Ənvər Seyidəliyevin idarəçiliyinə etiraz olaraq
Ağsudan prezident Aparatına yürüş olacaq

Son zamanlar Ağsuda vətəndaşlarım haqlı narazılığı səngimək bilmir. Elə ötən günlərdə bir qrup rayon sakini rayonda baş verən özbaşnalıqlarla bağlı aksiya keçiriblər. Haqlı narazılıq deyərkən Ənvər Seyidəliyevin rayonda acdığı eyş işrət məclislərindən tutmuş, daş karxanası ilə bağlı olan məsələlərdən hər kəsin xəbəri var. Bunlar haqqında növbəti yazılarımızda geniş məlumat verəcəyik. Ağsunu bir ailə idarə edirk deyəndə isə bunlar nəzərdə tutulur:
-İcra başçısı Dövlət Sosial Müdafiə Fondunun rəhbəri Səlim Müslümovun dayısıdır.
-“Kapitalbank”ın Ağsu filialının müdiri Fətulla Seyidəliyev isə Ənvər Seyidəliyevin doğma qardaşıdır.
-S.Müslümovun bibisinin əri Ağsu Rayon Əmək və Əhalinin Sosial Müdafiəsi Mərkəzinin direktorudur.
- Rayonun maliyyə şöbəsinin müdiri Radim Müslümov isə S.Müslümovun başqa qardaşıdır.
- Ağsu bazarı icra başçısının başqa bir qohumu olan Varis Nəzərovun nəzarətindədir.
- Ənvər Seyidəliyevin qardaşı Fazil Seyidəliyevə gəldikdə isə o, rayon polis şöbəsinin rəis müavini işləyir.
Qeyd edək ki, bundan əlavə olaraq isə Ənvər Seyidəliyev şəhərin “meri” postuna Nadir Şirinovu təyin etdirib. Nadir Şirinovda illərdən bəri hazırki icra başçısına xəzinadarlıq edir. Elə günün bu vaxtına qədər. Əldə etdiyimiz dəqiq məlumatlara görə bəzi mətbuat orqanlarına rayonda baş verən özbaşnalıqlar haqqında gedən yazılar üçün məhz Nadir Şirinovun “baxım görümündən” sonra göz yumulur.
Neçə müddətdir ki, yerli mətbuat Ağsu rayonunda baş verən məmur özbaşınalıqlarından yazmaqdadır. Bildirək ki, Dövlət Sosial Müdafiə Fondunun sədri Səlim Müslümovun adamı kimi tanınan Ağsu rayonunun icra hakimiyyətinin başçısı Ənvər Seyidəliyev barəsində redaksiyamıza yeni şikayət məktubu daxil olub. Bu barədə qəzetimizə yazan narazı Ağsu sakinləri bildirir ki, icra başçısı özünü Ağsuda Bağdadın kor xəlifəsi» kimi hiss edir: «Dəfələrlə yuxarı orqanlara müraciət olunsa da, kimsə Ənvər Seyidəliyevə söz demədiyindən şikayətlər qulaqardına vurulub. Məsələnin bu həddə olması da icra başçısının öz əməllərində daha da rahat olması ilə nəticələnib».
Şikayətçilər bildirir ki, bu günlərdə korrupsiyaya qarşı mübarizə idarəsinə Ənvər Seyidəylivein rayona ayrılan vəsaiti yerli maliyyə idarəsinin müdirinin əli ilə hansı formada mənimsəməsini sübuta yetirən konkret faktlar göndərilib: «Bir qrup rayon sakini adından göndərdiyimiz müraciətə cavab gözləyirik. Əgər yenə də təqdim etdiyimiz faktlar nəzərə alınmazsa, o zaman Bakıya - Prezident Administrasiyasına yürüş edəcəyik. Çünki rayona ayrılan pulları dədə malı kimi cibinə qoyan və bunun qarşılığında yerli sahibkarlara, idarə və müəssisə rəhbərlərinə divan tutan Ənvər Seyidəliyev ağsuluları aşağılamağı vədridişinə çevirib. Yəni Səlim Müslümov bu qədərmi böyük adamdır ki, onun qohumu belə ərköyünlük edir?»
Fərid