Gecə saatlarında Lənkəran şəhərində ağır bıçaqlanma hadisəsi baş verib.

ANS TV-nin məlumatına görə, bıçaqlanan 40 yaşlı Eyvaz Paşayevi yaxınları ağır vəziyyətdə qan içində tapıb və özünə məxsus olan “Hundai” markalı maşınla təcili Lənkəran Rayon Mərkəzi Xəstəxanasına çatdırıb. Sol budun kəsilmiş- deşilmiş yarası, dilin kəsilməsi, sol kürək nahiyəsinin kəsilmiş-deşilmiş yarası və ağır qanaxma diaqnozu ilə xəstəxanaya daxil olan Eyvaz Paşayev dərhal əməliyat edilib və hazırda vəziyyəti orta ağırdır.

Lənkəran şəhər polis şöbəsinin istintaq bölməsində hadisənin şəxsi münasibətlər zəminində baş verdiyi, hələlik hadisə ilə bağlı heç kimin saxlanılmadığı, əməliyyat tədbirlərinin davam etdirildiyi bildirildi. Əldə etdiyimiz məlumata görə, hadisəyə səbəb zərərçəkənin söyüş söyməsi olub.