Sahibkarlar icra başçısından öz pullarını ala bilmirlər;
Prezidentin İmişlinin abadlaşdırılması üçün ayırdığı pullar hara yoxa çıxıb…

Bir neçə gün bundan əvvəl İmişli sahibkarlarından qəzetimizə daxil olan məlumatı dərc etmişdik. Həmin müraciətdə sahibkarlar bildirirdi ki, ölkə prezidentinin İmişliyə səfəri öncəsi İmişli Rayon İcra Hakimiyyətinin başçısı Vilyam Hacıyev sahibkarları toplayaraq, onlardan rayonun abadlaşdırılması üçün vəsait ayrılmasını xahiş edib. İcra başçısı bildirib ki, prezidentin ayırdığı vəsait icra hakimiyyətinin hesabına köçdükdən sonra onların pulunu qaytaracaq.
Lakin kifayət qədər vaxt keçməsinə baxmayaraq Vilyam Hacıyev sahibkarların pulunu qaytarmaqdan imtina edib. Bununla bağlı sahibkarlar yanvarın 7-də icra hakimsiyyətinin qarşısında aksiya keçiriblər. Yaranan qarşıdurmadan sonra Vilyam Hacıyevin arxa qapıdan iş yerini tərk etdiyi bildirlirdi.
Dünən isə sahibkarlar yenidən redaksiyamıza müraciət ediblər. Müraciətdə bildirilr ki, sahibkarlar Bakı şəhərinə gələrək Vilyam Hacıyevin «Gənclik» metrosunun yaxınlığında, «milyarderlər məhəlləsi» adlanan ərazidəTeymur Əliyev küçəsində yerləşən villasının qarşısında piket keçirəcəklər. Buna səbəb isə sahibkarların həmin villanı təmir etdirməsidir. Belə ki, Vilyam Hacıyev İmişlinin abadlaşdırılması adı ilə Bakıdakı villasını da abadlaşdırıb və hətta bunun pulunu belə iş görənlərə verməkdən imtina edib. Vilyam Hacıyev sahibkarlara bildirib ki, onlar İmişlidə heç bir iş görməyiblər.
Xatırladaq ki, Vilyam Hacıyev prezidentin ayırdığı pulları öz şirkətlərinin hesabına köçürüb və indii də iddia edir ki, İmişlinin abadlaşdırılması ilə bağlı məhz həmin şirkətlər iş görüb və onlarında pulu ödənilib. Sahibkarlar dövlət orqanlarına müraciət etsələr də, onların müraciətinə cavab verən yoxdur. Sahibkarlar onu da iddia edirlər ki, Vilyam Hacıyev hərbi xidmətdə olan oğlu Hacıyev Məhəmməd üçün alıdığı 120 minlik maşın onların puluna alınıb. Qeyd edək ki, Vilyam Hacıyevin oğlu Məhəmməd Hacıyevin adı Milli Orduda keçməsinə baxmayaraq bütün vaxtını Bakı şəhərində kef məclislərində keçirir.
Ələddin