Riçard Morninqstar:
"Leyla Yunus haqda araşdırmanın davam etdirilməsi bizi narahat edir"

Amerika Birləşmiş Ştatlarının Azərbaycandakı səfiri Riçard Morninqstar dövlətə xəyanət və Ermənistan xüsusi xidmət orqanları ilə əməkdaşlıq ittihamları ilə həbs edilmiş jurnalist Rauf Mirqədirov və onların işilə əlaqədar şahid kimi dindirilən hüquq müdafiəçiləri Leyla və Arif Yunusla bağlı mövqeyini açıqlayıb.
gundemxeber.az”ın məlumatına görə, ANS-in Vaşinqton bürosunun məlumatına görə, səfir bildirib ki, onlar bu şəxsləri uzun müddətdir tanıyırlar və onlara görə yaxından narahatdırlar.
ABŞ-ın Azərbaycandakı səfiri Riçard Morninqstarın sözlərinə görə, onlar, heç şübhəsiz ki, bu həbslə bağlı narahatdırlar: "Rauf Mirqədirov görkəmli jurnalistdir. Biz Leyla Yunusu və həyat yoldaşını da uzun illərdir ki, tanıyırıq. Odur ki, bu həbs və araşdırmalar bizi narahat edir. Leyla Yunusun azadlığa buraxılması yaxşıdır, lakin araşdırmanın davam etdirilməsi bizi narahat etməyə bilməz. Bu, adamların hər üçü “TRACK 2” və ya “xalq diplomatiyası” çərçivəsində azərbaycanlılarla ermənilər arasında ünsiyyəti dəstəkləyənlərdən olublar. Biz hesab edirik ki, “xalq diplomatiyası” vacibdir. Bizi narahat edən odur ki, aparılmaqda olan araşdırma “xalq diplomatiyası” çərçivəsində bu ünsiyyətə dəstək olmaq istəyən hər bir azərbaycanlını təsirləndirmiş olacaq. Dağlıq Qarabağ münaqişəsinin həlli üçün “TRACK 1”, yəni rəsmi şəxslərin diplomatiyasının rolu çox vacibdir, lakin biz hesab edirik ki, həm azərbaycanlılar, həm də ermənilər münaqişənin həllinə hazır olmalıdırlar, bundan ötrü isə xalqlar arasında ünsiyyət diplomatiyası əvəzolunmazdır”.