Bir neçə gün öncə “Akkord” şirkətinin rəhbər şəxslərindən biri orada çalışan xanım işçilərdən birinə qarşı əxlaqsız hərəkət edib.

“gundemxeber.az” xəbər verir ki, bu barədə virtualaz.org-a açıqlamasında zərərçəkmiş xanımın özü məlumat verib.

Zərərçəkən xanımın adı redaksiyaya məlum olsa da etik mülahizələri nəzərə alaraq açıqlanmır.

Adını şərti olaraq Z.H. deyə qeyd etdiyimiz xanım əməkdaş açıqlamasında deyir ki, “Akkord” Sənaye Tikinti İnvestisiya Korporasiyası ASC-yə göndərdiyi CV əsasında bu il avqust ayının 11-də həmin şirkətdə işə qəbul olunub.

Universiteti bitirdikdən sonra təhsilini Londonda davam etdirib başa vuran Z.H. Azərbaycana qayıdandan sonra iş üçün BP və “Akkord” şirkətlərinə müraciət edib. Əvvəlcə “Akkord”dan təklif alan Z.H. bu il avqustun 11-də şirkətə daxil olan “Qaradağ Mərmər Qranit” MMC-də müdir köməkçisi vəzifəsində işə başlayıb.