İranın Azərbaycandakı İmam Xomeyni Yardım Vəqfinin fəaliyyəti dayandırılıb.
Azərbaycanda 20 ildir fəaliyyət göstərən vəqfin tərkibindəki İmam Əli Vəqf Xəstəxanası da bağlanıb.

İran Xarici İşlər Nazirliyinin sözçüsü Mərziyə Efham da vəqfin fəaliyyətinə artıq ehtiyac olmadığını qeyd edərək bildirib ki, bu məsələdə heç bir siyasi amil yoxdur.

Qeyd edək ki, 3 il əvvəl Azərbaycan höküməti ölkədə sosial-iqtisadi inkişafı əsas göstərərək, xarici xeyriyyə fondlarının fəaliyyətlərinə ehtiyac olmadığını qeyd edib və onların fəaliyyətinin dayandırılması ilə bağlı qərar verib.