Sahibkarlar icra başçısının əlindən imdad diləyir

«Gündəm xəbər»in redaksiyasına Qaradağ rayon İcra Hakimiyyətinin başçısı ilə bağlı olaraq baş prokuror Zakir Qaralova şikayət məktubu daxil olub. Şikayət məktubunu olduğun kimi təqdirik.
Bakı şəhəri Qaradağ rayonu Lökbatan Qəsəbəsi 4-cü massiv, 9-cu keçid, ev 14, Ağayev Ağahüseyn Qulam oğlu tərəfindən
Hörmətli Zakir müəllim!
Mənim sizə və maliyyə nazirinə ünvanladığım əvvəlki 5 şikayət ərizələrimin sonuncusu mart ayının 15-də olmuşdur, bu günə qədər yazdığım ərizəyə Maliyyə Nazirliyi tərəfindən verilmiş cavabda nazirliyin Maliyyə Nəzarəti Xidmətinin rəisi C.Yusifov bildirmişdir ki, Qaradağ rayonu üzrə aparılacaq növbəti nəzarət tədbiri zamanı müraciətinizdə göstərilən məlumatlarda araşdırılacaqdır. Deməli növbəti yoxlamaya qədər bu özbaşınalıq davam edəcəkdir.
Hörmətli Zakir müəllim!
Abırsızlığın hüduduna baxın ki, cənab Prezident İ. Əliyev korrupsiyaya qarşı bütün xalqı mübarizəyə çağırdığı bir dövrdə Maliyyə Nazirliyi buna rəvac verir. Rica edirəm, bu məsələnin araşdırılmasına göstəriş verəsiniz və mənim də iştirakımı təmin etməyinizi xahiş edirəm.
Cənab prezident dəfələrlə belə hallara qarşı ciddi ölçü götürəcəyini bildirmiş və aidiyyatı qurumlara bu barədə xəbərdarlıq etmişdir.
Cənab prezident İ.Əliyev 6 fevralda keçirdiyi müşavirələr məmurlara bir daha tapşırıq verdi, xalqın haqlı narazıçılıqlarını və şikayətlərini vaxtında araşdırsınlar. Xalqa müraciət edərək, özü bu xalqın xidmətində olduğunu bəyan etdi və məmurlara öz sərt ifadəsi ilə xalqa xidmət etməyi birmənalı tapşırdı. Cənab prezident Azərbaycanda öz siyasi fəaliyyətində bizim rayondan başlamışdır. Bizi Milli Məclisdə layiqincə təmsil etmişdir. O, dövrdə mən Qaradağ rayon İH başçısının müavini işləmişəm və onun rəhbərliyi altında rayonda xeyli miqdarda abadlıq və quruculuq işlərini yerinə yetirmişik. Mən tikinti və abadlıq sahəsinə baxdığım üçün mütəmadi görüşürdük. O, dövrdə rayonun büdcəsi l milyon Dollara yaxın idi. Buna baxmayaraq beş ildə biz cənab İ.Əliyevin qayğısı nəticəsində Qarabağ əlilləri və şəhid ailələrinə iki beş mərtəbəli əlli mənzilli bina tikib istifadəyə verdik və qeyri yaşayış sahələrinin statusunu dəyişərək, təmir edərək bu ailələrə payladıq. Beş yüz kilometr qəsəbə daxili və bir o qədər də qəsəbə arası yolları təmir etdik, əhalini fasiləsiz işıq, su və qazla təmin etmək üçün lazım olan bütün tədbirləri həyata keçirtdik. Bu gün də o, öz yaxşı nəticəsini göstərir. Sahil qəsəbəsində 2.5 km uzunluğunda dənizkənarı park-bulvar, stadion. Lökbatan qəsəbəsindəki parkın ərazisi iki dəfə genişləndirərək xalqın istifadəsinə verdik. O dövrdə cənab İ.Əliyevin səyi nəticəsində bütün Qarabağ əlilləri və şəhid ailələri kommersiya obyektləri ilə təmin olundu, bu da o, dövrün aztəminatlı ailələri üçün böyük bir töhvə idi. Hər ay aztəminatlı ailələrə otuz tondan artıq ərzaq məhsullarının paylanmasıda cənab İ.Əliyevin səyi nəticəsində baş tuturdu.
Hörmətli Zakir müəllim!
Ölkə prezidenti Nazirlər Kabinetinin yığıncağında məmurlara qəti şəkildə korrupsiya əməllərinə son qoyulmasını və belə hallara görə onların daha ciddi cəzalandırılacağını bəyan etdi. Əhaliyə müraciət edərək belə halların qarşısının alınmasında hər bir vətəndaşın yaxından iştirakmı məqsəd kimi qarşıya qoydu. Bizim Qaradağ rayonunda büdcə vəsaiti talan edilir, abadlıq işi adı altında mətbuatdan məlum olduğu kimi iş adamlarından vəsait toplanır. Rayonda 50 mindən yuxarı son dövrdə qanunsuz tikilmiş tikililər var. Bunlardan yığılmış vəsaitin miqdarı 200 milyondan yuxarıdır. Cənab prezident rayon tədbirlərində iştirak etdiyi vaxt o ətraf qismən abadlaşdırılır, ondan 30 metr aralı isə bərbad vəziyyətdədir. Bunu bütün qəsəbələrdə müşahidə etmək mümkündür. Qismən aparılan abadlıq işləri ara fəhlələri tərəfindən icra olunur bunlarda günəmuzd işləyirlər. Büdcədən ayrılan vəsait isə 2 nömrəli akt ilə naməlum təşkilatlara köçürülür və mənimsənilir. İndi büdcə milyonlarla ölçülür. Bunun hara xərclənməsi biz sakinlərə məlum deyil. Görülən işlər isə o dövrlə müqayisədə sıfıra bərabərdir. Korrupsiya əməlləri nəticəsində rayon İH başçısı S.Mikayılovun topladığı milyonlar xalqın haqlı narazılığına səbəb olur və bunlar mətbuatda öz əksini tapır. Xahiş edirəm bu məsələnin araşdırılmasına göstəriş verəsiniz və bizimdə iştirakımızı təmin edəsiniz. Qəsəbələrdə yollara vurulmuş asvalt örtüyünün qalınlığı 2-4 sm olduğundan tez sıradan çıxır. Buda başçının korrupsiya əməllərindən xəbər verir.
Hörmətli Zakir müəllim!
Aidiyyatı qurumlara o cümlədən Maliyyə Nazirliyinin belə münasibəti mənim də təmsil olduğum Yeni Azərbaycan Partiyasının rəhbərlərindən biri Siyavuş Novruzovun Milli Məclisin İclasında çıxışı tam yerinə düşdü. O, da mən dediklərimi təsdiq edərək göstərdi ki, rayon İcra Hakimiyyətinin başçıları istifadə də olunan faktların abadlığı adı altında dövlət büdcəsindən ayrılan pulları mənimsəyirlər. Belə hallara qarşı ölkə başçısı və mənsub olduğum partiyanın qəti mübarizəsinə baxmayaraq, Maliyyə Nazirliyi susur, bunun da səbəbi yəqin ki, onların maraqlarıdır. Bu da ölkə prezidentinin və mənsub olduğu partiyanın imicinə xəyanətdir. Biz qaradağlılar həmişə ölkə başçısı İlham Əliyevin yanındayıq. Bir daha xahiş edirəm bu məsələdə öz mövqeyinizi göstərəsiniz.
KƏRİM