Rayon polis şöbəsinin rəisi Vaqif Müslümov haqda şok iddialar

gundemxeber.az Bir müddət öncə İmişli rayon İcra hakimiyyətinin başçısı Vilyam Hacıyev barədə internet saytlarında açıq cəmiyyət partiyasının sədri Rəsul Quliyevlə xaricdə görüşünü əks etdirən məlumatlar yayılmışdı. Həmin məlumatların yayılmasında rayon polis rəisi Vaqif Müslümovun maraqlı olması barəsində İmişli RPŞ-nin rəhbər şəxslərindən birindən dəqiq məlumat almışıq. Adının çəkilməsini istəməyən polis zabiti bildirir ki, V.Hacıyev, V.Müslümova Prezidentin İmişliyə sonuncu səfəri zamanı söz veribmiş ki, onu prezident İmişlidə səfərdə olanda yanında gəzdirəcək və cənab Prezidentə təqdim edəcək. Lakin V.Hacıyev əslən Qazaxıstanlı , anası Qaraçaylı qızı olan Tofiq İsayevi və İmişli Aran Broylerin sahibi, sabiq İqtisadi İnkişaf naziri Fərhad Əliyevin şəriki Əlif Heydərovu yanına salaraq, prezidentə təqdim etdi, V.Müslümov isə kənarda qaldı. Məhz bu halı V.Hacıyevə bağışlamayan polis rəisi internet vasitələrindən istifadə edərək onu aldadan başçını bu yolla cəzalandırmaq fikirinə düşdü. Onu kişi sözünə müxaliflikdə günahlandırdı. V.Hacıyevin xaricdə olmasından istifadə edən rəis Açıq Cəmiyyət partiyasının sədri Rəsul Quliyevlə partiya və iş birliyi sövdələşmələrini internetdə yaydırmaqda maraqlı olaraq, iqtidar hakimiyyətinin nümayəndəsinə yaraşmayan məlumatı bütün dünyaya çatdırmaqda maraqlı şəxslərdəndir. Bunu da İmişli RPŞ-nin vəzifəli şəxslərindən digər biri qeyd etdi ki, yay aylarında xaricdə istirahətə gedən V.Müslümov İmişli RİH-nin Başçısı V.Hacıyevlə birlikdə istirahət etməsini söyləmişdir. Bu səbəbdən də az da olsa V.Müslümovun yaydığı məlumat başçı barəsində inandırıcı görünür.
İmişli şəhərinin bazar və dükanlarında 23 dekabr tarixindən yeni ilin gəlişi münasibəti ilə qeyri-adi canlanma müşahidə edilməkdədir. Belə ki, yeni ilin gəlişi ərəfəsində ilin sonuncu ayının və bayram tədbirləri üçün qonaq-qara yola salınması məqsədi ilə İmişli RPŞ-nin rəisi “qoçularını” şəhərin canına salmışdır. V.Müslümov İmişli rayonunda kiçik biznes və bir sıra qadağan edilmiş malların hesablarının alınmasına İmişli RPŞ-nin axtarış istintaq bölməsinin rəisi İlqar Süleymanovu məsul etmişdir.
Böyük idarə, müəssisə və karxana rəhbərləri ilə isə bir başa özü alış-veriş edir. Çox güman etmək olar ki, İlqar Süleymanov yığılan vəsaitləri əsas obyektə doğru-düzgün çatdırmadığından rəis onun işindən narazı qalmışdır. Bunu da qeyd edək ki, İ.Süleymanov Bakı şəhərindən ev almaq məqsədi ilə hündür “göydələnlərin” birində mənzil üçün 45000(qırx beş min) manat avans vermişdir. Mənzil almaq istədiyi şirkətin rəhbərləri bir mənzili üç və ya daha artıq şəxsə satdığı üçün cinayət məsuliyyətinə cəlb edilmişdir. Tikinti şirkətinin rəbəri Adil Tağıyev barəsində cinayət işi başlanılmış və iş məhkəmə araşdırma istintaqındadır. Qeyd etmək istəyirəm ki, Adil Tağıyev İmişli RPŞ-nin sabiq rəis müavini, hal-hazırda Kürdəmir rayon polis şöbəsinin rəis müavini işləyən Aqil Tağıyevin böyük qardaşıdır. Məhz Aqil Tağıyevlə İlqar Süleymanovun birlikdə İmişli RPŞ-də birgə işləməsinin nəticəsi olaraq, İ.Süleymanova 45000(qırx beş min)manat pulun atılmasına Adil Tağıyev üçün imkan yaranmışdır. İlqar Süleymanovun ən azından maddi ziyanlığını başa düşərək Vaqif Müslümov onun yığdığı pulların hesabını düzgün vermədiyi üçün bağışlamalı və ciddinə getməməli idi. İlqar Süleymanovun Biləsuvar rayon polis şöbəsində işlədiyi dövr və hal-hazırda keçirdiyi həyat tərzi barədə nöbəti yazıların birində ətraflı söhbət açacağıq.
İmişli rayonunda son iki ay ərzində baş verən oğurluq hadisələri, narkomanlıq və narkobaronluğun ifrat dərəcəyə çatması, hətta narkotik maddələrin alverinin məktəblərə nüfuz etməsi ara-bir təsadüfi satıcının və istifadəçinin İmişli RPŞ-nin əməkdaşlarının əlinə keçməsi və s. kimi xoşagəlməz hallar da V.Müslümovun cibinin şişməsinə xidmət edir. Oğru da , nakobaron da , xırda satıcı da , istifadəçi də razılaşmadan sonra açıq fəaliyyətə başlayır, necə deyərlər : “Rəisi gör kənddi çap !”
İmişli RPŞ-nin rəisi V.Müslümov barədə mətbuatda gedən tənqidi reallığa sökənən yazılmış yazılar oxuculara təqdim edildikdən sonra rəis bildirib ki, “hə nə olsun. Yazsınlar də, Prezidentdən də, Baş prokurordan da , cənab Nazirdən də , Ramiz Mehdiyevdən də və hətta Vilyam Hacıyevdən də yazırlar.” söyləmişdir. V.Müslümovun adını çəkdiyi şəxslərə diqqət yetirin və fikirləşin. Bu adam özünü kimlərə oxşatmaq istəyir. Üzü yuxarıdan aşağa vəzifə sahiblərini sadalayır və İmişli RİH-nin başçısı V.Hacıyevə çatanda isə “hətta” sözünü vurğulayır. Beləliklə, rəis belə bir təəssürat yaradır ki, V.Hacıyev digər adları sadalanan vəzifə sahiblərindən daha səlahiyyətlidir.

Ələddin