[b]Səhiyyə sistemində dövlət talançılığı/b]

Son günlər mətbuat səhifələrində yer almış , rayonda çoxillik tarixə malik Qazax Stomotoloji Poliklinikasında baş verən özbaşınalıqlardan söhbət açılır. Lakin poliklinikanı qəsdən bu günə salanlar adını çəkəcəyimiz bir nəfərə havadarlıq etməklə rayon əhalisinin xeyri üçün tədbir görmək iqtidarında deyillər. Burada isə aydın məsələdir ki, həmin adamlar kimlərdənsə aldıqları pulun hesabına susurlar. Qeyd edək ki, həmin poliklinika 2006-cı ildən özəlləşməyə qoyulub və Oktay Yusifovun rəhbərliyi ilə 1997-ci ildə təssərrüfathesablı stomotoloji poliklinika kimi fəaliyyətə başlayıb. Özünü doğrultmadığı üçün sözügedən səhiyyə müəssisəsi 2009-cu ildə nazirliyin göstərişi olmadan belə Yusifov poliklinikanı bağlayıb, üstəlik bankdakı hesabını da dondurub.
Hazırda isə diş həkimliyindən əlavə başqa sahələrdə çalışmış və beləliklə 10 il bu poliklinikada belə bir diş də müalicə etməmiş Elçin Xəlfəquliyev stomotoloji poliklinikaya öz yanından sahib çıxmışdır. O da məlumdur ki, Oktay Yusifov poliklinikanın müdiri olanda guya burada baş verən əyintilərdən və özbaşınalıqlardan qərəzli yazan E.Xəlfəquliyev həmişə deyərmiş ki, “gec-tez mən bu poliklinikanı ələ keçirəcəyəm və öz bildiyim kimi idarə edəcəyəm.” Kişinin ağzı elə bil ki, “fal” imiş. Deyilənə görə bu poliklinikanın Qazax Mərkəzi Xəstəxanasına aidiyyəti olmadığı üçün ( hazırda Qazax Mərkəzi Xəstəxanasında məsul bir işdə işləyən Əsəd Xəlilov belə deyir) və qanun boşluqlarından istifadə edən E.Xəlfəquliyev rahatca stomotoloji poliklinikada müdir kimi əyləşib. Onun müdir kimi əyləşməsi Oktay Yusifovun 2011-ci ildə işdən çıxması E.Xəlfəquliyevin isə gəlməsi olub. Nazirlik isə Xəlfəquliyevin əmrini “müvəqqəti həvalə edilsin” sözləri ilə verib. Aldığımız məlumata görə, stomotologiyanın binası əmlak komitəsinin balansındadır. İldən-ilə də binanın qiyməti aşağı düşür. Son qiymət isə 80 min manatdır. Burada cəmi 8 nəfərin yəni, stomotologiyada uzunmüddətli iş fəaliyyətinə malik həmin həkimlərin, o cümlədən Rövşən Məmmədov, Xəlil Cəlilov, Hüsniyyə Məmmədova, Sübhi Salmanov və başqalarının əmlak payları vardır.
Maraqlıdır, əgər bina əmlakındırsa, diş həkimləri Rövşən Məmmədov, Xəlil Cəlilov və Sübhi Salmanovun sənədləri də müvəqqəti müdir Elçin Xəlfəquliyevdədirsə , bunun müqabilində Xəlfəquliyev isə həmin həkimləri binadan kənarlaşdırmışsa , eyni zamanda tək başına işləyərək vergidən yayınırsa, yalnız cibinə işləyirsə bəs əmlak dövlətə ziyan dəyə-dəyə öz binasının ağzına niyə qıfıl vurmur? O da qəribədir ki, adları çəkilən həmin diş həkimlərinin sənədləri əsasında poliklinika guya fəaliyyətdədir. Dəfələrlə Xəlil Cəlilov sənədlərini geri istəsə də, Xəlfəquliyev ona “itirmişəm”-deyə sərt cavab vermişdir. E.Xəlfəquliyev “gəvə biznesi” ilə məşğul olduğu kimi diş poliklinikasının tanınmış həkimləri Rövşən, Xəlil və Sübhini də məharətlə aldadaraq öz ciblərinin hesabına poliklinikada oturduqları otaqları yaxşıca təmir etdirərək necə deyərlər, özlərini də binaya həsrət qoymuşdur. Bizə ağızdolusu şikayət edən həkimlər ürəkyanğısıyla onu da qeyd etdilər ki, Qazax Stomotoloji Poliklinikası oyunbazlığının başında əmlak, Elçin və mərkəzi xəstəxananın baş həkimi durur. Xəlfəquliyev əhalinin belə bir çətinliklə yaşadığı bir dövrdə poliklinikada çalışan işçiləri kənarlaşdırmaq üçün onlara “kim ayda 400 (dörd yüz) manat verərsə gəlib işləyə bilər” kəlamını da işlətmişdir. Bu lap “qonşuya örkənini verməmək üçün Molla Nəsrəddinin onun üstünə darı sərməyi” misalına bənzədi.
Əlbəttə, yuxarıda qeyd etdik ki, həqiqi mənada qanunlarımızda boşluqlar çoxdur. Necə olur ki, Elçin Xəlfəquliyev stomotoloji poliklinakanı açığı zəbt edərək vergidən yayınmaqla, heç bir sosial ödəmə vermədən, kassa aparatı olmadan ağlına gələn qiymətlərlə müşdəriləri aldadaraq orada olan 8 nəfər payçının başına “corab” hörür? Həmin payçılar mərkəzi xəstəxanada pərakəndə yerləşdirilsə də, onlar buna da qəti narazaıdılar. Bu vəziyyət açığı, onları susdurmaq üçündür. Çünki, Qazax Stomotoloji Poliklinikası rayon əhalisinə də sərfəli yerdə yerləşmişdi. Kənddən gedib-gələnlər də burada çətinlik çəkimirdilər. İstiqamətləri qapılarda iş görən diş-texnik və orta təhsilli həkimlərə düşən rayon əhalisinin özləri də bu hərc-mərcliyə məəttəl qalıblar.
Bir vaxtlar stomotoloji poliklinkanın həyətində “QAZ-66” markalı səyyar stomotoloji labaratoriya maşını göz oxşayırdı. Sovet dönəmindən qalmış həmin maşının içərisində hər cür şərait, o cümlədən texniki avadanlıq, rentgen və digər stomotoloji qulluq üçün hər şey var idi. O da maraqlıdır ki, həmin maşın guya stomotologiyanın binası ilə birlikdə o da əmlaka keçib. Nə dərəcədə doğru olub-olmadığı nəinki stomotoloqlara həm də rayon əhalisinə qaranlıqdır. Son bir neçə ildə maşını görən yoxdur. Kimə və haraya satıldığı haqqında məlumat əldə edə bilmirik. Ermənilərlə 185 km məsafədə yaşayan, hər an təhlükə gözlənilən və sərhəd rayonu sayılan Qazaxda belə bir maşının yoxa çıxmağına Azərbaycan Respublikası Səhiyyə Nazirliyi və hüquq-mühafizə orqanları necə baxırlar?

lham Hacalı