6 aya yaxın idi, teatra getmirdim. Nəhayət 8 mart günü 2023-cü ildə ilk teatr seyrinə getmək qarırına gəldim. Tamaşanın rus dilində olması, lap yerinə düşdü. Çünki sonuncu dəfə ötən ildə Fyodr Dostoyevskinin "Utancaq qız" əsəri əsasın səhnələşdirilən eyniadlı tamaşaya baxmışdım. Bu dəfə isə canlı korifeyimiz Polad Bülbüloğlu ilə Mixail Şerbaçenkonun ssenarisi əsasında səhnələşdirilən "Nəğməmə inan"ı seyr edəcəkdim. Adətən rus dilindəki tamaşalara çox seyrci gəlmir. Lakin adı çəkilən səhnə əsərinə baxmaq üçün axın-axın gələnlər vardı. Bunun nəticəsiydi ki, 19.00 start götürəcək tamaşa, 19.17-də başladı. Bu vaxt ərzində gələnlər davam edirdi. Pərdənin aralanmasına 2 dəqiqə qalmış Polad Bülbüloğlu da təşrif buyurdu və alqışları qopardı. Sənətkarın jesti də gözdən qaçmadı. Bəstəkar qoca ziyallı Əli Yusifova yaxınlaşaraq mehribancasına görüşdü, sonra isə onu özünün əyləşdiyi sıraya dəvət etdi. Həmin sırada bəstəkarımızla yanaşı ssenarist, yazıçı Mixail Şerbaçenko, SSRİ-nin və Rusiyanın məşhur jurnalisti Mixail Qusman, quruluşçu-rejissor Cavid İmamverdiyev və  digər rəsmi qonaqlarda vardı.  

Səhnə gözəl rəqslə başladı. Tatyana Voloşina obrazını canlandıran aktrisanın (Nərgiz Kərimova) geyindiyi tünd yaşıl rəngli klassik tərzdəki paltar səhnəni daha da zənginləşdirirdi. Ümumilikdə 2 pərdəlik tamaşada aktrisanın geyindi libaslar zövqlü və gözəgəlimliydi. Aeroport səhnəsi olduqca təbii alınmışdı. Tamaşanın ana xətti vaxtilə bir-birini sevən müğənni Sərvər Səttarov (aktyor Fərid Əliyev canlandırır) ilə Tatyananın ayrı düşməsi və onların Rusiyada keçirilən mahnı müsabiqəsində yenidən rastlaşmalarıdı. 2 həsrətlinin yenidən görüşməsi zamanı bir-birinə heyranlıqla yanaşı incikliklərini üzə çıxır.  Tatyana Sərvəri musiqiyə hədən artıq bağlılığında, xanəndənin də eks-sevgilisini ona biganəlikdə qınaması fonunda maraqlı, məzəli dialoqları seyrciləri daha əyləndirirdi. Onların aşağıdakı dialoquna bütün zal güldü: 

Tatyana:

- Sənə ərə gəlməkdənsə, İblisə ərə gedərəm. 

Sərvər: 

- Bu mümkün deyil. Çünki yaxın qohumlar atasında evliliyə icazə yoxdu. 

Tanya, sən həm sevib, həm də zəhlən gedə bilərmi?  Gəl bunu sınayaq...

Aktyor Emil Heydərovun canlandırdığı Şahlar Kərimov obrazıda olduqca maraqləydı. Şahlar ustalıqla fırıldaqçılıq edərək özünü italiyalı müğənni Toni Sorelli kimi qələmə verməsi, jestləri, rəqsləri, qadınların heyran etməsi də sənətkarın istedadından xəbər verirdi. İtalyan müğənnisi qılığına girən Şahmar dostu Sərvərlə dialoqu zamanı maraqlı fikirlər səsləndirir:

- İncəsənət beyində xüsusi dağınıqlar tələb edir; 

- O yerdəki istedad var, demək ki, pərəstişkarlarda olacaq.

- Yaxınlığındakının uğuru çoxları üçün halvadı

Roldan-rola girən Şahmarın dostu Sərvərin keçmiş sevgilisiylə dərdləşməsi və madmazelin hələ də məhəbbət duyduğu müğənnini yad edərkən göz yaşlarını saxlaya bilmir. Sonra isə fırıldaqçıya deyir: 

"Zaman ən gözəl təbibdi, amma yaxşı kosmetoloq deyil". 

Sərvərdə Tatyanadan incik olmasına rəğmən bəyan: 

"O nə xatırlayır ki?! Xatırlayan mənəm. Məhz bundan sonra Sərvər yeni mahnısı "Uxodi" (Get) bəsləyir. Ardınca isə "Əgər mənə inanmırsansa, mahnıma inan" deyərək oxuyur. 

Sənətkarın ifası möhtəşəm idi. Alqışları və alqışımı qopardı. 

Hamını barmağına dolayan Şahmar bircə jurnalist Vika Petroviçə kələk gələ bilmir. Əsas da müxbirin "Sorelli"nin Cüzeppe Verdiylə bağlı səsləndirdiyi yalanları ifşa etməsi həm gülməli, həm də düşündücüydü. Amma buna baxmayaraq, Şahmar savadlı, dürüst Vikaya heyran olur və qəlbində ona qarşı sevgi yaranır. Vika gözəlliyinə rəğmən, bu vaxta qədər tayını tapa bilmədiyinə görə özünü ancaq peşəsinə həsr edib. İşdən kənar həyatı isə tənhalığa sığınmaqdı. Ona görə də Şahmar Vikaya heyranlığını gizlətməyərək deyir: 

"Mən sizi parlaq cəmiyyətdə axtarıram, amma həmişə tənhalıqda tapıram..."

Ən kədərləndiri epizod isə qocaman bəstəkar Boris Qrafkinin gəncliyinin, gözəl günlərinin keçmişdə qalmasına və tənhalığına üzülərək ifa etdiyi mahnıydı. Bununla sənətkar zamanın su kimi necə axıb getdiyini demək istəyirdi.

Tamaşadakı rəqslər, musiqilər də gözəl idi. "Yol əhvalatı" filmindəki saundrekə rus dilində mahnı da bəstələnmişdi. 

Tatyananın İqor Qudimovla mübahisəsi zamanı etiraf etdiyi ifadə də insanı dərin düşünməyə vadar. 

"Bəzi hadisələr var ki, ona əks gedilmir, tabe olunur". 

Polad Bülbüloğlunun tamaşanın finalından səhnəyə qalxaraq hər bir aktyoru təbrik edərək bağrına basdı. Ardınca üzünü seyrcilərə tutaraq: 

"8 Mart Beynəlxalq Qadınlar günü münasibətiylə bütün xanımlarımızı təbrik, edir, onlara uzun ömür can sağlığı və daim yanımızda olmalarını arzu edirəm. Qadınlar mənlə şəkil çəkmirmək istəyirdi. Təəssüf ki, hamıyla çəkdirə bilmədim, əvəzində mahnı oxumaqla hər birinizə təşəkkürümü bildirəcəm". 

Canlı korifeyimiz məşhur "Gəl ey səhər" mahnısı canlı ifa etməyə başladı. Bəstəkar səhnədən enərək, ifasını tamaşaçılar arasında da davam etdirdi. Mahnın canlı ifası mənə olduqca zövq verdi. Tamaşanı və  Polad Bülbüloğlunun ifasını ayaq üstə alqışladım.

P.S Vika Petroviçin tənhalığı mənə yaquzaqlığı və yalqızlığı ilə məşhur bir Şimal gözəlini xatırlatdı...

ABDULLA İSMAYILOĞLU

GundemXeber.Az