İraq baş nazirinin müavini Saleh əl-Mütləq Ənbar əyalətində keçirilən nümayiş zamanı hücuma məruz qalıb.

“Qafqazinfo” APA-ya istinadən xəbər verir ki, Əl-Mütləq hökumət əleyhinə keçirilən mitinqdə çıxış etmək istərkən kütlə «onu «satqın» adlandırıb və ona şüşə, daş və ayaqqabı atılıb.

Mühafizəçilər havaya atəş açaraq əl-Mütləqi qorumaq istəsələr də nümayişçilər həlqəni yararaq baş nazirin müavininin sifətinə zərbələr endiriblər. Hadisəyə müdaxilə edən polislər əl-Mütləqi oradan uzaqlaşdıra biliblər.İğtişaş nəticəsində ən azı 2 nəfər yaralanıb.

Qeyd edək ki, nümayişçilər İraq hökuməti tərəfindən son zamanlar terrorçuluq əleyhinə qəbul olunan qərarların ləğv olunmasını tələb ediblər. Onlar həmin qərarların sünnilər əleyhinə qəbul olunduğunu iddia edirlər. Çünki Saleh əl-Mütləq sünnidir və şiə Nuri əl-Malikinin başçılıq etdiyi kabinetdə vəzifə tutur.