Qəribədir,nədənsə xəyanətdən danışarkən hamının gözləri qarşısında ilk növbədə kişilər canlanır və hamı onları ittiham edir. Nədənsə heç kim qadın xəyanətindən danışmaq belə istəmir.Heç kim demir ki,aramızda əri olsa da,kənarda sevgi macərası yaşayan “qadın”larımız da az deyil. Qadınları müdafiə cəmiyyəti var. Bəs, şəxsiyyəti mənəvi təcavüzə məruz qalmış kişiləri kim müdafiə edəcək? Qəribədir ki, ərlərini aldadan qadınların əksəriyyətinə öz doğma anaları yardım edir. Bu analar çox zaman madiyyat xatirinə qızlarının sevgililəri ilə ünsiyyətdən belə çəkinmir,onların ərlərini aldadaraq sevgililəri ilə görüşməsinə yardımçı belə olurlar.
Elə biz də yazımızda bu məqama toxunmaq istəyirik. Bu yaxınlarda sosial şəbəkələrin birində bir videogörüntü ilə rastlaşdıq. Görüntüdə vaxtilə ANS,sonra ATV,SPACE, hazırda İTV telekanalının aparıcısı ,ixtisasca tibb bacısı olan Xədicə Sənanqızı idi. Xədicə hansısa marketdə krem axtarışında idi. Elə görüntünün də altından yazılmışdı: “Moskvada krem axtarışında”. İndi deyəcəksiniz ki,krem axtarışında qəribə nə var ? Elə maraqlı məqam da məhz budur. Xatırladaq ki, adı çəkilən görüntünün çəkilişi zamanı Xədicə xanım ailəli idi. Həyat yoldaşı da bir vaxtlar ANS telekanalında,daha sonra Moskvada çalışmışdı. Haşıyəyə çıxaraq onu da qeyd edək ki, belə ərə görə çoxları Xədicə xanıma həsəd apara bilərdi. Çünki onun həyat yoldaşı xanımına pis gündə də, yaxşı gündə də dayaq olmuşdu. Xədicə ağır vəziyyətdə xəstəxanada yatanda əri daim onun başının üstündə olmuş,sanitarların xəstələr üçün gördüyü işi Xədicənin həyat yoldaşı onun üçün etmişdi. Xədicə ilə birlikdə Moskvada bədən şampunu axtaran və onun görüntülərini çəkən isə tanınmış müğənni Faytonçu Nazim idi. Görüntünü izləyənlərə həmin an məlum olur ki, bu nə dostların market gəzintisidir,nə birgə qastrola gedən həmkarların. Bu ailəli olan evli aparıcı xanımla ailəli müğənninin Moskva macəralarının bir kiçik anı idi ki,müğənni onu əbədiləşdirmişdi. Doğrudur,kadrlarda müğənninin özü görünmürdü,amma səsi o saat onu ələ verirdi. Belə ki, Nazim bəy gah Xədicəni qulağının içini, gah saçını, gah gözlərini ,sonra burnunu çəkirdi,daha sonra görüntü aşağıya doğru hərəkət edərək,müəyyən yerdə uzun müddət saxlanılır. Aparıcı xanım isə naz ilə müğənnidən onu çəkməməsini xahiş edir. Qeyd etmək yerinə düşər ki,heç kim nə öz dostu,nə də həmkarı ilə belə zarafat edə bilər.
Bu kadrlara baxanda nədənsə yadıma Xədicənin maşını düşdü. Deyilənə görə ilk dəfə ona maşını da Faytonçu Nazim alıb,özü də Dubaydan. Bu onun aparıcı xanıma tək qiymətli hədiyyəsi olmayıb. Bu maşın ətrafında da maraqlı hadisələrin baş verməsi bir çoxlarına bəllidir. Belə ki,bir vaxtlar bir yerdə olan Xədicə və Nazim ayrıldıqdan bir müddət sonra Nazim polis idarəsinə çağrılır. Orada ona deyirlər ki,guya Xədicə Nazimdən şikayət verib ki,Nazim onun maşınının şüşələrini qırıb. Həmin vaxt Faytonçu Nazimə hədə-qorxu gəlinib. Sonralar bu işdə SK-İdman kompleksinin səlahiyyətli şəxslərindən birinin adı belə hallanırdı. Bir müddət sonra Nazim bu sevgini əbədiləşdirmək üçün “ Sən gərək özünü tanıtmayaydın” kitabını yazdırır və bu kitabı bütün dost-tanışlarına özü paylayır. Deyilənə görə kitabdakı hadisələr tam realdır. Yəni olmuş əhvalat bu əsərdə öz əksini tapıb,sadəcə əsərin qəhrəmanlarının adı dəyişilib. Elə bayaq nəql etdiyimiz hadisə də həmin kitabda öz əksini tapıb. Jurnalistlərdən biri Faytonçu Nazimdən ən son oxuduğu kitabın adını soruşduqda,Nazim bəy tərəddüd etmədən bu kitabın adını çəkib.
