – müəllif) xarici istirahət zonalarında dincəlir və hətta Rusiyada futbolla da məşğul olur.

BU ONLARIN ŞƏHƏRİDİ

Qəsdin sifarişçisi Leonid Arkadyeviçin tərcümeyi-halının bəzi təfərrüatları ictimaiyyəti şoka salıb. Sən demə, sifarişçi Sankt-Peterburqun (bəlkə də tək o şəhərin deyil) ən varlı insanlarından biri İlham Oruc oğlu Əliyevdir. Onu Azərbaycan milyarderi adlandırmaq bəlkə də düz olmaz. Çünki bütün kapitalını o, Sankt-Peterburqda əldə edib. Hazırda Rusiyanın Şimal paytaxtında onun yüzlərlə restoranı, ofis sahələri, ticarət obyektləri və s. var.
Onun icarədarları əsasən öz yerliləridir. Onların sayı yüzlərlədir. Aylıq icarə haqqının məbləği kalkulyatorda göstərilə biləcək rəqəmlərdən də artıqdı. Çox güman ki, Əliyevin gəlirinin əsas hissəsi çirkli pullardan ibarətdi və onların həcmi kiçik Afrika ölkəsinin büdcəsi ilə müqayisə edilə bilər.
Əliyevin ilk milyonunu haradan qazandığı məlum deyil. İstintaq ehtimal edir ki, İlham Oruc oğlunun əlləri qana bulaşıb.
Kolesnikov isə növbəti qurban olası imiş. Vsevolojsk şəhər məhkəməsinin hakimi Valeri Petrov İstintaq Komitəsinin sui-qəsddə və qətldə təqsirli bilinən sahibkarı azadlığa buraxmaq haqda qərar qəbul edəndə, onun köhnə günahları yada düşdü.
48 yaşlı İlham Əliyev Azərbaycanda doğulub. O, şəhərdə nüfuz sahibidir. Bu milyonçu Piterin qarpız bazarının əsas hissəsinə nəzarət edir, onlarla restoran sahibidir (“Çinar”, “Süfrə” və s.), 50-dən çox kiçik ticarət obyektləri var.
Maliyyə əlaqələri ona hətta Smolnıdakı kabinetlərə asanlıqla daxil olmağa imkan verirdi. Son vaxtlara qədər Əliyevin ətrafında hətta Şimal paytaxtı rayon administrasiyasının bəzi rəhbərləri də var idi. Bəzi məmurların istedadlı övladları belə sahibkarın şərikləri sırasındadı. Bəs rayon rəhbərlərinin İlham Əliyevə torpaq sahələrinin hədiyyə etməsini necə izah etmək olar?
“Putinin dostu” kimi tanınan Əliyev bununla özünə uzun illər toxunulmazlıq qazanıb. Qatilin yüksək dairələrdəki “krışası”nın olması boşuna deyilən sözlər deyil. Onu müdafiə edənlər sırasında Sankt-Peterburqda “Azərbaycanlıların Milli-Mədəni Muxtariyyatı” Şurasının sədri Vaqif Məmişov da var. Oxucu onun haqqında ilk dəfə eşidirsə, mən 1 ay öncə baş vermiş hadisəni xatırlatmaq istərdim.
Mayın 28-də Kronştadtda dəniz kilsəsinin açılışı keçirilib. Burada Moskva və bütün Rusiyanın patriarxı Kirill, Sankt-Peterburqun qubernatoru Georgi Poltavçenko, RF-nın Hesablama Palatasının sədri Sergey Stepaşin, mədəniyyət naziri Vladimir Medinski, baş nazirin həyat yoldaşı Svetlana Medvedeva və digər rəsmilər iştirak edirdi.
“Rəyasət heyəti”ndə Əliyev üçün də yer tapılıb. Patriarx şəxsən Məmişova kilsənin bərpasında göstərdiyi köməyə görə mükafat təqdim edib. Deyilənlərə görə, Əliyevin ikinci həbsindən sonra Məmişov Rusiyanın İstintaq Komitəsinin sədri Aleksandr Bastrıkin tərəfindən qəbul edilib. Siz də soruşursunuz ki, Şimal paytaxtına kim rəhbərlik edir?

