ABŞ-ın Şimali Dakota ştatının Qrand Forks qraflığında məktəb avtobusu qatarla toqquşub.

gundemxeber.az ANS PRESS-ə istinadən bildirir ki, hadisə nəticəsində 2 nəfər ölüb, 11 nəfər isə müxtəlif dərəcəli xəsarətlər alıblar. Bu barədə "Fox News" xəbər verib.

Qəza Larimor şəhərindən 5 kilometr aralıda, ştatın şimal-şərq hissəsində dəmir yollarının kəsişməsində baş verib.

Hökümət qüvvələrinin məlumatına görə, zərərçəkənlərin dəqiq sayı bilinməsə də, ən azından 11 nəfər qəza nəticəsində yaralanıb.

Qəza vaxtı havanın aydın olduğu qeyd edilir.