Əmək və Əhalinin Sosial Müdafiəsi Nazirliyinin yerli Sosial Müdafiəsi Mərkəzlərinin işi son aylarda ən çox müzakirə mövzularından birinə çevirilib. Xüsusən də aztəminatlı ailələrə ünvanlı sosial yardımların verilməsi prosesində yaşananlar vətəndaşların ciddi narazılığına gətirib çıxarır. Eks nazir Füzuli Ələkbərovun zamanında ünvanlı sosial yardımların verilməsində yaradılan süni maneələr, bürokratiya azmış kimi, insanlar onlara qanunla düşən məbləği almaqda da çətinlik çəkirdilər.
Əsasən də vətəndaşlara tətbiq edilən qanunsuz bölgü prinsipindən. Heç kəsə sirr deyil ki, rayondan asılı olaraq insanlara sosal yardımlar 8-4, 6-6 və s. prinsiplərlə verilirdi. Yəni, sosial yardım düşən ailələrə bildirirdilər ki, sizə yardım yazırıq. Ancaq bu məbləğin 4 və ya 6 ayını bizə verməlisən.
“6 ay sənin, 6 ay mənim” prinsipi ilə işləyən rayonlardan biri də Neftçala idi. Rayondan daxil olan məlumatlarda bu fakt aşkar şəkildə özünü göstərirdi. Neftçala Əhalinin Sosial Müdafiəsi Mərkəzinin müdiri Vurğun Əkbərovun bu postdan uzaqlaşdırılması rayon sakinlərinin böyük sevincinə səbəb olmuşdu. Həmçinin bu posta yeni təyin olunan Zaur Kərimovun təyinatına da sevinmişdilər. Yardıma ehtiyacı olan insanların bu sevincini başa düşmək olardı. Hərcənd ki, bu sevinc onların göündə qalıb.
Bizimxeber.az-a daxil olan məlumata görə, indi yardıma ehtiyacı olan neftçalalılar daha ciddi problemlərlə üzləşiblər. Məlumatda bildirilir ki, “6 ay sənin, 6 ay mənim” prinsipi ləğv olunsa da, yeni şərtlər ortaya çıxıb. Mərkəzin müdiri Zaur Kərimov bütün sənədlərə nəzarət edir və xırda bir “cp” axtarır. Bu problemin ücündan tutub ucuzluğa gedən Z.Kərimov sonda “sizə yardımn düşmür” deməklə işini bitmiş hesab edir. Amma bunun da yollarını tapan adamlar var. Məlumatda qeyd olunur ki, Z.Kərimovun bunu etməkdə məqsədi yardım almaq istəyən vətəndaşı tamamilə zərərsizləşdirmək və dogrudan da sənədlərində problemin olduğuna inandırmaqadır. Ki, vətəndaş ondan alınan pulun davasını etməsin və sakit dayanaraq prblemli səənədlə yardım aldığı üçün sussun…
Daha bir maraqlı məqam isə yardımın niyə düşmədiyini əsaslandıərmaqdır.
Məsələn, Z.Kərimova görə, yardım almaq istəyən sakinin evinə və yaşayış vəziyyətinə baxış keçirilir. Evində, divanı, ütüsü, televizoru, 50 il əvvəl adında avtomobili, həyətində iti və ya 2 qoyunu olan insanlara yardım düşmür. Qəribə haldır… Bu gün Azərbaycanda elə ailə tapmaz ki, ütüsü, televizoru və ya divanı olmasın. Və yaxud, bu ailələr divanımı, ütünümü yeməlidir?
Qeyd edək ki, hazırda Neftçala rayonunda Sosial yardım alan insanların təqribən 300-500 nəfərinin yaşayış səviyyəsi normaldır. Amma buna baxmayaraq onlara yardım verilir. Amma kəndlərdə elə ailələr var ki, acından ölür. Onlara isə düşmür… Bu barədə ciddi araşdırmalarımız olacaq…
Bizi izləyin…