Ramiz Priverdiyev xəstəyə ayrılan dərmanları mənimsəyir (İDDİA)



Gədəbəy rayon mərkəzi xəstəxanası demək olar ki, baş həkim Ramiz Pirverdiyevin super marketinə çevrilib. Ramiz Pirverdiyev o qədər maddi imkana sahib olub ki, hətta Səhiyyə Nazirliyindən göndərilən məktublara belə cavab verməyi özünə borc bilmir.

Məsələn, sağalmaz milom xəstəliyinə tutulmuş Ocaqverdiyev İlqar Cəfər oğlu dərman preparatlarının olduqca baha olması ilə ələqədar ona maddi köməklik edilməsi üçün Səhiyyə Nazirliyinə müraciət edib. Bu barədə nazirlik tərəfindən Gədəbəy rayon mərkəzi xəstəxanasına göstəriş verilməsinə baxmayaraq bu günə qədər həmin xəstə bu dərmanları ala bilmir. Düz altı aydır ki, həmin xəstəyə heç bir köməklik göstərilmir. Rayon əhalisinin əksəriyyəti bilir ki, Gədəbəy rayon xəstəxanasına gələn pulsuz dərman preparatları Ramiz Pirverdiyev tərəgindən satılır. Pulunu da öz cibinə qoyur. Bunun nəticəsidir ki, bu qədər dərman preparatları yeyintisi olan rayonda ziyalı övladı olan İlqar Ocaqverdiyevə yardım etmək müşkül məsələyə çevrilib. Səhiyyə naziri Oktay Şirəliyevə mətbuat vasitəsilə çatdırmaq istəyirik ki, heç olmasa belə xəstələrin müalicəsi üçün tədbir görülməsini təmin etsin. Adı çəkilən xəstə müalicəsi üçün ayda 700 manatdan artıq pul xərcləyir. II-ci qrup əlildir. 240 manat təqaüd alır.

Məktəbdə əla qiymətlərlə oxuyan bu insanın gələcəkdə ailəsi və dövlətimiz üçün layiqli övlad olacağının qarşısını kəsən Pirverdiyevlər,Məmmədovlar və onlara şərik olan bu cinayətkarlar barəsində dövlət orqanları görəsən, nə vaxt tədbir görəcək? Ramiz Pirverdiyev 1992-ci ildə cəbhə hakimiyyətinin ilk günlərində baş həkim təyin edilib. O vaxtlar R. Pirverdiyev sadə təmiz bir həkim idi. Onun qapısında bir toyuğu belə yox idi. İndi isə rayonun Söyüdlü kəndində "Aşağı Qaraqoyunlu"deyilən yerdə yaylaq yeri zəbt edib və orada çoxlu sayda qoyun və iri buynuzlu mal-qara saxlatdırır. Pirverdiyev rayonda yaranmış boşluqdan istifadə edərək öz bazarını daha da genişləndirib.

Belə ki, xəstəxananın giriş-çıxış qapılarını bağlatdırıb və burada özünün "Nur" marketinqi və "Nur" restoranını inşa etdirib. Bir şeyi başa düşmək olmur, bu iş nəcə sənədləşdirilib, üm umiyyətlə sənədləşdirilibmi? Sənədləşdirilibsə, baş verən bu qanunsuzluğa icra hakimiyyətinin baş memarı Elxan Vəliyev necə göz yumur? Şəxsi məhəllələrdə toyuq hini belə tikənlər barəsində dərhal polisi xəbərdar edən baş memar nəyə görə, məmurların özbaşnalığına göz yumur? Yoxsa, Elxan Vəliyev elə düşünür ki, şəhər bələdiyyəsi ilə etdiyi cinayyətlər rayon əhalisinin yaddaşından silinib? Baş memar nə zamansa Vaqiflərin,Oktayların və binası yerlə yeksan edilmiş, ərazisi zorla əllərindən alınmış onlarca vətəndaşımızın konstitusion hüquqlarının pozulmasına rəvac verdiyinə görə cavab verməli olacaqdır.

Məmləkətimizdə savadlı, millətin sevən, Vətəninə bağlı insanlar var. Yaxın gələcəkdə özbaşınalığa yol verən bu tip məmurlar barəsində Vətənini sevən insanlar mütləq öz sözünü deyəcəklər. Əmin olun ki, məzlumun haqqını yeyənlər layiqli cəzalarını alacaqlar. Bunu tanrı buyurub".
Qaraqoyunlu