Bir ABŞ vətəndaşı “Thanksgiving” bayramında bir oturuma təxminən 4 min 500 kalorilik yemək yeyib. Bir Fransız vətəndaşının da Noel gecəsi süfrəsində 2 min 400 kalorilik yemək olur. BMT tərəfindən yayılan bir açıqlamaya görə isə, dünyada təxminən 870 milyon insan gündəlik qida ehtiyacını qarşılaya bilmir.

İnkişaf etmiş ölkələrlə kasıblığın hökm sürdüyü ölkələr arasındakı uçurum adambaşına düşən kalori göstərəcilərində daha aydın görünür. “Global Hunger İndex” ( Qlobal aclıq indeksi) adlı araşdırma qrupu adambaşına düşən kalori miqdarına görə ölkələri sıralayıb. Araşdırma yoxsul ölkələrdə insanların çoxunun gündəlik yetərincə bəslənmədiyini ortaya çıxarıb.

Ən aşağı limit 2 min 400 kalori

Mütəxəssislər bir insanın gündəlik qidalanma ehtiyacını qarşılaması üçün ortalama 2 min 400-2 min 700 miqdarında kalori qəbul etməsi gərəkdiyini deyir. Burundidə isə adambaşına gündəlik 670 kalori düşür.
İndeksdəki ilk omluqda olan Mozambik, Kenya, Tanzaniya, Sudan, Çad, Yəmən, Efiopiya, Hindistan, Nigeriya, Anqola, Liberya, Sierra, Leone kimi ölkələr də aclıq problemi ilə boğuşur.

Aclığın əsir aldığı 10 ölkə:

Burundi – adambaşına düşən gündəlik kalori miqdarı min 670, əhalinin yüzdə 67-si yetərsiz bəslənir.
Eritre - adambaşına düşən gündəlik kalori miqdarı min 730, əhalinin yüzdə 63-ü yetərsiz qidalanır.
Zambiya – adambaşına düşən gündəlik kalori miqdarı min 910, əhalinin yüzdə 43-ü yetərsiz bəslənir.
Şərqi Timor – adambaşına düşən gündəlik kalori miqdarı min 920, əhalinin yüzdə 38-i yetərsiz bəslənir.
Haiti - adambaşına düşən gündəlik kalori miqdarı 2 min 90, əhalinin yüzdə 49-u yetərsiz bəslənir.
Filistin- adambaşına düşən gündəlik kalori miqdarı 2 min 90, əhalinin yüzdə 31-i yetərsiz bəslənir.
Svazilənd - adambaşına düşən gündəlik kalori miqdarı 2 min 100, əhalinin yüzdə 35-i yetərsiz bəslənir.
Komorlar - adambaşına düşən gündəlik kalori miqdarı 2 min 110, əhalinin yüzdə 65i yetərsiz bəslənir.
Madaqaskar -adambaşına düşən gündəlik kalori miqdarı 2 min 160, əhalinin yüzdə 27-si yetərsiz bəslənir.
Demokratik Konqo Cümhuriyyəti - adambaşına düşən gündəlik kalori miqdarı 2 min 170, əhalinin yüzdə 33 -ü yetərsiz bəslənir.