“Azərpoçt” MMC-dəki həyəcan polisi ayağa qaldırıb.

Daxili İşlər Nazirliyinin mətbuat xidmətindən milli.az-a verilən məlumata görə, oktyabrın 19-da Gəncə şəhər, Azərbaycan küçəsindəki “Azərpoçt” MMC-nin filialından polisə həyəcan siqnalı daxil olub.

Mühafizə polisi dərhal həmin ünvana yollanıb və poçtun giriş qapısına müdaxilə olunduğunu aşkar edib. Oradakı bankomatdan oğurluğa cəhd göstərmiş şəhər sakini Orxan Abbaszadə tutulub.