RAMF: “Rusiyada “Mən Azərbaycanı tanıyacağam” adlı müsabiqənin yekunu ilə əlaqədar tədbir keçirilib”

25 dekabr tarixində Rusiyada “Mən Azərbaycanı tanıyacağam” adlı müsabiqənin yekunu ilə əlaqədar tədbir keçirilib. Rusiya Azərbaycan Media Forumunun verdiyi məlumata görə, bilərəkdən bu tədbir Dünya Azərbaycanlılarının Həmrəylik günü və yeni il ərəfəsinə təsadüf edib. Tədbir Moskva Dövlət Linqvistika Universitetində bütün müsabiqə iştirakçılarının və ÜmumRusiya yaradıcı gənclərinin iştirakı ilə keçirilib. Xatırladaq ki, “Mən Azərbaycanı tanıyacağam” adlı müsabiqəyə 16 oktyabrda start verilmişdi. Layihə Azərbaycan-Rusiya Mədəniyyət və Həmrəylik Mərkəzinin Moskva Dövlət Universiteti, Rusiyanın Xalqlar Assambleyası, Avrasiya Dostluq Təşkilatı, MDU-nin İqtisadçılar Klubu, Rusiyanın Xarici İşlər nazirliyi və “Biz Rusiyalıyıq” Gənc Rusiya Xalqları Assambleyasının birgə əməkdaşlığı ilə reallaşdırılıb. Layihənin məqsədi iki dövlət arasında mədəni əlaqələrin inkişaf etdirməkdir. Öz çıxışı zamanı Azərbaycan-Rusiya Mədəniyyət və Həmrəylik Mərkəzinin sədri Namiq Şahpələngov Azərbaycan Rusiya arasındakı bu cür tədbirlərin vacibliyindən danışdı. Moskva Dövlət Linqvistika Universitetinin rektoru İrina İvanovna Xaleeva öz növbəsində bu cür əhəmiyyətli müsabiqələrin tez –tez keçirilməsinin iki dövlət arasında münasibətlərin daha da möhkəmlənməsinə dəstək olacağını vurğuladı. Bu üzdən müsabiqənin təşəbbüskarı olan Azərbaycan-Rusiya Mədəniyyət və Həmrəylik Mərkəzinin rəhbərliyinə təşəkkür etdi. Daha sonra tədbir geniş məruzələrlə, Azərbaycanın milli musiqisi və milli rəqsləri davam etdi. Sonda üç yer üzrə qaliblər mükafatlandırıldı. Birinci yerə “Azərbaycan Ritmləri” adıaltında mükafata Azərbaycanın və Rusiyanın Yazıçılar Birliyinin üzvü, Rusiya Jurnalistlər Birliyinin üzvü, şairə Afaq Şıxlı layiq görüldü. Digər yerləri isə Dilya Mərdanova, Yana Juravl, Sergey Panferov, Andrey Katkov, Karaqodina İrina İqidovna Əliyeva Elnarə və Kazakova Gülsüm bölüşüblər. Qeyd edək ki, Beynəlxalq Media və Araşdırmalar Mərkəzi Rusiya Azərbaycan Media Forumu çərçivəsində Rusiyadakı həmvətənlərimizin bütün fəaliyyətini işıqlandırmasına xidmət edən layihəsinə start verdi.