Rayon təhsil sistemi iflic vəziyyətə düşüb

Oxucularımıza daha ətraflı məlumat vermək üçün rayon təhsil şöbəsinin bir sıra məktəblərində də olub, araşdırma aparacağımızı bildirmişdik. Həqiqətən də, rayonun Düzqışlaq, Poylu qəsəbəsi, Zəlimxan, Qaçaq Kərəm və sairə tam orta məktəblərində də olduq. Şagirdlərlə söhbət apardıq, nəticədə Ağstafa Rayon Təhsil Şöbəsinin müdiri Fərhad Vəliyevin rayon təhsilini bugünə salmağından bir daha xəbardar olduq. Onu da qeyd edək ki, Ağstafa şəhər 2 saylı tam orta məktəbinin dirketoru Vəfa xanımın qızı Aytacın adı Həsənsu məktəbində deyil, məhz elə şəhər 1 saylı tam orta məktəbində getməklə, Aytacın özü həqiqətən də anasının rəhbərlik etdiyi məktəbdə oxuyurmuş. Əvvəlki yazdıqlarımızda isə Həsənsu məktəbində təhsil alan şagirldərin doğurdan da, harada olduqları haqqında qarşı tərəf də bizi cavablandıra bilməməklə həqiqət olduğunu etiraf etdi.
Rayon Təhsil Şöbəsi rəhbərliyinin işinin öhdəsindən gəlməməsi onunla da sübut olunur ki, məsələn Poylu qəsəbəsi tam orta məktəbinin şagirdləri yanacağı məktəbin qarşısındakı ticarət köşkündən öz pulları hesabına plastik şüşələrdə alırlar. O, da cəmi sinfi 1-2 saat qızdıra bilir. Bəs onda yanacağa ayrılan vəsait hara gedir? Hətta, satıcının nisyə dəftərində bir neçə şagirdin adlarının olduğunun da şahidi olduq. Ümumiyyətlə, Ağstafa məktəblərinin demək olar ki, hamısında saat 12:00-dan sonra siniflərdə şagird tapmaq müşkül məsələdir. Müəllimlər isə bunu sinfin soyuqluğu və ya şagirdlərin repititorlar yanına getmələri ilə izah edirlər. Rayonun Düzqışlaq kənd tan orta məktəbinin direktoru Valeh Bayramov isə bir ildi işləməsinə baxmayaraq o da öz iş prinsipini təhsil sistemi üzərində deyil, xidmətçilər üzərində qurmuşdur. Xidmətçilər burada 05 akladla işlədilir. Adının çəkilməsini istəməyən, direktordan narazı olan xidmətçi onu da bildirdi ki, direktor bu günlərdə məktəbə 500 manata mövsümü iş olan ocaqçı da gətirib. Düzqışlaq məktəbinin fəaliyyətindən narazı olan valdeyinlər məktəbdə şagirdlərdən tez-tez pul yığılmasından da söhbət açdılar.
Rayonun Qaçaq Kərəm məktəbində isə idman meydançasında dərs keçən şagirdlər həmişə qorxu altında olduqlarını bildirdilər. Çünki, idman meydançasının üstündən yüksək gərginlikli elektrik xətti keçir. Naqillərə dəyən top gərginliyi pozaraq qonşuluqdakı evlərinin işıqlarının sönməsinə gətirib çıxarır. Məktəblərdə olarkən çoxillik staja malik pedaqoqlar Fərhad Vəliyevin yalnız təhsil şöbəsinə müdir gələrkən verdiyi pulun arxasınca “qaçmalı” olduğunu söylədilər. Hansı şagirdin harada oxuması, təhsildə olan özbaşınalıqlar, abuturiyentlərin göstəriciləri Fərhad Vəliyevi əsla maraqlandırmır. Bir sözlə Ağstafa Təhsil Şöbəsində başlı-başını saxlasındır.
Yazı çapa hazırlanarkən onu da bizə bildirdilər ki, təhsil şöbəsinin müdiri ilə baş mühasib arasında olan “oyunbazlıqlar” da sözəyazılmaz dastana bənzəyir. Fərhad Vəliyev təhsildə yaratdığı biabırçılıqlar kimi mühasiblikdə də öz ambisyalarını həyata keçirmək niyyətindədir. Baxmayaraq ki, bu proses hələ ki, cəmi 7 ay çərçivəsində baş verib...Yəqin ki, bu tənqidi yazıdan sonra işini yaxşı bilib qiymətini almayanalar qalan həqiqətləri bizə çatdıracaqlar.

İlham