Bakıda yanğın hadisəsi qeydə alınıb.
gundemxeber.az Fövqəladə Hallar Nazirliyinin saytına istinadən verdiyi məlumata görə, Suraxanı rayonunda ümumi sahəsi 3 kv.m olan taxta konstruksiyadan ibarət köşk yanıb.
Yanğın zamanı tüfeyli həyat tərzi sürən, şəxsiyyəti məlum olmayan (40-45 yaşlı kişi) bir nəfər yanıq xəsarəti alıb və təcili tibbi yardım stansiyasının əməkdaşları tərəfindən aidiyyatı üzrə aparılıb.
Yanğından yaxınlıqdakı tikililər mühafizə olunub. Yanğın saat 21:31-də yanğınsöndürənlər tərəfindən söndürülüb.