OLMAYA VALERİ PETROV ÇOXDANKİ QARPIZ HƏVƏSKARIDI?

Kriminal fəaliyyət və korrupsiya əlaqələrində şübhəli bilinməsinə baxmayaraq bu ilin mayın 11-dək “qarpız kralı” toxunulmaz hesab olunub. Lakin 2 ay əvvəl onu həbs ediblər. İstintaq Komitəsi Əliyevə qarşı çox ağır maddə ilə ittiham irəli sürüb – qətl sifarişçisi. Lakin müstəntiqlərin və əməliyyatçıların bütün işini qəfildən hakim Valeri Petrov alt-üst edib.
Valeri Viktoroviç təqsirli bilinən milyonçuya qarşı gözlənilmədən humanizm nümayiş etdirib və onun vəkillərinə etibar edib. Vəkilləri isə qana bulanmış İlhamın xəstəliklərini əsas gətiriblər.
Əliyevin xəstə olduğunu isə qanunun tələb etdiyi kimi ixtisaslaşmış dövlət müəssisəsi deyil, özəl “Şimal-Qərb kriminalistik şirkəti” təsdiqləyib.
Qərarını Valeri Petrov belə izah edib: “Əliyevin xəstə olduğunu lazımi sənədlərlə mütəxəssislər təsdiq ediblər. Onlara etibar etməməyin lüzumu yoxdu, çünki onların işin gedişatı ilə bağlı şəxsi maraqları yoxdu”.
Vəkil İlham Əliyevə evdən çıxmamağa, tanışları ilə ünsiyyət qurmamağa, hətta internetdən də istifadə etməməyi tapşırıb.
Nəzərə alsaq ki, Sankt-Peterburqda ev dustaqlığı sistemi işləmir, demək olar, hakim İ.Əliyevi ona inanaraq buraxıb. Onun qaçmayacağına dair heç bir zəmanət olmadan.
Lakin onun azadlığı dəqiqələr çəkib. Əliyevi dərhal digər ölümün sifarişçisi qismində həbs ediblər. O, 2006-cı ildə keçmiş şəriki Cəfərovun ölümünün sifarişçisi kimi təqsirli bilinib.

ƏLİYEVDƏN ŞƏRQ ŞİRNİYYATLARI

Bəs Kolesnikov? Deyilənlərə görə, yumşaq bir insan olan Leonid Arkadyeviç son anadək Əliyevin əməllərinə inanmayıb. Hətta onun yanına xəstəxanaya gələn İlham Oruc oğlunu Kolesnikov dostcasına qarşılayıb və gətirdiyi bazarlığa görə minnətdarlığını bildirib.
Kolesnikov azərbaycanlı “razborka”larında sülh tərəfdarı kimi çıxış etdiyindən sonunda gülləyə tuş gəlib.
Deyirlər ki, Sertolovoda Sahibkarlar Şurasının sədri Əliyevin ona edilən sui-qəsdin təçkilatçısı olduğuna onun telefon danışığına qulaq asdıqdan sonra inanıb. Həmin danışıq Əliyevin xəstəxanada ona baş çəkməsindən sonra yazılıb.
Sifarişçi killerlər və vasitəçiləri xəbərdar edib ki, “işi sona çatdırmaq lazımdı”. Əgər Əliyevin bir çox cinayətlərdə təqsirli bilinməsi məhkəməyə çatsa, ictimaiyyət bir çox maraqlı məqamlarla qarşılaşacaq. Artıq bəllidir ki, Kolesnikovun öldürülməsinə görə çox yüksək qonorar verilib. Söhbət killer Mişenkinə verilən 3 milyon rubldan getmir. Vasitəçilər “xidmətə görə” bundan iki dəfə artıq alıbla