Yaponiyalı alim Esinori Kuvabara inqilabi dəyişikliyə imza atıb. O süni analıq (matka) yaradaraq orada çəpiş böyüdüb.


AzNews.az xarici mətbuata istinadən xəbər verir ki, bu, 13-cü əsrdən bəri alimlərin çalışdığı bir sahədə inqilabi sıçrayış adlandırılır. Bundan sonra artıq dünyada süni şəraitdə insan istehsalının sadəcə texnologiya və biznes işi olacağına dair fikirlər qətiləşir. Alimin böyütdüyü çəpişin hələlik adı yoxdur. Formal olaraq bu canlı mövcud deyil. Bununla belə o artıq əsl elmi sensassiyaya çevrilib.

Çünki bu, dünyada ilk süni matkadır. Çəpiş yaxın zamanda dünyaya gələcək. Elm aləmində son 30 ildə aparılan elmi tədqiqatlar nəslin davam etməsi üçün kişilərin artıq lazım olmayacağı dövrünün yaxınlaşacağı təhlükəsindən xəbər verir. Ancaq indi məlum olur ki, insanlığın davam etməsi üçün təkcə kişilərə yox, hətta qadınlara da daha ehtiyac yoxdur. Süni matka yaratmaqla nəsli davam etdirmək olar. Başqa sözlə, “homo sapiens”in yaranması üçün yaxın zamanda ümumiyyətlə insan lazım olmayacaq.

Əslində süni matka yaradılması ideyası hələ yarım əsr bundan əvvəl meydana gəlmişdi. Hətta ötən əsrin 70-ci illərində doğum evlərində əsasən vaxtından əvvəl dünyaya gələn uşaqların sağ qalması üçün istifadə olunan kuvəzlər süni matkanın ilk modeli hesab olunur. 1979-cu ildə həkimlər açıqladılar ki, yeni doğulan körpənin həyatını xilas etmək üçün daha təkmil aparatlara ehtiyac var.

Getdikcə bu sahədə aparılan təkmilləşdimə ilə sağ qalması inandırıcı olmayan körpələrin belə həyatını xilas etmək mümkün oldu. Rusiyanın akademik Kulakov adına Elmi Mərkəz isə bu yaxınlarda yeni dünya rekorduna imza atdı. Həkimlər 450 qr çəkisi olan qızın həyatını qoruyub saxlaya bildilər. Süni matka yaratmağı bacaran yapon alim Esinori Kuvabara Juntendo Universitetinin kafedra müdiridir. O hələ 1995-ci ildən süni matka yaradılması ilə bağlı tədqiqatlara başlayıb. Əvvəlcə 2 mm diametri olan multimatka yaratmağa müvəffəq olub.

Daha sonralar isə öz tədqiqatını daha da genişləndirərək süni matka yaradılmasına nail olub. Doğrudur indiyə qədər bu istiqamətdə aparılan tədqiqatların hamısında sağlam canlının dünyaya gəlməsi mümkün olmayıb. Döl inkişafının müəyyən mərhələsində məhv olub. Bununla belə yapon alimləri tədqiqatları davam etdirib və nəticədə süni matka yaradılması mümkün olub.

Bu sahədə təkcə yaponlar yox, amrikalılar da müəyyən qədər irəliləyiş əldə ediblər. Ancaq fakt faktlığında qalır. Esinori Kuvabaranın eksperimenti uğursuzluqla nəticələnsə, yəni çəpiş sağ-salamat dünyaya gəlməsə belə yaxın 2-3 il ərzində süni matka yaradılması tamamilə başa çatdırılacaq.