Minlərlə insanın ölümünə səbəb olan Ebola virusunu yayan heyvanın adı bəlli olub.

AzNews.az xəbər verir ki, Qvineyada Ebola qızdırmasından ilk ölən uşağın ölümünə səbəb virusun mənbəyi olan vəhşi heyvanı yeməsi olub.

Mütəxəssislərin fikrincə, Qərbi Afrikada Ebola virusu meyvə yarasasına görə yaranıb.
Qızdırmanın ilk qurbanı cənub şərqi Qvineyada vəhşi heyvanın ətini yeyən iki yaşlı uşağın olduğu deyilir.

Ümumdünya Səhiyyə Təşkilatının məlumatına əsasən, meyvə yarasaları Ebola virusunun həqiqi mənbəyidir.

Meşə təsərrüfatı sahəsi üzrə beynəlxalq araşdırmalar mərkəzi hər il Afrikada, Konqo gölü hövzəsində 5 milyon ton vəhşi heyvan ətinin (yarasa, şimpanze, qorilla və s.) istehlak edildiyini hesablayıb.

Xatırladaq ki, Qərbi Afrikada Ebola virusunun qurbanlarının sayı 4,5 min nəfəri ötüb. Virusa yoluxanların sayı isə 9 min nəfərdir. Ölüm hadisələrinin əksər hissəsi Qvineya, Liberiya və Syerra-Leone ölkələrində baş verir.