“Azərbaycan ekofəalları 29 gündür Xankəndi-Laçın yolunda etiraz aksiyası keçirir. Bu aksiya bölgədəki vəziyyəti kökündən dəyişir”.

GUNDEMXEBER.AZ  bildirir ki, bunu Reyting.az-a professor Cümşüd Nuriyev bölgədəki vəziyyəti şərh edərkən deyib.
Onun sözlərinə görə, Azərbaycan təhdidlərin qarşısını çox ağıllı vasitə ilə alıb: “Bölgədə istər-istəməz Fransa-Ermənistan-İran üçlüyü var və burada da aparıcı rolda Parisdir. Digər tərəfdən, Türkiyə-Azərbaycan-Gürcüstan üçlüyüdür. Birinci üçlük bölgəyə təhdidlər gətirməkdə, ikinci üçlük isə bu təhdidləri aradan qaldırmaqla məşğuldur. Qüvvələrin qeyri-bərabərliyi isə münaqişənin davam edəcəyini göstərir”.
Professorun fikrincə, nə qədər ki, Azərbaycanın milli təhlükəsizliyinə təhdid var, bunun qarşısını almaq üçün mütəlif tədbirlər görüləcək: “Çünki münaqişənin davam etməsində maraqlı olan qüvvələr var. Bu, əsasən Rusiya və ABŞ-dır. Bu məsələdə onların ətrafında olan Fransa və İrandır ki, vəziyyətin gərginləşməsi üçün əllərindən gələni edirlər. Azərbaycanın da yanında yalnız qardaş Türkiyə deyil, İsrail kimi güclü və təsirli müttəfiq də var. Həmçinin Pakistan amili də mövuddur. Yəni hər iki tərəfdə həm nüvə silahına malik olan, həm də NATO-ya üzv dövlətlər yer alıb. Maraqların toqquşması müharibəyə gətirməsə də, qarşıdurmanın davam edəcəyinə işarədir. 2023-cü ildə bunun başa çatacağı hələ bilinmir, çünki yaxşı perspektiv görünmür. Amma anti-terror əməliyyatından sonra perspektiv yarana bilər”.
C. Nuriyev xatırladıb ki, ekofəalların aksiyası müsbət nəticələr verir:
“Əvvəla Qarabağda xristianlığı qəbul edən albanlarla ermənilər arasında qarşıdurma güclənib. Paşinyan və müxalifət arasında kəskinlik davam edir. Eləcə də kilsə ilə dövlət arasında münasibətlər soyuyub. Bu, həm də ekofəalların aksiyasının nəticəsidir. Eləcə də Xankəndidə separatçılar arasında qarşıdurma yaranıb. 30 gündür davam edən aksiya nəticəsində imkanlı ermənilər Xankəndi şəhərindən gedir. Üstəlik, aksiya nəticəsində bölgəyə silah-sursat və terrorçuların gəlişi mümkünsüz olub. Eyni zamanda Xankəndidə olan təxminən 10 min nəfərlik silahlının təchizatında problemlər yaranır. Kənardan Xankəndiyə gələnlər əvvəl yaxşı dolansa da, indi onlara pul verən yoxdur. Mən Xankəndi və ya Ağdərədə ermənilər arasında tezliklə silahlı münaqişə gözləyirəm”.

GUNDEMXEBER.AZ