İmişlidə bələdiyyə üzvü Kərəm Həsənovun adamından yenə şikayət etdi

Redaksiyamıza İmişli bələdiyyəsinin üzvü Ağasəlim Hadıyevin yeni müraciəti daxil olub. Agasəlim Hadıyev bildirir ki, aidiyyatı orqanların rəhbərlərinə ƏMDK yanında Şirvan 7 saylı ərazi idarəsinin rəisi Məhəmməd Qanbayevlə qanunsuz əməlləri ilə bağlı coxsaylı şikayətlərinə heç bir reaksiya verilmir. Odur ki, o, yenidən mətbuat vasitəsilə M.Qanbayevin etdiyi qanunsuzluqları Kərəm Həsənovun nəzərinə çatdırmaq istəyir.
Ağasəlim Hadıyevin verdiyi məlumatda vurğulanır ki, İmişli bələdiyyəsi tərəfindən alqı-satqı yolu ilə ona məxsus olan 45 kv/m torpaq sahəsini Məhəmməd Qanbayev yaxın dostu, qardaşı, Bakı şəhər Apellyasiya Məhkəməsinin hakimi Azad İmanovun qardaşı Fuad İmanovun adına qanunsuz olaraq sənədləşdirməklə yanaşı 26 kv/m bələdiyyə ərazisini də zəbt edib. “Lakin Xalq Deputatları Soveti İcraiyyə Komitəsinin qərarında Fuad İmanova məxsus olan ərazi 148 kv/m-dir. İndi isə mənə məxsus olan ərazini Fuad İmanovun adına qanunsuz olaraq sənədləsdirərək 219 kv/m ediblər. Daha bir saxtakarlığa məruz qalan yer İmişli rayonunda yerləşən univermaq binasının ərazisidir ki, sənəddə 1000 kv/m ərazi göstərildiyi halda M.Qanbayev Abşeron rayon polis şöbəsində rəis müavini işləyən Famil Kərimovun qardaşı, iş adamı Kamil Kərimovun adına həmin ərazini sənədləşdirərək 1000 kv/m-i 3964 kv/m-ə qədər artırıb. Mən isə Qanbayevin bu kimi qanunsuz əməllərini, narkoman olması barədə aidiyyatı orqanlara və ƏMDK-nin sədri Kərəm Həsənova müraciətlər ünvanladıqdan sonra M.Qanbayev onun sərəf və ləyaqətini alçaltdığım üçün İmisli məhkəməsində iddia qaldıraraq məndən 50.000 min manat təzminat istəyir. Sual edirəm - narkomanın şərəf və ləyaqəti olurmu?”.
Redaksiyadan: Qeyd edək ki, Ağasəlim Hadıyevə istinadən dəfələrlə ƏMDK yanında Şirvan 7 saylı ərazi idarəsinin rəisi Məhəmməd Qanbayevin qanunsuz əməlləri ilə bağlı ölkə prezidentinə, baş prokurora, Kərəm Həsənova “Gündəm xəbər” vasitəsi ilə məlumatları çatdırsaq da, çox təəssüflər olsun ki, Kərəm Həsənovun susduğu kimi Respublika Prokurorluğu, Korrupsiyaya qarşı Mübarizə İdarəsi də susaraq, dövlət əmlakının mənimsənilməsi ilə bağlı Ağasəlim Hadıyevin səsləndirdiyi iddiaları görməzdən gəlməkdədirlər. Redaksiya olaraq Ağasəlim Hadıyevin bizə təqdim etdiyi sənədləri yaymaqla bərabər M.Qanbayevin də mövqeyini dərc etməyə hazırıq.
SƏLİM