Bu kitab nəşr olunan zaman Xədicə əməliyyat olunmuşdu və Nazimi hədə ilə polisə gətirdən həmin səlahiyyətli şəxs hərbi sahədə çalışan və həm də jurnalist fəaliyyəti ilə məşğul olan Şəfayət bəy vasitəsilə həmin kitabın müəllifi ilə görüşür,həmin müəllifə də hədə-qorxu gəlir. Lakin söhbət əsasında o etiraf edir ki, Nazimi polis idarəsinə o gətirdib və onunla özü söhbət edib . Qeyd edək ki,həmin ərəfədə Xədicə Sənanqızının adı həmin şəxslə də hallanırdı və bunun nə qədər doğru və yalan olmasını biz deyə bilmərik. Lakin fakt bu idi ki,o, Xədicəyə görə Nazimi şərləyərək öz xidməti otağına qeyri-qanuni gətirmiş,hətta əsəri yazan müəllifə də hədə gəlməkdən çəkinməmişdi . Bir məqamı da qeyd etmək gərək idi ki, kitab müəllifində Nazimin səsiylə bütün nəql edilənlər,həmçinin bir çox fotoşəkillər, sms yazışmaları dururdu və bunu da hədə gələn səlahiyyət sahibi çox gözəl bilirdi. Çünki müəllifə məhkəmə ilə hədə-qorxu gələndə, o da həmin şəxsə bildirmişdi ki, həmin səsləri məhkəməyə təqdim edəcək.Həmin kitabda hətta aşiqlərin intim həyatları belə əks olunmuşdu.
Qəribədir,Xədicə Sənanqızının yaxın”dostları” sırasında Abşeron rayonunun keçmiş icra başçısının,həmçinin, Gömrük Komitəsinin sabiq rəis müavininin, tanınmış restoranların birinin müdirinin və bir çox vəzifəli şəxslərin adları hallanır. Ailəli ola-ola Xədicənin Nazimlə Nabran,Moskva, Alma-Ata səyahətləri, Xədicənin ad gününün,həmçinin onların ilk görüş ilinin Moskvada qeyd olması,ziyafətdə Rusiyanın tanınmış estrada ulduzlarının onları təbrik etməsi də bir çoxlarına məlumdur. Bizlər Xədicənin Nazimin ofisində adyala bürünüb yatması,ona yazdığı mesajlardan da haliyik. Qastrola getmək adı ilə evdən çıxan və deyilənə görə Nazim bəylə Moskvaya səyahətlər edən Xədicənin sonralar ərindən ayrılması xəbəri də diqqətimizdən yayınmadı.
Odur ki, “ Moskvada krem axtarışında” olan bu cütlüyün bədən şampunu və krem axtarışına “Görünən kəndə bələdçi gərək deyil”-deyirik. Çoxları deyir ki,məhz Nazimin hesabına Xədicə bir çox arzularına nail olub. Bəziləri isə Xədicənin Nazimdən bir tramplin kimi istifadə etməsini deyirlər. Biz buna heç bir şərh verə bilmərik. Biz yalnız əlimizdə olan video görüntünün şərhini verdik. Sözsüz ki,əlimizdə olan sabiq aşiqlərin sms-ləri,ofisdəki şəkilləri və kitabda olan hədisələri də nəzərdən qaçırmadıq. Amma eşitdiyimizə görə Xədicə xanım yenidən ailə qurur. Bizə yalnız ona xoşbəxtlik diləmək düşür.
Cəfər