Asif Lətifov gerçəkləri dediyinə görə həbs edilib

“ Xususi Dövlət Mühafizə Xidmətinin sabiq əməkdaşı baş leytenant Asif Lətifov məhz qurumdakı özbaşınalığa və rüşvət faktlarına etiraz etdiyi üçün qanunsuz olaraq işdən azad edilib. Məsələni içtimailəşdirərək öz işinə bərpa edilməsini tələb etdikdə isə XDMX-nin rəisi general Vaqif Axundovun sifarişi ilə həbs edilib. O, əməlində cinayət tərkibi olmadığından və yanlız vicdanının səsini ucaltdığı üçün hazırki duruma düşüb. Ona görə də o, cinayətkar deyil vicdan məhbusudur”. Bu sözləri “Gündəm Xəbərə” açıqlamasında Asif Lətifovun anası Gülnar Lətifova bildirdi. Öncə öğlunun tarixcəsinə və necə həbs olunması barədə danışan Gülnar Lətifova daha sonra Asif Lətivovun hazırki durumu barədə danışdı: «Məlumat üçün onun söyləyirəm ki, Asif Lətifov 17 il XDMX-ində xidmət edib. Bu müddət ərzində nümunəvi xidmətlərinə görə dəfələrlə müxtəlif mükafatlarla təltif edilib. İş yerində hər şeyin öz axarı ilə getdiyi bir zamanda bir gün komandirinin özbaşına hərəkəti nəinki onun uğurlu karyerasına bir dəfəlik son qoyur, hətta üstəlik onun azadlıqdan məhrum edilməsi ilə nəticələnir. Belə ki, bir gün komandiri Fikrət Rzayev hər ay öz tabeliyində olan işçilərin hər birindən qanunsuz olaraq 30 manat pul yığmasını ondan tələb edir. Komandirinin tələbi qanunsuz olduğundan o, bu pulu yığmaqdan imtina edir və komandirinə deyir ki, əgər bir də ondan bu tələb istənilsə, general Vaqif Axundova şikayət edəcək. Asif Lətifovun sözlərini ciddi qəbul edən və qanunsuz əməllərini həyata keçirməkdə ona mane olacağını düşünən Fikrət Rzayev isə oğlumu zərərsizləşdirmək qərarına gəlir. Bu məqsədlə tez tələm-tələsik generalın qəbuluna düşərək oğlum barədə onunla söhbət edir. Görüşün detalları bizə məlum deyil. Ancaq həmin görüşdən sonra general üzünü görmədiyi və səsini belə eşitmədiyi Asif Lətifovu xidməti işində uyğunsuzluq maddəsi ilə işindən azad edir. İşdən çıxarıldıqan sonra isə Asif Lətifov dəfələrlə general Vaqif Axundova müraciət edir ki, o komandirinin qanunsuz əməlinə tabe olmadığı üçün işdən azad edilməsi ədalətsizlikdir. Və generaldan onu işinə bərpa edilməsini xahiş edir. Lakin onun bu xahişi yerinə yetirilmədikdə məsələni ictimailəşdirərək uzun müddət mətbuat vasitəsi ilə öz hüquqlarını müdafiə etməyə başlayır. Bir il müddətində mətbuata verdiyi açıqlamaların ardı-arasının kəsilmədiyini görən Vaqif Axundov isə Asif Lətifovun səsini kəsmək məqsədi ilə sifarişlə onu həbs etdirir. Həbsi isə Asif Lətifovun işlədiyi müddətdə iş vaxtı tapıb xususi şöbələrinə təhvil verdiyi bir patronla bağlayıblar. Guya Asif nə vaxtsa iş vaxtı taparaq qanuni səkildə sənətləşdirdiyi bir güllə ilə qanunsuz silah saxlayıb. Əvvəla güllə silahın bir detalı olduğundan onun saxlanılması cinayət tərkibi sayılmır. İkincisi isə Asif onu taparaq quruma təhvil verib. Üçüncüsü necə olur ki, patronu itirən şəxs həmin qurumda işinə davam edərək pensiyaya çıxır? Ancaq onu taparaq qanuni şəkildə sənədləşdirən Asif Lətifov isə qanunsuz silah saxlamaqda ittiham olunaraq 5 il 6 ay azadlıqdan mərhum edilmə ilə cəzalanır. Buradan bir daha görünür ki, məhz Asif Lətifov qurumdakı rüşvət faktlarını mətbuatda qabartdığına görə general Vaqif Axundov onu 2011-ci il avqustun 29-zu sifarişlə həbs etdirib”. 2014-cü il martın 27-sində Asif Lətifovun Ali Məhkəməyə etdiyi şikayət əsasında onun cəzını bir azaltdığını xatırladan Gülnar Lətifova oğlunun əfv komissiyasına müraciət etməsi ilə bağlı mətbuatda gedən məlumatı təkzib etdi:” Aprelin 3-çü Asif Lətifovu cəzasını çəkdiyi 9-cu kolonun xususi çastına çağıran rəis Vüqar müəllim deyir ki,guya əfv ilə bağlı ərizə ilə Ədliyə Nazirliyinə etdiyi müraciətə cəzandan bir il 8 ay keçmədiyi üçün müsbət cavab verilməyib. Asif Lətifov isə məlumatı oxuyaraq buna öz etirazını bildirib. Əfv ərizəsini isə onun adından Ədliyyə Nazirliyinin monitorinq qrupu özbaşına və yalandan yazaraq prezident yanında əfv komissiyasına müraciət edib. Prezident yanında əfv komissiyyası isə cavabında bildirib ki, Asif cəzasının yarısını çəkmədiyindən onun müraciətinə müsbət cavablandırıla bilməz. Oğlum bu isə bu məlumatı oxuduqdan sonra dərhal buna öz etirazını bildirir. Və deyir ki, mən əfv ilə bağlı heç bir müraciət etməmişəm və bundan sonra da etmək niyyətim yoxdur. Çünki qanunsuz olaraq əməlimdə heç bir cinayət tərkibi olmadan sifarişlə həbs edilmişəm. Ona görə də mənə söylədi ki, mətbuat vasitəsi ilə barəsində yayılan yalan informasiya ilə bağlı təkzib verim”.
ƏDALƏT