İŞİD-in Şimali İraqda beş min qədər gənc qızı və qadını qaçırdığı bildirilir. Alman jurnalist Martin Durm Mosulda İŞİD militanlarının qaçırdığı və 23 gün saxlanılan beş gənc qızla danışıb.



Musavat.com-un Türkiyə mətbuatına istinadən verdiyi məlumata görə, kürd qızlar İŞİD əsarətini anladıblar. Sincar dağlarının ətəklərindəki Korşo kəndindən olan qızların ən kiçiyi Ceylan 10 yaşında, ən böyüyü Zəhra isə 20 yaşındadır.
Zəhra yaşadıqlarını belə anladıb: “Avqustun əvvəlində cihatçılar kəndimizi basdılar, müsəlman olmağımız üçün iki gün müddət tanıdılar. Əks halda ölümlə təhdid etdilər. Amma xalq müsəlman olmaq istəmədi. Bunun üzərinə bizi məktəbdə topladılar. Kişiləri və qadınları ayırdılar. Qruplara böldülər. Son qrupda atam vardı. Onu bir daha görə bilmədik”.
Bildirilir ki, indiyə qədər 400 min yezidi kürdü Şimali İraqdakı kəndlərindən və şəhərlərindən qaçmaq məcburiyyətində qalıb, yüzlərlə insan qətlə yetirilib. Beş minə qədər qadın Mosula qaçırılıb. Bu rəqəmlər Qərb diplomatları və yardım təşkilatları tərəfindən açıqlanıb.
Zəhra bildirib ki, 65 yaşlı qadın, 165 gənc qız və 400-ə qədər kişi Mosula qaçırılıb. O kişilərin öldürüldüyünü ehtimal etdiyini də bildirib.
Zəhra qeyd edib ki, qaçırılan qadınlar İraqın ikinci böyük şəhəri olan Mosula aparılıb və burada satılıb. Yəni şəhər mərkəzində qadınların satıldığı bir bazar var. Bölgədə olan insan hüquqları müdafiəçisi Suzan Aref də bunu təsdiqləyib və deyib: “Burada bir də ofis açılıb. Bu ofisdə qadınların fotoşəkillərinə baxmaq və qiymətlərini öyrənmək mümkündür. Xristian qadınlar yezidilərdən daha baha satılır. Bunları İŞİD-dən qaçan qadınlardan öyrənirik. Ümumiyyətlə, qadınlar qaçırıldıqdan dərhal sonra təcavüzə uğrayır. Cihatçılar əvvəl öz aralarında bölüşürlər, bezdikləri zaman da Mosulda satıb, yeni qızları gətirirlər”.
Bildirilir ki, qaçırılan 5 min qadından yalnız 43-ü geri döne bilib. Hansı yollardan döndükləri isə məlum deyil. Fəlluca və Mosuldaki sünni tayfa liderlərinin pul qarşılığında vasitəçi olduğu deyilir. Ehtimalla Zəhra və bacıları da pul qarşılığında sərbəst qalanlardandır. Onlar bu mövzuda danışmırlar.