Əldə etdiyimiz məlumata görə, Beynəlxalq Diaspor Mərkəzinin(BDM) sədri İsmayıl Ağayev qarşıdan gələn bələdiyyə seçkilərində qüvvəsini sınamaq qərarına gəlib. Ancaq onun qarşısında qırmızı işıq yandırılıb. Bizə verilən məlumatda bildirilir ki, İsmayıl Ağayevin istəyi Səbail rayon bələdiyyəsinə seçilmək olub. BDM sədri bu prosesi maksimum dərəcədə gizli saxlamağa çalışıb. Bu günlərdə Səbail rayon DSK-sı İsmayıl Ağayevə təqdim etdiyi imza vərəqlərində çoxlu sayda problemin olduğunu əsas gətirərək, onun sənədlərini geri qaytarıb.

Digər bir versiyaya görə isə, İsmayıl Ağayevin seçkilərə buraxılmaması onun ağır cinayət kateqoriyasına aid ittiham əsasında məhkum edilməsilə bağlıdır.



Xatırladaq ki, İsmayıl Ağayev bundan əvvəl də, Səbail bələdiyyəsində işləyib. Bu, Əhməd Hüseynovun sədr olduğu dövrə təsadüf edir. Lakin sonradan Əhməd Hüseynovla onun arasında ciddi qalmaqal yaşanıb. Həmin vaxt İsmayıl Ağayevin bələdiyyədə icra etdiyi vəzifəyə seçki prosesindən keçmək tələb edilməyib.

İsmayıl Ağayevlə əlaqə saxlanılıb. O, açıqlamasında bələdiyyə üzvü olmaq istəmədiyini və DSK-ya heç bir sənəd təqdim etmədiyini deyib.

asifAncaq Səbail DSK-dan adının çəkilməsini istəməyən mənbə bizə İsmayıl Ağayevin DSK-ya imza vərəqələri təqdim etdiyini bildirib.

Azinform.az-ın əldə etdiyi məlumata görə, İsmayıl Ağayevin bələdiyyədə təmsil olunmasını istəməyən ən başlıca adam Səbailin indiki icra başçısıdır. Cünki hazırda İsmayıl Ağayevin Əhməd Hüseynovla münasibətinin normallaşdığını bilən başçı onlardan hansınınsa bələdiyyəyə seçilməyindən möhkəm ehtiyat edir. Çünki Səbail rayonunda satılan boyuk sahədə torpaq sahələrilə bağlı kimin məsuliyyət daşıması hələ ki, tam aydınlaşmayıb.

Yazıda adları çəkilən şəxslərin də mövqeyini verməyə hazırıq.

Xəqani QORXMAZ