“Mən həm vətəndaş, həm də bir jurnalist kimi təhlükəsizliyimin təmin olunmasını istəyirəm”.

Jurnalist Ramin Məhəmmədoğlu MTN-ə müraciət etdi:
Bu haqda Sonolay.org saytının rəhbəri, jurnalist Ramin Məhəmmədoğlu bildirib. Onun sözlərinə görə, Füzuli rayonunun icra hakimi Alı Alıyevin rüşvətxorluq və vəzifə səlahiyyətlərini aşması ilə bağlı yazılardan dolayı, YAP kimi nüfuzlu partiyanın adından istifadə edərək, onu nüfuzdan salmağa çalışan Zümrüd Abbası da öz maraqlarına görə istifadə edir: “ Alı Alıyevlə yaxın münasibətləri olduğu deyilsədə, hesab edirəm ki, bu Zümrüd Abbasa məni qardaşları ilə hədə-qorxu gəlməyə və ya susdurmağa çalışmağa heç bir əsas vermir. Abbasova Zümrüd Abbas qızının məni təhdid etməsi ilk növbədə hüquq və qanuna zidd bir hərəkətdir. Adı çəkilən xanım facebook sosial şəbəkəsi vasitəsi ilə mütəmadi olaraq, mənim ünvanıma yazılı təhdidlər və şantajlar yağıdırır. Mən xahiş edirəm ki, bununla bağlı gərəkən addımları atasınız və bir vətəndaş, daha sonra bir jurnalist kimi mənim təhlükəsizliyimi təmin edəsiniz”.

Xatırladaq ki, neçə günlərdir Zümrüd Abbas Sonolay.org-un redaktoru Ramin Məhəmmədoğlunun ünvanına təhdidlər yağdırır. Həmin təhdid dolu mesajların bir qismini nəzərinizə çatdırırıq:

“Mənim qardaşlarım sənin cavabını verəcək. Onlara sübut edərsən mən hansı işlərlə məşğul olduğumu. Bu həftə sənin ata ünvanına gedəcəklər, görsünlər sən kimsən, hansı ailədə tərbiyə almısan, sən ümumiyyətlə kimsən. Mən onlara deməmişdim məni təhqir etdiyini, amma onlara bu gün dedim. Heç darıxma….”